First Batch Moves on to Top 25 of GPTV

A grand winner of a singing competition, a grand winner of a talent search, a soap opera princess, a sister of an actress cum singer and a daughter of the late King of Philippine Cinema are the winners of our first weekly elimination of our search for the Goddess of Philippine TV.

The theme is Siete contra Dos. The latter emerged as the winner this time since all of their 3 entries in this week landed in the elusive Top 5. These artists make up the first batch to reach Top 25 of our Top Female Young Stars of the Philipines where the sole title of Goddess of Philippine TV will come from.

Laarni Lozada, Jackie Rice, Bea Alonzo, Shaina Magdayao and Lovi Poe defeated Sunshine Dizon, Diana Zubiri, Pauleen Luna, Stef Prescott and Jolina Magdangal in this popularity contest that started last 23 March and ended yesterday at 7 pm.

The five winners will again come back on the 29th of April to ask for your votes once more for the Final Top 10. On the other hand, Sunshine, Diana, Pauleen, Stef and Jolina have just ended their quest and they have been eliminated. They will be subjected for evaluation from our 10 judges for their ranking in the Top 26 - 50 for our Top Female Young Stars of the Philippines.

Of all the votes we have recieved, Laarni took the biggest share with 58.9%. Jackie came out second with a big difference. She got 16% only but it was enough to put her on second place. Third is Bea with 15.6%. She is followed by Shaina with 15.2% and Lovi Poe with 14%.

Next on the ranking are Sunshine with 13.6%, Diana with 13.2%, Pauleen with 12.7%, Stef with 12.6% and Jolina with 10.8%.

Let me introduce again our winners of the first elimination of the Second Face Off. Here are their pictures.

READ MORE >>

Laarni, Marian, Rachelle Ann at Jewel, Nanguna sa Poll Daddy; Sino ang mga nanganganib matanggal sa Top 25?

GPTV Updates: Mainit at exciting ang  mga kaganapan sa ating dalawang botohan para sa ating search for the Goddess of Philippine TV kahapon at ngayon. Malinaw na walang taga-hanga ang hindi gustong mailuklok sa pinakamataas na posisyon ang kani-kanilang idolo.

Sa weekly elimination, kahapon ay umabante ang mga Kapuso nang magawa nilang ilaglag ang isa sa mga Kapamilya artist na si Shaina Magdayao sa Top 5. Sa mga nagdaang mga araw kasi, ang tatlong Kapamilya artists na sina Bea Alonzo at Laarni Lozada kasama si Shaina ay hindi natitinag sa Top 5. Dahil dito ay puro Kapuso artists ang nanganib na matanggal.

Nagawa rin nilang hilahin ang mga percentage scores ng mga Kapamilya stars at i-angat naman ang mga boto ng mga Kapuso. Pero bumawi ang mga Dos loyalists at sila ay nag-rally ngayon araw na ito para ibalik ang tatlo nilang artista sa Top 5.

Dahil isang araw na lang ang natitira sa ating weekly elimination, makakahabol pa kaya uli ang mga Siete loyalists? Kung hindi magbabago ang ating resulta sigurado na limang Kapuso ang malalaglag sa Unang Face Off ng ating second round of elimination.

**********

Sa ating botohan naman sa Poll Daddy kung saan kukunin ang 15% ng final score ng mga bubuo sa Final Top 10, wala rin malinaw na leader sa ngayon dahil 4 na iba't ibang idolo natin ang nakita namin sa top position.

Noong umaga kahapon, si Laarni ang siyang nanguguna pero sa bandang tanghali ay pinalitan siya ni Rachelle Ann Go. Pagdating ng hapon ay nanguna naman si Marian Rivera. Nang muli namin tignan ang updates kaninang madaling araw ay si Jewel Mische naman ang nasa unahan hanggang sa ngayon.

Mag-iisang linggo pa lamang ang ating botohan sa Poll Daddy pero malapit na natin makuha ang mark na 1 Million votes.

Ipinapaalala lang namin na ang mga boto ninyo sa Poll Daddy ay mababalewala lamang kung hindi makapasok sa Top 25 at Final Top 10 ang inyong idolo. Magagamit lamang ang mga botong ito sa Final Top 10 kaya bago kayo bumotodito  ay unahin niyo munang isalba ang idolo ninyo sa weekly elimination.

Ngayong linggo, ang mga nasa weekly elimination na magtatapos bukas ay sina Pauleen Luna, Jolina Magdangal, Stef Prescott, Laarni, Jackie Rice, Sunshine Dizon, Diana Zubiri, Lovi Poe, Bea at Shaina.

Ang mga maglalaban naman sa second week, mula 7 pm bukas hanggang 7pm ng 06 April 2009 ay sina Rachelle Ann Go, Carla Abellana, Maricris Garcia, Kristine Hermosa, Roxanne Guinoo, Kris Bernal, Glaiza de Castro, Heart Evangelista, Rich Asuncion at Francine Prieto.

Kaya sa mga fans ng mga artista na nasa second week ng elimination, kailangan masiguro niyo muna na makaka-abante sa Top 5 sa susunod na linggo ang inyong mga idolo para hindi masayang ang mga boto niyo sa Poll Daddy.

Narito ang list ng Top 10 (as of writing) sa Poll Daddy:

1. Jewel Mische - 102,370
2. Laarni Lozada - 100,313
3. Marian Rivera - 90,762
4. Rachelle ann Go - 84398
5. Toni Gonzaga - 44735
6. Jonalyn Viray - 44429
7. Aicelle Santos - 37382
8. Maricris Garcia - 33673
9. Jackie Rice - 31466
10. Iza Calzado - 30001
11. Jolina Magdangal - 28431
12. Gee Ann Abraham - 26521Get free website for your blog

READ MORE >>

Kilalanin ang mga Early Favourites sa Second Face Off ngayong Linggo

GPTV Updates: Nakikitaan namin ng mas matinding pagnanais ang mga taga-hanga ng bawat artistang kasali sa ating Goddess of Philippine TV na mailagay sa unahan ng botohan ang kanilang idolo sa pagpasok ng Second Face Off/Elimination na nagsimula noong Lunes sa ganap na 7 pm.

Kritikal ang weekly elimination natin sa ngayon dahil unti-unti na lumilinaw kung sino talaga sa mga artista natin ang may tinatawag na solid fan base dahil Top 25 Female Young Stars na ang kanilang pinaglalabanan. Mula sa original na 100, nabawasan ng 50 female young stars ang ating listahan sa pagtatapos ng First Face Off noong 20 March. Ngayon 50 na lamang silang natitira, kalahati uli sa kanila ang malalaglag para sa susunod na round of elimination.

Sa unang dalawang araw ng eliminasyon ngayong linggo, nagpakita kaagad ng pwersa ang mga Kapamilya fans at nagawa nilang iluklok sa unahan ang mga Kapamilya artists. Nahirapan silang habulin ng mga fans ng Kapuso.

Nag-iba ang ihip ng hangin ngayon araw na ito dahil unti-unti na muli nagpapakita ng determinasyon ang mga Kapuso para mailagay sa top positions ang mga Siete talents. Pero sa kabila nito ay nanatili pa rin matatag ang depensa ng Dos kahit nasa bottom 5 na ang isa sa mga talent nila na si Shaina Magdayao na sa loob ng dalawang araw ay nasa Top 5.

Katulad ni Shaina, si Jolina Magdangal lamang ang artista ng Siete na hindi natinag sa Top 5 sa nagdaang araw pero mukhang nagpahinga ang kanyang mga taga-hanga dahil siya na ngayon ang nasa panghuling pwesto. Makakabawi pa kaya si Jolina? Iyan ang ating abangan.

Walang dudang si Laarni Lozada ang isa sa ating mga artista ang may maswerteng mga taga-hanga na sobra ang kanilang dedikasyon. Hindi lahat ng artista natin ay may mga ganyang klaseng mga fans, huh. Ang mang-aawit ang nasa unahan ng botohan at mukhang secured na siya sa kanyang pwesto.

As of 6:30 pm ngayon, nanganganib mawala sa Top 25 sina Jolina, Shaina, Diana Zubiri, Pauleen Luna at Stef Prescott.

Posibleng umabante naman sina Laarni, Jakie Rice, Bea Alonzo, Sunshine Dizon at Lovi Poe. Pero hindi dapat magpabaya ang mga fans nila dahil marami pa ang pwedeng mangyari sa loob ng apat na araw na siyang pagtatapos ng weekly elimination na ito.

Magtatapos ito sa Lunes, 30 March 2009 sa oras na 7pm PST. Makikita sa second column ng ating blog ang updated result ng botohan araw-araw.

Get free website for your blog

READ MORE >>

Ang Reaction nina Bayani Agbayani at Boyet Fajardo sa mga Isyung Kinasangkutan

SHOWBIZ NEWS FOLLOW-UPS: Nagbigay na ng pahayag ang dalawang personalities na pinag-pipiyestahan sa youtube ang mga kapalpakan na nagawa sa news program ng Dos na TV Patrol World. Si Bayani Agbayani ay nakuhanan ng video o audio habang nagmumura sa mga taong nakabangga samantala si Boyet Fajardo naman, isang fashion designer, ay nakuhanan ng CCTV habang inaalipusta ang isang cashier ng Duty Free Philippines.

Parehas na inako ng dalawa ang kanilang pagkakamali  pero may mga statements sila na hindi makakatulong para patawarin sila ng publiko, bagkus lalo lang magpapatindi ng galit nila.

Sabi ni Bayani na nagawa lang naman daw niya ang magmura dahil minura din siya ng isa sa sakay ng sasakyan na nabangga. Mismo kay Bayani nanggaling na nagsimula siyang manakot nang sabihan siya na  "sa Crame na lang dapat dinala ang kaso". 

Pero malinaw sa video na napanood namin na bago pa mag-dialogue ang lalaking kaaway ni Bayani ay matagal nang nagmumura at nanakot ang komedyante. Umako ka na rin lang Bayani, dapat hindi ka na nagsalita pa ng bagay na sa tingin mo pwede ka pang ituring na biktima. Akuin na lahat ang pagkakamali at sigurado mapapatawad ka ng lubusan ng publiko.

Sa statements naman ni Boyet, humingi siya sa cashier na nakilalang si Marvin Fernandez ng paumanhin on air pero mukhang tumagilid siya nang sabihin niya na "sana ay mapatawad na rin siya dahil parehas lang sila ng biktima ni Marvin sa isyung ito"

Naku, Boyet. Paano ka naging biktima dito? Kung sa tingin mo ay biktima ka ng galit ng publiko at ang panawagan nilang i-boycott ang iyong clothing line, sa tingin ng Siete Contra Dos ay epekto lang ito ng iyong pambibiktima. Hindi mo pwede sisihin ang publiko dahil nasaktan din sila sa ginawa mong pagtrato sa isang ordinaryong tao na sa tingin nila ay representation ng maliliit sa lipunan. Ah, kami pala iyon. Para mo na rin kasi kaming minaltrato sa ginawa mo kay Marvin.

Kaya imbes na tawagin mo na ikaw ay biktima din. Akuin mo na lang ang kasalanan ng buong-buo at matuto sa naging karanasan mong ito.

Talagang dinadamdam din ni Boyet ang galit ng publiko dahil napapaluha siya habang kinukunan ng interview. Pero mukhang idedemanda ka nga ng pamunuan ng Duty Free.

Minsan, we learn our dues the hardest way. Nakakalungkot man pero dapat may natutunan kasi tayo dahil these things make us a better person.

Sa nangyaring ito kina Bayani at Boyet (double B pala mga ito as in Bad Boys), ang aral na napulot natin dito ay tumahimik na lamang kapag alam natin na nasa height tayo ng ating emosyon. Nakakabulag ang emosyon at dahil dito nakakagawa tayo ng mga bagay na pagsisihan sa huli. Sabagay, hindi naman pwede magsisi sa umpisa.

**********

Nagbigay na rin ang pahayag ng ABS CBN tungkol sa panlalaglag sa kanila ni Manny Pacquiao. Matatandaan na inakusahan ni Manny ang Dos na siyang nagdikta ng sasabihin niya sa TV at ipinalabas ang interview kahit may usapan silang i-embargo muna ito.

Natural na pasisinungalingan ito ng Dos dahil malaking kasiraan nga naman sa pangalan nila ang statement na ito ng boxing champ. Kami rin dito sa Siete Contra Dos ay naguguluhan na rin at masyado yata namin ini-internalize ang bawat palitan ng press release.

Ayon kay Karl, mukhang may tama at laman ang naging pahayag ng ABS CBN. Depensa kasi ng Dos na ipinalabas ang interview ng Miyerkules pero hindi naringgan ng pagtutol si Manny sa mga sumunod na araw. Kinabukasan ay nagpahayag si Manny na mananatili ang pasya niya na sa Dos ipalalabas ang laban. Ganundin noong sumunod na araw (2 days after the first announcement), sinabi niya na hindi siya naapektuhan dahil may nag-aayos sa Manila sa kanyang mga problema. Dapat pa lang daw ay umalma na si Manny sa mga oras na iyon.

Ayon sa Dos, kung may nilabag sila na kasunduan kay Manny tungkol sa paglabas ng interview, bakit hindi niya sinita ang TV Patrol World o ang management about the breach?

Oo nga naman, di ba? 

Pero tulad nga ng isinulat na ng Siete Contra Dos Team sa nakaraang blog entries, pinakamalaking dagok ang ibinigay nito kay Manny kumpara sa anumang entity na nadamay. Kaya Manny, kung sakali nagbabasa ka sa aming munting blog, hwag ka na lang tumakbo pa bilang Congressman dahil mas malaki ang chance na matatalo ka. Gumawa ka na lang mg maraming foundation kung gusto mong makatulong talaga sa mga kababayan mo.  Huwag mo kami kalimutang kunin bilang staff mo kung maisipan mo nga. LOL.

**********

Napanood namin ang interview ni Laarni Lozada sa Showbiz News Ngayon mula sa head up ng isang fan. Salamat sa iyo Ms. M. Tama ang aming Pusang Gala (Ikaw yun Ms. M) na magkakaroon ng interview nga si Laarni sa SNN at naisulat na namin dito sa blog natin bago pa nai-ere sa telebisyon.

Matagal nang naipalabas ito (18 March 2009) pero narito ang transcript ng naging panayam:

Kris A : At eto isa pang nakakatense na banggaan. PDA scholar Laarni Lozada and Bugoy Drilon. Ayun sa balita nagkakairingan na daw d umano, mas marami kasi exposure si Bugoy simula pag labas nya sa PDA, gayong Grand Star Dreamer na si Laarni Lozada nag rerebelde na, ahh ohhh, usap-usapan kaklaruhin mismo ng SNN.

VOICE OVER:  Magmula noong hanggang ngayon ito pa rin daw ang intriga na status ni Laarni Lozada at Bugoy Drilon at ang issue, si Laarni nag rerebelde na raw at ayaw na mag trabaho dahil na e-insecure daw ito na mas na papaburan sa trabaho at exposure si Bugoy, akusasyon ekslusibong nilinaw ni Laarni sa SNN.

LAARNI: Sa ngayon po kasi medyo focus po muna ako sa pag aaral ko, kasi po this April ga graduate na po ako, so ang dami kong inaasikaso na graduation requirements kaya siguro konti nawala ako.

SNN : Hindi mo sinipot ang valentines concert nyo na kung saan kasama ka dapat, ano ang nangyari?

LAARNI: Nagkasakit na po ako. Noong time po na yun kasi di ba sobrang dami din namin na mga out of town shows, so sicuro di ko na nakayanan yung katawan ko bumigay.

SNN : Wala din daw katotohanan ang mga issues na may tension at inggitan sa pagitan nila.

LAARNI: Ah yung friendship namin ni Bugoy at talagang talagang hindi mawala yun.

SNN: So hindi totoo yung intriga na parang mas dahil visible ngayon si Bugoy na nag rerebelde ka at ayaw mo mag work ?

LAARNI: Naku po hindi totoo yun, alam nyp po ba na sobrang natutuwa po talaga ako dahil syempre successful po si Bugoy, kung ano po yung success nya ay para na rin success ng lahat yun.

***********

Gusto naming linawin na malaya ang lahat ng aming mambabasa na mag-submit ng article o opinyon para sa kanilang iniidolong artista. Sisikapin naming mabigyan ang mga ito ng puwang sa aming blog.

Meron din kaming panawagan, dahil medyo busy ang ilan naming mga kaibigan at dahil dalawa lang kami ni Karl na nagsusulat, bukas po kami na tumanggap ng kahit sinong interesado na maging author din dito. Magsabi lang kayo sa pamamagitan ng comment form sa ibaba ng site. Pero kung may sarili kayong blog, pwede niyo rin kami imbitahan.

Get free website for your blog

READ MORE >>

Introducing the First Batch of our Second Face Off

One IP address, One vote. 

Iyan na ngayon ang bago nating botohan para sa mga weekly face off or elimination natin. Dati-rati ay pwede tayo bumoto ng maramihan sa nakaraang unang face off noong hosted pa ito ng POLLSB. Ngayon, dito sa bago nating VIZU, isang boto na lang bawat computer. Mas mahigpit na sa ngayon dahil Top 25 na ang pinaglalabanan. Sampung artista na lang ang nakasalang bawat linggo. Mas marami dati sa bilang na 20.

Pero sa isang botohan ay pwede kayo pumili ng hanggang sampu o pwede niyo sila pilihin lahat.Pero kung gusto ninyo na isa lang ang iboboto para mas malaki ang chance ng paborito niyo na makapasok sa Top 5 this week, ay walang problema.

Ang Top 5 ngayong linggo ang masuwerteng aabante sa Top 25 kung saan kukunin ang Final Top 10 at saka ang Goddess of Philippine TV na siyang Grand title ng pinakasikat o popular na artistang babae natin sa ngayon.

Muli namin ipinakikilala ang mga sampung artista na humihiling sa inyong mga boto. Sila ay sina Laarni Lozada, Shaina Magdayao at Bea Alonzo ng Dos. Ang mga kinatawan naman ng Siete ay sina Sunshine Dizon, Pauleen Luna, Jolina Magdangal, Stef Prescott, Jackie Rice, Diana Zubiri at Lovi Poe.

Sina Laarni, Sunshine, Pauleen at Jackie ay nanalo sa first batch ng first face off. Sina Diana at Lovi ay umabante naman sa second batch ng first elimination. Si Bea ang nag-iisa mula sa third batch at si Shaina naman ang galing lang sa fourth batch ng unang face off. Samantala, sina Jolina at Stef naman ang kinatawan ng fifth batch ng unang face off.

Nagsimula kahapon ng gabi sa Pilipinas ang botohan sa linggong ito at meron lang kayo hanggang 7 pm ng gabi (Pacific Time) sa March 30 upang iligtas ang mga artista na gusto ninyong mapunta sa Top ng linggo na ito.

Hiling lang namin na bago kayo bumoto sa Poll Daddy, yung pumalit sa Mister Poll, na matatagpuan sa right column ng blog namin ay kailangan maisalba niyo muna ang ibinoboto niyo dito sa weekly elimination ng second face off para sa Top 25. Kung hindi sila makapasok sa Top 5 every week ay masasayang lang ang mga boto nila sa Poll Daddy.

Gusto rin namin linawin na ang mga botong itinala ninyo sa Mister Poll ay carry over sa makukuha nilang boto sa Poll Daddy. Ito ay magagamit sa Final Top 10 kapag pinalad na mapasama sa elusive rank na ito ang paborito ninyo.

Maraming salamat sa patuloy ninyong suporta. Taos-puso po iyan.

READ MORE >>

Magbabalik Si Laarni Lozada; Mahal ng Publiko si Annabel Rama?

Isa ang Siete Contra Dos sa nagpahayag ng paninindigan na ang kontrobersyang away ni Annabel Rama sa executive ng GMA 7 na si Wilma Galvante ay nakakasira (nakasira na actually) sa imahe ng Kapuso network at ang away na ito ay mas mali si Annbel kaysa kay Wilma. Hindi namin sinasabi na walang kamalian si Wilma pero kumbaga sa kasabihan, Wilma is the less evil between two evils.

Ang blog din namin ang isa sa nangunang nagbalita sa natanggap naming formal petition letter against Annabel (Click here for the story) at sa katunayan ay isa kami sa pumirma. Pero nadismaya kami noong huli namin itong suriin dahil mukhang na kay Annabel ang huling halakhak. Mabagal ang pagdating ng mga signatories sa nasabing petition. Sa katunayan, 93 pa lang na tao ang pumipirma. Malayo ito sa katotohanan na 100,000 na siyang target ng petition letter.

Kung malalaman ito ni Annabel ay siguradong matutuwa siya at lalong lalaki ang kanyang ulo. Lalo siyang maniniwala na konti lamang ang talagang galit sa kanya, hindi nega ang image niya sa publiko, at lalo siyang mang-aaway sa mga susunod na araw kapag siya ay hindi napagbigyan.

Nalulungkot lang kami dahil matibay ang aming paniniwala na talagang masamang ehemplo itong si Annabel pero parang hindi naman ito ang iniisip ng mas marami.

Kaya kung sa tingin ninyo ay mali si Annabel, pwede niyo ring i-forward sa lahat ng kakilala niyo ang site kung saan sila pwede pumirma. Pwede niyo rin itong ikampanya. Pero kung sa tingin ninyo ay tama si Annabel, pasensiya na lamang sa inyo at magkaka-iba tayo ng pananaw.

Ang url ng site ay http://www.thepetitionsite.com/1/boycot

*********

Isang sulat ang natanggap namin mula sa isang tagahanga ni Laarni Lozada at nagbigay ng reaction sa sa aming isinulat dito. Pinatotohanan niya ang aming nasagap na balita na si Laarni ay abala sa kanyang pag-aaral dahil graduating na siya ngayong April. Maraming salamat kay Ms. M.

Ayon kay Ms. M, hindi naging visible si Laarni sa buwan lang naman daw ng February dahil inaasahan daw na babalik siya sa telebisyon sa huling linggo ng buwang kasalukuyan o sa unang linggo ng April.

Nagpasya daw ang mang-aawit na mag-concentrate muna sa kanyang thesis na siyang huling requirement para maka-graduate siya sa course na kinuha niya sa Philippine Women's University. Excited daw na makuha ni Laarni ang kanyang diploma kaya ginusto niyang mapagtuunan ng pansin ang kanyang thesis. Pero nagulat daw siya nang malaman na meron pa raw isang subject na kailangan niyang tapusin maliban sa thesis. Dahil dito ay minabuti ng dalaga na ayusin muna ang kanyang problema sa unibersidad para maka-graduate na sa April.

Ayon kay Ms. M, excited daw si Laarni na matapos ang kursong kinuha dahil napakahalaga ito sa mga taong mahihirap na katulad ni Laarni. Bilib kami dito sa Siete Contra Dos sa determinasyon ni Laarni na makatapos sa pag-aaral dahil ganyan din kami noon.

Dagdag din ng isang fan dito na balitang pumirma na raw ng kontrata ang dalaga sa Star Magic. Ayon pa kay Ms. M. na under na siya ni Johny Manahan at ang current handler niya ay si Ms. Ein Lopez. Baka daw makita na natin siya sa ASAP sa March 22. Bago ang Star Magic ay hawak si Laarni ng Dream Big Production.

Magandang balita ito para kay Laarni dahil siguradong mas maalagaan siya under Star Magic at ni Mr. Manahan. Hindi biro ang qualifications ng mga nabanggit dahil sa dami na rin ng artistang ginawa nilang big names. Sana nga ito na ang big break for Laarni.

Baka sa mga susunod na araw daw ay makita natin ang interview ni Laarni sa Showbiz News Ngayon nina Boy Abunda at Kris Aquino.

Kaya sa mga fans na nagtatanong kung nasaan na si Laarni, hwag na kayong malungkot pa dahil isa sa mga araw na ito ay bubulaga siya sa inyong telebisyon ng bonggang bongga!

Balikan ninyo ang mga susunod namin blog entry dahil sinisimulan namin sulatin ang isa pang write up  about Laarni. Sinubaybayan namin ang mga comments ng mga tao sa kanya kaya nagpasya kaming gawan ito ng reaksiyon.

Get free website for your blog

READ MORE >>

Nasaan si Laarni Lozada? Jolina Magdangal, Judge sa 2nd Asian Idol

SHOWBIZ TIDBITS: Over the past few weeks ay nakatanggap kami ng mga e-mails from fans na nagtatanong sa ilan nating mga artista na hindi masyado nakikita sa ngayon sa telebisyon. Pinilit din namin i-forward ang mga e-mails na ito sa mga kakilala namin na pwedeng makapagbigay ng information o pwede makapaghatid sa tamang kinauukulan pero hindi pa kami nakakatanggap ng mga sagot. Busy siguro sila.

Isa dito ay si Laarni Lozada, ang magaling na singer na nanalo sa Pinoy Dream Academy. Nagtatanong sila kung ano ang nangyari sa dalaga dahil wala na raw siya sa listahan ng mga magiging guests sa concert ni Gary Valenciano. Hindi na rin daw siya nakikita sa telebisyon.

Batid namin na marami ang nagbabasa sa amin na taga-hanga ni Laarni at ang ilan sa inyo ay may direct communication sa kanya. Posible ninyo kami balitaan para malaman naman ng mga ibang fans na gustong makibalita.

Pero ayon sa isa naming kaibigan, may personal lang daw na inaasikaso si Laarni at isa na rito ang kanyang pag-aaral. Meron daw siyang kontrata na pinirmahan sa ABS-CBN at Star Records noong isang taon lang kaya asahan daw natin na makikita natin siya sa mga susunod na araw.

Very colourful ang pinagdaanan ni Laarni sa buhay bago nakilala ang husay niya sa pag-awit. Nag-aral siya ng Music pero kinailangan niyang magbago ng kurso dahil sa katayuan ng kanyang buhay. Napanood din natin ang kanyang struggle sa loob ng PDA. Wish lang namin na sana tuluyan na siyang makilala dahil malaki ang kanyang potensyal.

*******

Marami rin ang nagtatanong kung ano na ang nangyari kay Jayann Bautista at ang iba pang nanalo sa first Pinoy Idol ng Siete. Pagkatapos kasi nilang manalo ay hindi na sila nakita pa o naringgan sa kahit anong programa ng Kapuso. At hindi rin alam kung magkakaroon pa ba ng susunod na season ng Pinoy Idol.

Kami rin ay nagtataka kung ano ang balak ng Kapuso kina Jayann at Gretchen Espina. Kung sa ibang bansa na may franchise ng sikat ng singing competition na Idol, instant hit agad ang mga winners o siguradong nagkakaroon ng career. Pero mukhang kabaligtaran ata dito sa atin.

Ayon sa kakilala namin, busy daw sa pag-aaral ang dalawa sa University of the Philippines at binubuo pa lang daw ang kanilang launching albums. Sa kasalukuyan daw ay busy din silang nagwo-workshop para lalong mapaganda ang kanilang boses.

Si Gretchen daw ay baka malapit na i-launch ang first album sa Mayo at siguradong ipapadala daw siya sa susunod na Asian Idol competition sa December. Sa karagdagang balita si Jolina Magdangal daw ang magiging judge from the Philippines. Naniniwala daw sila na mananalo dito si Gretchen.

Nagpahayag naman ang TV5 na kapag hindi na raw interesado ang GMA na ituloy ang Pinoy Idol ay gusto raw nilang kunin ang franchise at ipagpatuloy ang nasimulan na Philippine Idol.

Get free website for your blog

READ MORE >>

GPTV Updates: Bumalik si Nadine sa Top 10; Kapamilya Stars Unti-unting Bumababa; Singers, Ayaw Magpatalo

GPTV Updates: Interesting ang nangyayari sa ating second to the last weekly elimination ng ating search for the Goddess of Philippine TV na magtatapos bukas sa ganap na 11:59 ng gabi. Mas aktibo ang mga fans ng Siete dahil mas maraming Kapuso female artists ang umakyat ng pwesto. Sa mga biggest movers ay puro Kapuso rin at sila ay sina Nadine Samonte, Maxene Magalona, Nikki Dacullo, Angelu de Leon, Maricris Garcia, Isabel Oli at Iza Calzado. Ten times ang taas ng boto nila kumpara sa itinaas ng mga boto ng mga Kapamilya female stars.

Naalarma siguro ang mga fans ni Nadine Samonte at sinipag sila kahapon para ibalik ang dalaga sa Top 10 pagkatapos siyang ilaglag ni Sarah Geronimo. Kabaligtaran naman ang nangyari kay Sarah na imbes na umakyat at talunin si Maricris ay nagpabaya ang mga fans niya. Naabutan siya tuloy ni Maxene Magalona na siya na ngayong number 2. Number 3 na lamang si Sarah.

Habang tumataas ang mga boto nina Nikki, Angelu, Isabel at Iza pababa ng pababa naman ang dating ng suporta nina Shaina Magdayao at Kristine Hermosa. Kung magpapatuloy ang trend na ito ay posibleng mawala sa Top 10 sina Shaina at Kristine sa pagtatapos ng botohan bukas. Kapag mangyari iyon ay mawawalan na ng chance ang dalawang magandang dalaga na contract stars ng Dos na mapabilang sa Top 50 at sa solong titulo na Goddess of Philippine TV sa taong ito.

Sa kabilang banda naman, sa separate poll natin sa Mister Poll, muling sumigla ang mga taga-hanga ni Laarni Lozada dahil naibalik nila sa pagiging Primera ng mang-aawit sa listahan ng mga nangunguna.

Nakakatuwa rin ang mabilis na paghahabol ng mga fans ni Rachelle Ann Go at tinatakot na niya na ilaglag si Marian Rivera sa number 2 spots.

Mukhang ang mga may solid votes sa ating botohan ay ang grupo ng mga mang-aawit na kinabibilangan nina Laarni, Aicelle, Rachell Ann, Maricris, Jonalyn at Sarah. Si Marian lang ang hindi mang-aawit ng may solid votes din. Pinapatunayan nito ang matagal na nating alam na ang mga Pilipino ay talagang likas na mahilig sa kanta at pagkanta. Sabi nila, we are natural born singers and lovers of music. Ang tanong, pwede kaya magsama-sama ang mga mang-aawit na nabanggit sa isang concert? Sigurado ako yayanig ang Pilipinas kapag mangyari iyan.

Paging to all producers who are interested. Bring Laarni, Aicelle, Rachell Ann, Maricris, Jonalyn and Sarah in one concert. Agree ba kayo?

READ MORE >>

GPTV Updates: Nadine Samonte, Nalaglag sa Top 10 dahil sa Pagpasok ni Sarah Geronimo

GPTV Updates: Aba, mukha yatang natauhan ang mga fans ni Sarah Geronimo sa title ng aking post kahapon, "GPTV Updates: Sarah Geronimo at Ruffa Mae Quinto, Nalaglag na sa Top 10". Simula kahapon ay dumagsa ang boto para sa dalagang mang-aawit at hindi lang nakapasok sa Top 10 kundi pumuwesto kaagad siya sa number 2 spot. Ngayon ang popularidad ni Sarah ay nakikita na sa kanyang boto sa poll natin for the Goddess of Philippine TV pero mapantayan kaya ng sipag ng fans ni Sarah ang dedikasyon ng mga fans ng isang pang mang-aawit na si Maricris Garcia na siyang nangunguna sa ngayon? Tignan natin dahil 3 araw na lang ang natitira sa weekly elimination na ito.

Sa pagpasok ni Sarah sa Top 10 ay nagsaripisyo naman si Nadine Samonte dahil nahulog na siya sa Lowest 10. Maibabalik kaya ng mga fans ni Nadine ang aktres?

Mataas din ang bilang ng mga boto nina Iza Calzado at Shaina Magdayao kahapon. Naungusan ni Iza si Kristine Hermosa na bumaba ng pwesto dahil humina ang suporta ng mga fans ng dating asawa ni Diether Ocampo.

Sa kabilang poll naman sa Mister Poll, naalarma yata ang mga fans ni Laarni Lozada at bigla uli dumagsa ang boto ng dalaga. Konti na lang uli ang agwat sa boto ng kasalukuyang nangungunang si Marian Rivera. Pero magpapatalo kaya ang mga solid Marian fans? Pero sa dedikasyon ng mga Laarnians, nakita na natin noong unang linggo ng elimination natin na hindi imposibleng manguna uli si Laarni.

Uulitin namin na kapag naiboto na ang Top 50 sa Top 100 Female Young Stars of the Philippines para Goddess of Philippine TV, lilinisin namin ang Mister Poll para tanggalin na ang mga Lowest 50. Ang mga Lowest 50 naman ay ira-rank namin from 51st - 100th positions at ia-announce namin dito ng limang pwesto kada isang araw.

Kaya hiling namin na magpadala kayo ng pinakagusto ninyo photo ng mga idols ninyo at iyon ang gagamitin namin sa aming blog entry. Kung masyado maraming photo ang aming matatanggap para sa isang artista, pipiliin namin ang sa tingin namin na pinakamaganda.

Salamat muli sa suporta at bumoto lang kayo. Bisitahin niyo kami sa blog namin araw-araw for the updates.

READ MORE >>

GPTV UPDATES: Kapamilya Fans, mas Nagpakita ng Suporta Ngayon Araw na ito

GPTV UPDATES: Mahina pa rin ang suporta ng mga fans ng mga artistang kalahok sa second elimination ng ating search for Goddess of Philippine TV. As of this writing, hindi pa rin napapantayan ang record natin last week sa unang elimination. Sobrang solid ang mga supporters nina Laarni Lozada, Aicelle Santos, Marian Rivera at Jonalyn Viray - ang apat na nanguna - at talaga naman kahanga-hanga ang kanilang ipinakitang suporta.

Nangunguna pa rin si Rhian Ramos sa ating poll pero bumaba ang turn-out ng mga votes niya at kabilang na rin dito ang lahat ng mga Kapuso stars na nasa competition ngayong linggo.

Kung humina ang votes ng mga Kapuso fans, kabaligtaran naman ang nangyari sa Kapamilya dahil dumami ang kanilang votes kumpara sa mga nagdaang araw. Mas malaki ang naidagdag sa mga votes ng karamihan sa mga artista ng Dos pero hindi pa rin ito ganap para i-occupy nila ang top positions.

Sa lahat ng mga Kapamilya stars, sina Angel Locsin, Toni Gonzaga at Gee-Ann Abraham ang may pinakamaraming botong naidagdag.

Nailapit ni Angel ang kanyang boto sa boto ng mga tatlong GMA 7 stars na nasa Top 3. Lumiit ang gap nila at kung magpapatuloy na magpakita ang mga loyal Angel fans ay hindi imposibleng manguna si Angel sa poll na ito tulad ng una naming inakala. Pero among Kapamilya stars in this batch, si Angel pa rin ang pinakpopular so far.

Si Toni Gonzaga naman ay umakyat ng tatlong puwesto at naungusan niya ang ilang Kapuso stars na dating nasa unahan niya. Tulad ni Angel, kung patuloy itong suportang ito ng fans para sa dalaga, hindi rin imposibleng matapos ang botohan na ito na nasa Top 5 siya.

Sa kabilang banda, si Gee-Ann naman ay nananatili pa rin sa Lowest 10 kahit dumami ang votes niya kahapon. Hindi pa rin ligtas ang dalagang produkto ng Pinoy Big Brother sa elimination.

In general, kung walang malaking pagbabago sa mga votes sa loob ng 3 araw, nanganganib na mas marami na naman ang Kapamilya stars ang matatanggal. Baka dalawa lang sa kanila ang aabante sa Top 50 - sina Angel at Toni lamang na ironically ay parehas pang galing ng GMA 7.

Noong nakaraang linggo o elimination ng first batch, isang Kapamilya star lang ang nakapasok sa Top 10, ang nanguna sa botohan na si Laarni Lozada.

Pero meron pa tayong 3 araw na natitira para sa second elimination na ito. Magtatapos ang botohan sa 27 February sa ganap na 11:59 ng gabi.

Patuloy pa rin natin suportahan ang mga artista natin at hwag silang kalimutan iboto. Kung hindi sila makakapasok sa Top 10 ay balewala ang mga botong nakuha nila sa Mister Poll.

READ MORE >>

GPTV Top Ten for Week 1: Who are moving up to Top 50?

Our first elimination for our search for the Goddess of Philippine TV was concluded last night at 11:59 pm Philippine time (20 February 2009). The Top 10 who moves on to Top 50 has been named.

Siete contra Dos? This time, it's Siete that took most of the top positions at the totem pole although a Dos talent managed to grab the highest position.

Nine Kapuso talents fought hard to locked their positions on the Top 10. The only lucky Kapamilya in the group is Laarni Lozada who dragged the flagship of her network on top out of 20 female young stars we have today on Philippine television.

The nine kapusos are Aicelle Santos, Marian Rivera, Jonalyn Viray, Sunshine Dizon, Chynna Ortaleza, Jackie Rice, Bianca King, Pauleen Luna and Carlene Aguilar. Only Krissa Mae Arrieta of the defunct Gobingo who didn't make the cut.

We have a very successful poll for this week. All in all we received a total of 46,324 pageviews for the poll alone and out of this number, a total of 22,731 turned out as votes. The final vote tally is as follows:

Laarni Lozada - 7,527
Aicelle Santos - 6,498
Marian Rivera - 2,523
Jonalyn Viray - 1,235
Sunshine Dizon - 634
Chynna Ortaleza - 604
Jackie Rice - 603
Bianca King - 601
Pauleen Luna - 596
Carlene Aguilar - 492

These female stars in the Top 10 are our first in the Top 50. They will be entering another elimination on 31 March 2009. Their votes they accumulated last week will be forfeited now since these were just meant for the weekly elimination. But don't stop voting them at Mister Poll or just by clicking the VOTE for GPTV at the menu tab of our blog. Their votes in that separate poll is what makes 15% of their overall score if they are lucky to be included in the Final 10.

The mostly Kapamilya female young stars who were eliminated in this face off are:

Kim Chiu - 378
Christine Reyes - 151
Krissa Mae Arrieta - 150
Cathy Gonzaga - 150
Anne Curtis - 194
Karylle Tatlonghari - 128
Melissa Ricks - 87
Gaby dela Merced - 63
Mariel Rodriguez - 62
Sheryn Regis - 55

It's too sad for these ladies at the bottom 10 for it's the end of the road for them. In the history of our Goddess of Philippine TV, they will be remembered as the first young stars to say goodbye.

READ MORE >>

GPTV UPDATES: Todo ang Suporta ng mga Fans ni Laarni Lozada

GPTV UPDATES: Bigay todo ang ginagawang suporta ng mga fans ni Laarni Lozada, ang winner ng Pinoy Dream Academy sa ating search for the Goddess of Philippine TV. Walang oras na hindi sila bumoboto ayon sa aming statistics. Majority of her votes comes from the Philippines and USA. Sa ngayon si Laarni ang nangunguna sa batch na ito at mukhang sigurado na siya sa Top 50.

Pero hindi natin masasabi ito sa iba pang talents ng Channel 2 na kasama rin sa linggong ito ng kompetisyon. Mahina ang suporta ng mga Kapamilya afficionados sa iba pa nilang talent.s Sa katunayan, sa Top 10 as of 4 pm (Philippine time) ngayong araw na ito, tanging si Laarni lamang ang nakalusot. Hindi ito magandang senyales considering na ito ay Siete Contra Dos. Isa ito sa paraan namin para sukatin ang popularidad ng mga artista natin sa ngayon. Kung nagkataon, 9 na Kapamilya talents ang malalaglag sa elimination na ito at 9 naman na Kapuso talents ang aabante sa laban.

May isang fan ni Laarni ang nag-iwan ng mensahe sa ating blog. The poster is explaining why the fans of Laarni are solid in their support for the singer. Ayon sa kanya, gusto nila ipakita sa management ng ABS-CBN na sa kabila ng kokonting projects na ibinibigay sa dalaga ay may mga malawakang fan base pa rin ang mang-aawit na umaasang bigyan siya ng mas maraming exposure. Kumbaga, gusto nila iparating sa Kapamilya na hwag manghinayang sumugal ang network kay Laarni dahil meron na meron siyang nakaantabay na mga fans para sumuporta. Tama ba ako dito mga Laarnians? You can leave your comments.

Hindi namin ipinapangako pero sisikapin naming gagawin namin ang aming makakaya para maiparating sa Kapamilya ang inyong request at ang result ng poll nating ito. Gusto lang namin sabihin sa lahat ng sumusuporta ng Goddess of Philippine TV na pipilitin naming hindi masasayang ang inyong effort sa pagboto dahil ipapakita talaga namin sa tamang kinauukulan na abot ng aming connection ang magiging resulta nito at pati na rin analysis namin.

Gusto ko lang sabihin din na isa sa mga batayan ng pagbibigay ng projects sa isang artista ay ang kanyang kasikatan batay sa mga forums, polls, letters, private studies/analysis, endorsements, etc na natatanggap nila. Hindi namin sinasabi na makakatulong nga itong poll natin pero malay natin, di ba, lalo na kung binabasa naman nila ito? (*wink*)

Sa kabilang banda naman, kahit 9 na Kapuso talents ang kabilang sa Top 10, mabagal din ang boto nila mula sa mga fans. Si Aicelle Santos lang ang consistent ang pagtaas ng kanyang boto dahil sa masisipag niyang mga fans na base rin sa USA. Namo-monitor namin ang lahat na ito.

Sina Carlene Aguilar at Krissa Mae Arrieta ang may tremendous improvements sa ngayon. Mula pang-19 na puwesto, umakyat agad sa Top 10 ang ina ng anak ni Dennis Trillo. Si Krissa Mae naman ay muntik na rin makapasok pero nilisan na niya ang 20th position na kinuha naman ngayon ni Sheryn Regis.

Si Marian Rivera naman ay mabagal din ang pagdating ng kanyang boto pagkatapos magpakita ng pwersa sa unang araw ng elimination. Sa katunayan, halos 700 votes lang ang kanyang natanggap ngayong araw na ito. Isa kami sa nangangamba na baka apektado na nga yata ng mga negative publicities ang dalaga. Ganunpaman, si Marian pa rin ang isa sa nangunguna sa poll na ito at kasalukuyang nasa ikatlong pwesto. Ayon sa aming analysis sa data that we have, mas solid kasi ang fans ni Aicelle Santos kaysa kay Marian kaya naungusan ng La Diva ang isa sa pinakasikat na aktres ngayon ng GMA.

Si Pauleen Luna naman ay hindi nadagdagan ang kanyang boto kahit isa so far ngayong araw na ito.

Gusto lang namin linawin muli na ang contest na ito ay popularity. Ang pasya sa Goddess of Philippine TV ay nakasalalay sa kasikatan ng artista at ito ay nasa kamay ng mga fans na nagmamahal sa kanila at handang suportahan sila kahit anong laban. Kung anong votes na natatanggap namin mula sa mga fans ang siya naming binibilang na walang labis at walang kulang. Kaya kung ang paborito niyong artista ay wala sa pwestong gusto niyo para sa kanya, ibig sabihin na kulang ang malawakang suporta ng inyong grupo at nagkataon naman na merong fans na mas masipag or dedicated on their idols. Tulad ng sinabi ko, we are all analyzing these stuffs and we'll definitely find ways to bring these to someone who will benefit from these.

Uulitin uli namin na ito ay magtatapos sa 11:59 pm sa Sabado (Philippine time) o 20 February 2009 dahil ito ay ang ating first weekly eliminations. Pagdating ng Sabado ay iba namang set of 20 Kapamilya at Kapuso artists ang maglalaban-laban sa loob ng isang linggo muli. Yung Top 10 ay aabante sa Final 50 para sa Second Elimination na magsisimula by the end of March.

Maraming salamat uli at patuloy po natin suportahan ang mga artista natin.

READ MORE >>

UPDATES on GPTV: Mahina ang Suporta ng Kapamilya Network Fans sa mga Artista nito

UPDATES: Goddess of Philippine TV

Pagkatapos ng halos 3 araw simula ng ilunsad noong Valentines Day ang Unang Elimination round ng first batch ng Goddess of Philippine TV search, 3 significant changes have been noted as of 5 pm today.

Una dito ay ang pag-akyat nina Pauleen Luna at Sunshine Dizon sa Top 10 bilang 10th and 8th placers respectively. Matatandaan na for the last 2 days, hindi binakante nina Sunshine at Pauleen ang bottom 2 spots sa poll of 20 leading female stars of both Kapuso and Kapamilya networks.

Nakakagulat nga na parang hindi nababahala ang mga fans ng dalawang aktress. Isa sa ibig sabihin nito ay walang malawakang fan base sina Pauleen at Sunshine na humihikayat sa iba para iboto sila. Maaring ang bumoto sa kanila so far since hindi naman kalakihan ng naidagdag na boto nila ay yung mga loyal na lang sa Kapuso network na dahil sa pagmamahal sa GMA ay sinuportahan na rin ang contract stars nila.

Pangalawang significant change na napansin namin ay ang hindi mapigilang suporta ng mga fans ng mga singers natin sa batch na ito katulad na lang nina Aicelle Santos, Jonalyn Viray at Laarni Lozada. Sa grupo ng 3 mang-aawit na ito ang pinagmumulan ng pinakamalaking porsiyento ng mga fans na bumoto na sa ating survey. Isa itong milagro sa amin dahil sila ang inakala namin noong una na weakest links sa field of 20 stars sa unang elimination. As of now, 50% of all the votes counted ay galing sa mga fans nitong mga future divas ng Pilipinas.

Si Aicelle Santos ay naungusan ulit si Marian Rivera at siya uli ang nangunguna. Kasama si Jonalyn Viray, karamihan ng mga bumoto sa dalawang La Diva ay mula USA at Canada. Ibig ba sabihin ay malakas ang pangalan ng dalawa sa mga bansang nabanggit? Hindi kaya sina Aicelle at Jonalyn din mismo ang nangangampanya para silaý iboto? :-)

Hindi rin matatawaran ang suporta ng mga fans ni Laarni Lozada. Masipag ang kanyang mga taga-hanga sa pag-iimbita na iboto nila si Laarni. In full force sila sa paghihikayat sa mga forums at blogs at ang effort naman nila ay hindi naisasawalang-bahala dahil si Laarni ngayon ang bumibitbit sa bandila ng Channel 2 sa labanang ito ng Siete Contra Dos.

Isa na namang rebelasyon ito sa amin dahil hindi namin inakala na si Laarni ang magdadala sa Kapamilya. Una naming naisip na sina Anne Curtis, Kim Chiu, Cristine Reyes, Karylle Tatlonghari, Melissa Ricks at Mariel Rodriguez ang mangunguna pero kahit pa yata pagsama-samahin natin ang mga votes nila ay lamang pa rin ang big winner ng Pinoy Dream academy. Mabuti pa si Cathy or Alex Gonzaga, kapatid ni Toni Gonzaga, kahit bago pa lang siya ay mukhang nagugustuhan na ng mga voters natin.

Since hanggang 20 February pa naman itong poll na ito, 4 na araw na lang, sana makita natin ang pagsuporta ng mga Kapamilya fans sa kanilang mga artista. Kung magpapatuloy na mababa ang kanilang mga boto ay masasabi na talaga natin na sa batch na ito, mas sikat ang mga talents ng Kapuso network.

At ang huli naming napansin ay ang parang bahagyang pagbaba ng popularidad ni Marian Rivera. Hindi maitatanggi na si Marian ang pinakasikat na artista sa ngayon dahil sa dami ng endorsements pero mukhang unti-unti itong bumababa. Kumbaga mas sikat siya noon kaysa ngayon. It's like saying na nasa peak na si Marian and there's no way to move on but to go down. Hindi maikakaila na ito ay epekto ng mga sunod-sunod na pambabatikos at bad publicities against her. Wish ko lang na makabawi nga ang dalaga sa lahat ng ito dahil sa tingin ko ay mabuting tao naman siya na mapagmahal sa lola. Isa pa ay isang napakatotoong tao nito. What you see is what you get from her.

Para sa complete list ng updates natin sa Search for The Goddess of Philippine TV, nakapaskil na ito sa right side ng iyong screen sa bandang 3rd column from your left. Sisikapin namin na araw-araw ay ma-update ito para sa inyo.

At baka nakalimutan niyo rin, meron pa tayong separate poll for this search na matatagpuan sa Menu Tab ng blog na ito. Hanapin ninyo itong VOTE FOR GPTV at i-click iyan. Ang result ng poll na iyan ay 15% sa kabuuang score ng iyong idol kapag siya ay pinalad na mapasama sa Final Top 10. Kung hindi nakasama ang idol ninyo sa Top 10 ay balewala ang mga votes na naipon niya sa separate poll na iyan.

READ MORE >>

Aicelle Santos Currently Leads GPTV

Maligayang Araw ng mga Puso para sa inyong regular readers ng aming blog.

Sa unang oras ng Siete Contra Dos para sa unang elimination ng Goddess of Philippine TV, nagpakita agad ng puwersa ang Kapamilya network nang gawing leader si Laarni Lozada out of 20 female stars. Pero ilang oras lang ang nakalipas, nakaungos ang Kapuso.

Sa partial result ng aming poll as of 6 pm Philippine time, 5 Kapuso ang pasok sa Top 6. Si Laarni lamang ang nag-iisang Kapamilya. Pero unpredictable ang ating resulta dahil sa bottom 4 ay puro rin Kapuso.

Ano ang ibig sabihin nito? Extreme ang mga Kapuso fans. Merong mga talents from their network na malawak talaga ang fan base at meron ding konti lang. Samantala sa Kapamilya naman ay halos pantay ang distribution. Marami ang mga posibleng dahilan pero unti-unti natin sila mababanggit as we go along with this contest.

Kasalukuyan nangunguna ngayon si Aicelle Santos ng Kapuso with 416 votes. 44 votes ang lamang nito kay Marian Rivera na pumangalawa lamang. Mukhang mga singers ang nagbibigay ng sorpresa sa batch na ito. Pagkatapos umariba si Laarni ay si Aicelle naman ang nanguna. For sure, hindi magpapatalo dito ang mga fans ni Marian dahil malayo pa naman ang laban.

Aside from Aicelle, Marian and Laarni sa Top 10, kasama rin nila sina Jonalyn Viray, Jackie Rice, Bianca King, Kim Chiu, Anne Curtis, Karylle Tatlonghari at Melissa Ricks.

Nanganganib naman mawala sa listahan at tuluyan nang ma-eliminate sina Chynna Ortaleza, Gaby dela Merced, Cristine Reyes, Cathy Gonzaga, Sheryn Regis, Mariel Rodriguez, Carlene Aguilar, Krissa Mae Arrieta, Pauleen Luna at Sunshine Dizon dahil sila ang nasa bottom 10 so far.

Nakakagulat na hindi masyado lumalaban sina Pauleen Luna, Sunshine Dizon, Cristine Reyes at Mariel Rodriguez dahil isa sila sa mga kino-consider na front runners.

Natutuwa kami dahil successful ang aming Search for Goddess of Philippine TV. Wala pa itong 24 hours simula ilunsad namin ay nakapag-generate na kami ng more 2 thousand votes from all parts of the world. Africa at South America na lang yata ang hindi pa represented sa aming poll. LOL.

Anyways, keep on voting guys at sabihin niyo rin sa mga iba pang fans to support their idols. Narito ang partial result ng ating contest as of 6 pm ng February 14, 2009 (Philippine time)

Aicelle Santos - 416
Marian Rivera - 372
Jonalyn Viray - 367
Laarni Lozada - 149
Jackie Rice - 141
Bianca King - 95
Kim Chiu - 93
Anne Curtis - 78
Karylle Tatlonghari - 54
Melissa Ricks - 40

Chynna Ortaleza - 29
Gaby dela Merced 27
Cristine Reyes - 27
Cathy Gonzaga - 20
Sheryn Regis - 17
Mariel Rodriguez - 17
Carlene Aguilar - 16
Krissa Mae Arrieta - 11
Pauleen Luna - 9
Sunshine Dizon - 5

Nabanggit namin sa mechanics ng contest na aside from weekly voting para sa face off or elimination process, pwede rin kayo bumoto by clicking the icon at the menu tab - Vote for GPTV. Kung sakali yung idol niyo ay makapasok sa Final Top 10, yung score niya from that separate poll makes 15% of her total scores in the final stage.

Kung naguguluhan kayo, feel free to leave a comment at sasagutin namin sa lahat ng makakaya namin.

Bukas, hintayin niyo rin ang post ng isa kong co-author sa blog na ito. He made a survey sa mga non-Pinoys, mostly British and Americans, about the stars they would like to date ngayong Valentines if they are given the chance. Of course ang mga choices ay ang mga Top 100 Female Stars natin dito.

Abangan niyo iyan dahil masaya ito. Ang susunod naman na update ng GPTV (Goddess of Philipppine TV) ay after 2 days - Monday.

READ MORE >>

First Elimination ng GPTV, Nagsimula na: Laarni Lozada Nangunguna sa First 2 Hours

Nagsimula na ang unang bugso ng elimination para sa contest nating Goddess of Philippine TV. Inilunsad ito kaninang 12 am (14 February) sa time zone ng Pilipinas. Isang rebelasyon ang pangunguna ni Laarni Lozada sa unang 2 oras ng kontes.

Ang mga front-runners na inaasahang magdadala sa Channel 7 ay sina Marian Rivera, Pauleen Luna, Sunshine Dizon at Bianca King kung dami ng palabas sa telebisyon ang pag-uusapan.

Sa side naman ng Channel 2 ay mukhang mas marami ang malalakas nilang pambato. Nandyan sina Anne Curtis, Kim Chiu, Cristine Reyes, Mariel Rodriguez at Karylle. Tulad ng nasabi ko na nangunguna si Laarni Lozada - walang takot na tinatalo ang mga inaasahang mangunguna sa labanang ito. Isa lang ang ibig sabihin nito, meron din malawakang fan base ang dalagang meron isang magandang boses at nanalo sa Pinoy Dream Academy. Her recent stint at PDA is definitely helping her.

Tulad ng inaasahan, nangunguna sa ngayon si Marian Rivera sa panig ng Kapuso na pumapangalawa kay Laarni Lozada sa overall votes. Pero malayo pa ang lalakbayin ng ating contest dahil 'tong resultang aking binanggit ay sa first 2 hours lang pagkatapos buksan ang poll sa mga readers ng Siete Contra Dos. Marami pa ang pwede magbago pero malalaman natin sa 20 February kung sino ang magpapatuloy sa Top 50.

Uulitin ko na meron lang tayong isang linggo, 14-20 February para bumoto sa batch na ito. Sa 21 February, sampu sa kanila ang magpapaalam at mawawalan na ng pagkakataong manalo sa titulong Goddess of Philippine TV for 2009.

Maganda rin ang mga feedbacks na aming natanggap mula sa mga voters from other countries na hindi mga Filipino. Tama po kayo sa inyong nabasa dahil binuksan din namin ang poll na ito sa kahit anong nationalities. Sila yung mga may account sa website na nagho-host ng ating poll. Meron from Canada, Spain, Taiwan at pinakamarami sa USA.

Ilan sa magandang comment ay galing sa isang Amerikano at isang Canadian.

"This is tough. I don't know who to choose. They're so beautiful. Where is Pauleen Luna now? Hands down to Cristine Reyes," sabi ng isang Amerikano.

"They're all beautiful,"naibulalas naman ng isang Canadian.

Marami ang nagagawa ng mga popularity contest tulad nito sa career ng isang artista. Isang batayan sa kasikatan ng isang tao ang volume or comments na natatanggap niya mula sa mga forums or internet, radyo o pahayagan. A friend of mine is trying to write an article about this at inaasahan ko siyang magiging kasama natin dito sa site natin sa mga susunod na araw.

Ipagpatuloy lamang po ang pagboto at pag-endorse sa ating contest. Utang namin sa inyo ang success nito kaya ngayong Valentines Day ay binabati namin kayo. Sana ay maging masaya lahat tayo sa araw na ito.

READ MORE >>