A Night With La Diva

Ngayong Holy Week bigyan daan natin ang ilan sa mga e-mails at comments na aming natatanggap dito sa Siete Contra Dos.

Para sa ating mga kababayan na nasa Amerika o lalong-lalo na yung mga nasa California at kalapit na states, highly recommended ng Siete Contra Dos na panoorin ninyo ang unang-unang concert sa Amerika ng grupong La Diva na kinabibilangan ng tatlong magagaling na mang-aawit ng Siete na sina Jonalyn Viray, Aicelle Santos at Maricris Garcia.

Ang tatlong nabanggit na mga singers ay produkto ng talent search ni Regine Velasquez na Pinoy Pop Superstar. Si Jonalyn ang winner ng first season. Si Aicelle naman ang runner up ng second season kung saan si Gerald Santos ang nagwagi. Samantala si Maricris naman ang winner ng third season.

Ang concert ay pinamagatang A Night With La Diva. Magpe-preform sila sa 18 April 2009, Sabado, sa Virgil Auditorium sa 152 N. Vermont Avenue, Los Angeles, CA 9004.

Magkakaroon naman ng repeat performance sa susunod na Sabado, 25 April 2009 sa Morongo Casino Resort & Spa 49500 Seminole Dr. Cabazon, CA 92230.

Pawang magagaling ang mga mang-aawit na ito kaya hwag ninyong palampasin ang pagkakataon na ito.

Dati-rati ay hindi kami mahilig sa panonood ng mga concerts pero nang mapilit kami ng isang kaibigan na manood ng Kundirana, nagbago ang aming pananaw at dito nag-iba ang ihip ng hangin. Naging adik na kami sa mga performance na ganito dahil kakaiba talaga ng pakiramdam kapag nasa venue ka mismo. Mataas ang energy doon at siguradong matutuwa ka sa mga acts ng mga artista.

Libreng promotion lamang ito at hindi po kami binayaran para dito. Kahit sino ay pwede po lumapit sa amin kung may gusto kayong iparating.

**********

Bigyan daan na rin natin ang comment na aming natanggap para sa aming blog entry na "Brad Pitt at Angelina Jolie, Hindi Matutuloy ang Bakasyon sa Boracay?; Rose Flaminiano, Nagdemanda".

Isa kami sa hindi naniniwala na darating nga sa bansa sina Angelina Jolie, Brad Pitt  at ang kanilang pamilya para magbakasyon sa Boracay kahit kalat na kalat na ang tsismis na ito.

Hindi kami sigurado sa katotohanan ng comment ni K kasi hindi pa namin ito na nave-verify pero ayon sa ilang kaibigan, ang alam daw nila ay nasa US nga raw sina Angelina at Brad sa oras na ito ayon na rin daw sa mga news report.

Basahin natin ang comment ni K (unedited) at kayo na ang bahalang humusga.

It was a rumor made up by the female version of the matapobreng Ben Fajardo named Cecile Van Zamora Straten from a political clan of corruption and even her friends also have her same kind of feather and they all flock together with their Gucci bags, shoes and jewelries.

It all started from her ridicolous blog and she confirmed Brangelina was indeed in here but has no proof to back it up. What a bitch! She made all this false alarm and a lot of people waste their time and money to go to Boracay hoping to see them and it also stresses our national security namely NAIA and damages our tourism. what should we call our selves now? A country of liers? And chizmosaz? Chuvaness should be jailed for this public scandal and Brangelina will never visit our country because of this rave attention.

The truth is Angelina is on shooting for her film in the US since March 18 and recently collapses and hospitalized while filming so how could she be here? I think this is God's works to slap the Cecile's face on her lies.

Liars go to hell!

Spread this to all your friends if you hate corrupt politicians, liars, matapobres and materialistc bastards and bitches.

READ MORE >>

GPTV Updates: Malakas ang Hatak ng Grupong La Diva

GPTV Updates: Pagkatapos ng halos dalawang araw na botohan para sa elimination week ng 4th batch ng ating search for the Goddess of Philippine TV, malinaw na nagpakita ng impresibong performance ang mga pinakasikat na artistang babae sa grupong ito. Pero mas kahanga-hanga ang ipinapakita ng mga taga-hanga ng very powerful La Diva kung saan kabilang si Maricris Garcia na siyang kasalukuyang nangunguna.

Hindi matatawaran ang kasipagan at pagkakaisa ng mga fans ng grupong La Diva dahil muli na naman nilang ipinapakita ang kanilang maramihang boto sa ating search sa pamamagitan ni Maricris. Noong unang linggo kung saan nakasalang ang dalawa pang miyembro ng grupong ito na sina Aicelle Santos at Jonalyn Viray, una nilang ipinamalas ang kanilang remarkable voting power nang ilagay sa top positions ang dalawang nabanggit na dalaga.

Dahil dito, naniniwala ang Siete Contra Dos na napakagaling na hakbang ang ginawa ng GMA management nang pagsamahin ang tatlong babaing produkto ng Pinoy Pop Superstar bilang iisang grupo. Nagsama-sama ang mga fans ng tatlong mang-aawit na ang kinalabasan ay isang napakalaking fan base not only in the Philippines but all over the world as vindicated by our available statistics.

Sa kabilang banda naman, sa kabila ng intriga at pagbaba ng kanyang status bilang isa sa mga primetime queens, nananatili pa rin na malakas ang hatak ni Kristine Hermosa sa kanyang mga fans. Hindi maikakaila na marami pa rin ang sumusubaybay sa magandang dalaga dahil isa siya sa nangunguna sa grupong ito.

Ang rebelasyon ngayong linggo ay ang dalagang Cebuana na sinubok ang kapalaran sa showbiz sa pamamagitan ng sikat na reality show na Survivor Philippines. Si Nikki Dacullo ay baguhan laman kung ikukumpara sa mga ibang artistang kabilang sa batch na ito pero nakakapagtakang napasok niya ang Top 10. Sa katunayan ay nakikita lamang si Nikki sa isang pang-umagang show na kung tutuusin ay konti lamang ang viewers pero mukhang nagbabadya ang katotohanang pwede siyang maging ganap na sikat kapag siya ay mabigyan pa ng mas maraming exposure.

Si Sarah Geronimo naman is undoubtedly one of the most popular singers/actresses we have today pero mukhang hindi pa nagpi-pick up ang kanyang boto. Sa katunayan, si Sarah ang bidang babae sa mga dalawang blockbuster na pelikula ng Star Cinema na nagpapatunay na sikat siya. Ngunit inaasahan pa rin namin na ang kasikatang ito ay magiging mataas na boto para sa dalaga sa mga susunod na araw.

Ang partial results ay matatagpuan sa kanang bahagi ng entry na ito - nasa gitnang column ng ating blog. Makikita ninyo doon ang nasa Top 10 at Lowest 10 as of 8 pm ngayong araw na ito.

Hinihiling namin na ipagpatuloy ninyo ang inyong suporta sa ating search for the Goddess of Philippine TV.

READ MORE >>

GPTV UPDATES: Kapamilya Fans, mas Nagpakita ng Suporta Ngayon Araw na ito

GPTV UPDATES: Mahina pa rin ang suporta ng mga fans ng mga artistang kalahok sa second elimination ng ating search for Goddess of Philippine TV. As of this writing, hindi pa rin napapantayan ang record natin last week sa unang elimination. Sobrang solid ang mga supporters nina Laarni Lozada, Aicelle Santos, Marian Rivera at Jonalyn Viray - ang apat na nanguna - at talaga naman kahanga-hanga ang kanilang ipinakitang suporta.

Nangunguna pa rin si Rhian Ramos sa ating poll pero bumaba ang turn-out ng mga votes niya at kabilang na rin dito ang lahat ng mga Kapuso stars na nasa competition ngayong linggo.

Kung humina ang votes ng mga Kapuso fans, kabaligtaran naman ang nangyari sa Kapamilya dahil dumami ang kanilang votes kumpara sa mga nagdaang araw. Mas malaki ang naidagdag sa mga votes ng karamihan sa mga artista ng Dos pero hindi pa rin ito ganap para i-occupy nila ang top positions.

Sa lahat ng mga Kapamilya stars, sina Angel Locsin, Toni Gonzaga at Gee-Ann Abraham ang may pinakamaraming botong naidagdag.

Nailapit ni Angel ang kanyang boto sa boto ng mga tatlong GMA 7 stars na nasa Top 3. Lumiit ang gap nila at kung magpapatuloy na magpakita ang mga loyal Angel fans ay hindi imposibleng manguna si Angel sa poll na ito tulad ng una naming inakala. Pero among Kapamilya stars in this batch, si Angel pa rin ang pinakpopular so far.

Si Toni Gonzaga naman ay umakyat ng tatlong puwesto at naungusan niya ang ilang Kapuso stars na dating nasa unahan niya. Tulad ni Angel, kung patuloy itong suportang ito ng fans para sa dalaga, hindi rin imposibleng matapos ang botohan na ito na nasa Top 5 siya.

Sa kabilang banda, si Gee-Ann naman ay nananatili pa rin sa Lowest 10 kahit dumami ang votes niya kahapon. Hindi pa rin ligtas ang dalagang produkto ng Pinoy Big Brother sa elimination.

In general, kung walang malaking pagbabago sa mga votes sa loob ng 3 araw, nanganganib na mas marami na naman ang Kapamilya stars ang matatanggal. Baka dalawa lang sa kanila ang aabante sa Top 50 - sina Angel at Toni lamang na ironically ay parehas pang galing ng GMA 7.

Noong nakaraang linggo o elimination ng first batch, isang Kapamilya star lang ang nakapasok sa Top 10, ang nanguna sa botohan na si Laarni Lozada.

Pero meron pa tayong 3 araw na natitira para sa second elimination na ito. Magtatapos ang botohan sa 27 February sa ganap na 11:59 ng gabi.

Patuloy pa rin natin suportahan ang mga artista natin at hwag silang kalimutan iboto. Kung hindi sila makakapasok sa Top 10 ay balewala ang mga botong nakuha nila sa Mister Poll.

READ MORE >>

UPDATES on GPTV: Mahina ang Suporta ng Kapamilya Network Fans sa mga Artista nito

UPDATES: Goddess of Philippine TV

Pagkatapos ng halos 3 araw simula ng ilunsad noong Valentines Day ang Unang Elimination round ng first batch ng Goddess of Philippine TV search, 3 significant changes have been noted as of 5 pm today.

Una dito ay ang pag-akyat nina Pauleen Luna at Sunshine Dizon sa Top 10 bilang 10th and 8th placers respectively. Matatandaan na for the last 2 days, hindi binakante nina Sunshine at Pauleen ang bottom 2 spots sa poll of 20 leading female stars of both Kapuso and Kapamilya networks.

Nakakagulat nga na parang hindi nababahala ang mga fans ng dalawang aktress. Isa sa ibig sabihin nito ay walang malawakang fan base sina Pauleen at Sunshine na humihikayat sa iba para iboto sila. Maaring ang bumoto sa kanila so far since hindi naman kalakihan ng naidagdag na boto nila ay yung mga loyal na lang sa Kapuso network na dahil sa pagmamahal sa GMA ay sinuportahan na rin ang contract stars nila.

Pangalawang significant change na napansin namin ay ang hindi mapigilang suporta ng mga fans ng mga singers natin sa batch na ito katulad na lang nina Aicelle Santos, Jonalyn Viray at Laarni Lozada. Sa grupo ng 3 mang-aawit na ito ang pinagmumulan ng pinakamalaking porsiyento ng mga fans na bumoto na sa ating survey. Isa itong milagro sa amin dahil sila ang inakala namin noong una na weakest links sa field of 20 stars sa unang elimination. As of now, 50% of all the votes counted ay galing sa mga fans nitong mga future divas ng Pilipinas.

Si Aicelle Santos ay naungusan ulit si Marian Rivera at siya uli ang nangunguna. Kasama si Jonalyn Viray, karamihan ng mga bumoto sa dalawang La Diva ay mula USA at Canada. Ibig ba sabihin ay malakas ang pangalan ng dalawa sa mga bansang nabanggit? Hindi kaya sina Aicelle at Jonalyn din mismo ang nangangampanya para silaý iboto? :-)

Hindi rin matatawaran ang suporta ng mga fans ni Laarni Lozada. Masipag ang kanyang mga taga-hanga sa pag-iimbita na iboto nila si Laarni. In full force sila sa paghihikayat sa mga forums at blogs at ang effort naman nila ay hindi naisasawalang-bahala dahil si Laarni ngayon ang bumibitbit sa bandila ng Channel 2 sa labanang ito ng Siete Contra Dos.

Isa na namang rebelasyon ito sa amin dahil hindi namin inakala na si Laarni ang magdadala sa Kapamilya. Una naming naisip na sina Anne Curtis, Kim Chiu, Cristine Reyes, Karylle Tatlonghari, Melissa Ricks at Mariel Rodriguez ang mangunguna pero kahit pa yata pagsama-samahin natin ang mga votes nila ay lamang pa rin ang big winner ng Pinoy Dream academy. Mabuti pa si Cathy or Alex Gonzaga, kapatid ni Toni Gonzaga, kahit bago pa lang siya ay mukhang nagugustuhan na ng mga voters natin.

Since hanggang 20 February pa naman itong poll na ito, 4 na araw na lang, sana makita natin ang pagsuporta ng mga Kapamilya fans sa kanilang mga artista. Kung magpapatuloy na mababa ang kanilang mga boto ay masasabi na talaga natin na sa batch na ito, mas sikat ang mga talents ng Kapuso network.

At ang huli naming napansin ay ang parang bahagyang pagbaba ng popularidad ni Marian Rivera. Hindi maitatanggi na si Marian ang pinakasikat na artista sa ngayon dahil sa dami ng endorsements pero mukhang unti-unti itong bumababa. Kumbaga mas sikat siya noon kaysa ngayon. It's like saying na nasa peak na si Marian and there's no way to move on but to go down. Hindi maikakaila na ito ay epekto ng mga sunod-sunod na pambabatikos at bad publicities against her. Wish ko lang na makabawi nga ang dalaga sa lahat ng ito dahil sa tingin ko ay mabuting tao naman siya na mapagmahal sa lola. Isa pa ay isang napakatotoong tao nito. What you see is what you get from her.

Para sa complete list ng updates natin sa Search for The Goddess of Philippine TV, nakapaskil na ito sa right side ng iyong screen sa bandang 3rd column from your left. Sisikapin namin na araw-araw ay ma-update ito para sa inyo.

At baka nakalimutan niyo rin, meron pa tayong separate poll for this search na matatagpuan sa Menu Tab ng blog na ito. Hanapin ninyo itong VOTE FOR GPTV at i-click iyan. Ang result ng poll na iyan ay 15% sa kabuuang score ng iyong idol kapag siya ay pinalad na mapasama sa Final Top 10. Kung hindi nakasama ang idol ninyo sa Top 10 ay balewala ang mga votes na naipon niya sa separate poll na iyan.

READ MORE >>