JC Tiuseco is Still In Love With his Lawyer Girlfriend, Hindi Totoo ang Nabalitang Cool Off

Marami ang natuwa na mga kababaihan or at least mga nagpapantasya kay JC Tiuseco, ang unang winner ng Survivor Philippines, nang mabalitaan sa mga showbiz talkshows ang kanyang pag-amin na nasa cool off stage sila ng kanyang abogadang kasintahan na si Alu. Nakita natin si Alu sa telebisyon nang siya ang maging bisita ni JC sa isang challenge sa ginanap na first season ng Survivor Philippines.

Pero iba ang nasagap naming balita mula sa aming Pusang Gala dahil hindi raw totoo na nasa cool off stage sina JC at Alu. Very much in love ang description niya sa dalawa at ang announcement ni JC na iyon ay isang career move lamang na madalas namang mangyari sa mga baguhan sa showbiz na meron determinasyon na makilala ng lubusan.

Hindi mahirap paniwalaan ang aming Pusang Gala dahil sa nakita nating footage sa Survivor Philippines, sobra ang affection na ipinakita nina JC at Alu. Kung maalala ninyo, may isang eksena sa Koh Tarutao na bigla na lamang sumulat si JC malapit sa tree mail para sa girlfriend pagkatapos ng mahabang araw na hindi nakikita ang mga mahal sa buhay. In fact, ang una nga na pumasok sa isip namin that time ay talagang mahal na mahal ng binata si Alu dahil siya ang sinulatan at hindi ang pamilya nito.

Ngayon na marami ang kinikilig kay JC na mga kababaihan, mahihirapan nga naman i-build up siya ng isang loveteam with any actress kung ang alam ng publiko ay may ibang minamahal talaga itong si JC. At dahil matindi ang pagnanais ng binata na makilala sa showbiz, kailangan niyang magsakripisyo at ito nga iyong palabasin na wala na sila ng kanyang girlfriend at malaya na uli siyang umibig sa ibang babae.

Pwedeng-pwede kasing gawing isang matinee idol ang unang Sole Survivor at kahit paano ay mayroon na rin siyang fan base na mga kababaihan. Sayang nga naman kung hindi ito ma-exploit ng maayos.

Sitsit ng aming aming Pusang Gala, madalas magkita sina Alu at JC, palihim nga lamang tulad na rin ng naipangako nila sa isa't isa at sa utos na rin ng mga namamahala sa career ng dating basketball player na iniwanan ang hardcourt para sa limelight ng camera.

*******

Lalo pa yata iinit ang usapang Manny Pacquiao at ABS CBN-Solar Sports-GMA dahil sa naging pahayag ng dalawang sangkot sa isyu ngayon-ngayon lamang - si Manny mismo at si Gabby Lopez na may-ari ng Dos.

Pinaninindigan ni Gabby na si Pacquiao ang lumapit sa kanila upang ilipat sana ang coverage ng laban niya kay Ricky Hatton.

Samantala, nabanggit na nga ang pangalan ni Dyan Castillejos na siyang naging daan umano ng ABS CBN upang makumbinsi si Manny na lumipat sa kanila. Nabanggit nga namin ang anggulong ito sa blog entry naming ito.

Pinaninindigan din ni Manny na ang ABS CBN ang siyang unang lumapit sa kanya upang kumbinsihin siya sa pamamagitan nga ng pagbubulong daw ni Dyan sa kanya. Matigas pa rin siya sa pagsasabi na ang naging pahayag niya sa TV Patrol ay ginawa lang ng mga abogado ng Dos.

Asahan natin na isang araw ay magsasalita si Dyan on air at inaasahan ko rin na pabor ito sa Dos dahil ito nga naman ang kanyang bread and butter.

In fairness, tulad ng nabanggit ng aming Pusang Gala dito, lumalabas na unti-unti ang kanyang sinabi dahil naibalita na rin na binalak nga ng ABS CBN at si Manny na i-buy out ang kontrata ng boksingero sa Solar Sports kung papayag dito ang Solar mismo.

Sa totoo lang, kami na mismo dito sa Siete Contra Dos ang nababahala para kay Manny. Ayaw namin na makita siya na tinatalo ni Hatton sa lona pagdating ng May 2 dahil isang karangalan pa rin kung maipanalo ni Manny ang laban na ito. Pero dahil sa mental at emotional distress na nangyayari sa boksingero, naiisip tuloy namin na posibleng matalo siya. Tulad ng sinabi namin noon sa una naming entry tungkol sa isyung ito, baka magaya siya kay Erik Morales na sumampa ng boxing arena habang gulong-gulo ang isip, kaya siya natalo kay Pacquiao.

Ipagdasal na lang natin si Manny na sana ay ma-overcome niya ang lahat ng ito.

Get free website for your blog

READ MORE >>

Manny Pacquiao, Hindi Masaya sa Siete; Inside Stories sa Isyu ni Manny sa ABS CBN

Mukhang hindi yata tayo matatapos sa usaping Manny Pacquiao - ABS CBN o Solar Sports at GMA 7. Meron kaming nakalap na balita mula sa isa naming Pusang Gala tungkol sa drama sa likod ng nababalitaan natin sa ngayon.

Bilang umpisa, tatanungin ko kayo? Naniniwala ba kayo sa sinabi ni Manny na diniktahan siya ng mga abogado ng Dos kung ano ang sasabihin sa interview niya na napanood natin sa TV Patrol World?

Ayon sa aming Pusang Gala na nagbalita dito sa Siete Contra Dos, walang dudang si Manny daw ang nagsinungaling at talagang inilaglag niya ang ABS CBN sa usaping ito. Totoo daw na may nangyaring negosasyon at  sinubok din ng Dos na masulot si Manny pero bigla na lang daw nagbago ang isip ni Manny at bumaligtad nga nang hindi inaasahan.

Hindi raw masaya si Manny sa kanyang home network na GMA 7.  Marami siyang hinaing o reklamo sa Siete. Nakuhanan daw sa camera ang lahat ng ito pero unethical naman daw kung ipapalabas. Isa sa ikinakasama ni Manny ay parang "kulang ang suporta ng Siete sa pagpo-promote ng kanyang laban". Sa katunayan ay mas nagbibigay pa raw ng importansiya ang Dos sa laban na ito.

Kung ang akala ng publiko at ang Siete Contra Dos ay nagulat na lamang ang Solar Sports at GMA 7 nang ilabas ang interview ni Manny sa TV Patrol, hindi raw ito totoo dahil nagpaalam o nagpasabi na raw si Manny sa kanila bago pa man lumabas ang video.

Nag-umpisa ang lahat bago tumulak si Manny sa London at Manchester sa UK. Nagpadala ang kampo ng boksingero sa pamamagitan ng kanyang mga abogado ng feelers para sa kagustuhan nilang lumipat ng network. Sa katunayan daw ay nag-provide ang abogado ni Manny ng kopya ng kontrata nito sa Solar Sports at GMA 7. Gusto daw kasi ng kampo ni Manny na pag-aralan ng mga abogado ng Dos ang mga nasabing kontrata. Gusto nilang malaman kung may mga butas ba ito na pwedeng ground para i-terminate ang mga kontratang ito  upang sa gayon ay makalipat sila ng network.

Ang usapang ito ay sa pagitan lang ng Solar Sports at si Manny dahil hindi naman hawak ng GMA 7 ang kanyang boxing career.

Habang nasa UK si Manny ay napagdesisyunan nga raw niya na sa Dos na ipapalabas ang laban niya kay Ricky Hatton. In fact, nauna raw ang HBO na kinunsider ng kampo ng boksingero.

Ayon sa aming Pusang Gala, wala raw nakita ang mga abogado ng Dos upang ipasawalang bisa ang kontrata ni Manny sa Solar Sports. Dahil si Manny nga naman daw ang lumipat sa Dos at alam naman ng pamunuan na malaking pera din ang iaakyat ni Manny sa istasyon, sino naman daw sila para tumanggi sa grasya lalo na at panahon ngayon ng krisis?

Dahil walang grounds for termination, iminungkahi nga raw kay Pacquiao na bilhin na lang ang kontrata sa Solar. Legally, pwede itong i-buy out  basta magkasundo sila sa presyo. As expected, nagpaalam ang kampo ni Pacquiao sa Solar at sa GMA pero nagulat sila na malaki pala ang babayaran ni Manny para ma-buy out ang kontrata. Sa katunayan, mas malaki pa ang ibabayad niya kaysa kikitain sa laban. Idagdag pa daw dito ang mga babayaran niya sa GMA kapag sila naman ang maghabol sa pinirmahan niyang kontrata.

Sinigurado daw ng Dos na desidido talaga si Manny na lumipat sa kanila kaya nag-offer din sila ng porsiyentong babayaran para sa mangyayaring buy out. Willing daw ang Lopez-owned network na makihati sa bayarin. Ilang beses daw nilang tinanong  si Manny at nakita nila na talagang desidido ito kaya sila nagtiwala. Kaya naman daw pinadalhan siya ng script sa sasabihin nga niya sa kanyang interview. Ilang beses daw nagpabalik-balik ang script kay Manny, sa lawyer niya, at sa Dos dahil marami daw binago ang kampo ng una.

Ibig sabihin ay may consent si Manny sa sinabi niya sa TV Patrol. Sa katunayan, parang sariling salita na rin daw ng boksingero dahil yung original nilang script ay hindi na nasunod pa.

Pero dahil sa laki ng halaga na babayaran nina Manny sa Solar, napag-isipan daw nito na bakit pa siya magbabayad ng malaking halaga kung hindi niya naman kikitain. Kaya minabuti na lamang daw niya na ituloy ang kanyang kontrata sa Solar dahil kikita naman daw siya na hindi pa nagpapalabas ng kahit singko.

Nirespeto daw ito ng Dos kahit sabihin pa natin na napurnada ang kanilang pagsubok na masulot nga si Pacquiao. Ang rason na lang daw nila ay hindi naman daw sila ang lumapit kundi ang boksingero.

Ang ikinasama lang daw talaga ng loob nila ng husto ay ang pagsisinungaling nga ni Manny na diniktahan siya ng Dos sa mga sasabihin sa interview. Disappointed daw ang maraming personalities na malapit sa ABS CBN tulad na lang nina Noli de Castro, Lito atienza, Cojuangco at ilan pa na nag-pramis ng tulong para ikampanya si Pacquiao kapag tatakbo itong Congressman sa Saranggani.

Totoo din daw na nakapangako ang Dos na ipapahiram ang lahat ng mga artista nila kay Manny kapag tumakbo nga siya sa susunod na eleksiyon.

Bilang dagdag na balita, sa kontrata daw ni Manny sa GMA network may nakitang loophole ang mga abogado ng Dos at balak nga raw yata i-capitalize itong pag-uwi ni Manny mula sa kanyang laban.

Ano kaya ito? Hindi rin alam pa ng Siete Contra Dos kung ano nga iyon.

Get free website for your blog

READ MORE >>

Jinky Pacquiao, Nagtatampo kay Kris Aquino na Pinagalitan naman ng Dos?

Ang naging isyu ng paglilipat sana ni Manny ng network na pagpapalabasan ng kanyang laban ang siya pa ring pinaka-mainit na paksa sa ngayon dahil nagsanga-sanga na ang istorya nitong parang soap opera. Kaya naman siya uli ang paksa din ng una naming blog entry para sa araw na ito.

Pero ang inyong mababasa ay isang inside story na posibleng hindi niyo pa narinig o nabasa sa ibang mga sites. Maraming salamat muna sa aming Pusang Gala.

Sobrang galit daw ang ilang mga executives at personalities sa Dos sa ginawa ni Manny na panlalaglag sa kanila. Ayon sa aming Pusang Gala, sobra daw napahiya ang asawa ni Manny na si Jinky Pacquiao sa nangyari kaya hindi raw sila matahimik sa pagtawag sa lahat ng mga bosses at kakilala ni Jinky sa Dos para humingi ng paumanhin pagkatapos na lumabas nga ang istorya. Hiyang-hiya daw si Jinky sa nangyari at pinag-awayan daw nilang mag-asawa ito.

Nag-sorry din daw si Manny sa top honcho ng Dos na si Gabby Lopez at may naipangako daw siya dito pagdating niya mula USA, pagkatapos ng kanyang laban. Magsasalita daw siya. Hindi pa raw pwedeng ilabas kung ano man ang pinag-usapan pero ang duda ng ilan ay tatapusin lang daw ni Manny ang contract niya sa GMA at lilipat na rin siya ng Dos.

Ayon pa sa aming nabalitaan, tikom na raw muna ang bibig ni Manny dahil pinatigil na siya ng kanyang asawa na si Jinky. "Alam niyo naman na si Manny ay sobrang masunurin sa asawa niya. Isang salita lang daw nito ay tiklop na ang boksingero. Si Jinky ang kumander at mukhang may pagka-andres (read as under the saya) naman si Manny, "dagdag pa niya.

Isang solid Kapamilya pala si Jinky at siya ang may gustong-gusto na bumalik si Manny sa Dos. Kaya naman naibalita agad niya ito kay Kris Aquino na dahil naman daw sa kataklesahan ay agad din daw ini-anunsiyo ng lady host sa Showbiz News Ngayon at parang bata pa raw na nagsayaw.

Nagalit at nagtampo si Jinky kay Kris dahil agad daw niya itong ibinalita ang naging pag-uusap nila. Kaya daw pati si Kris ay napagsabihan at napagalitan ng mga ilang executives ng Kapamilya.

Pero sa kabila ng panlalaglag ni Manny sa Dos ay hangad pa rin daw nila na sana manalo pa rin siya kontra kay Hatton na sobrang tiwala sa sarili na tatalunin niya ang Pambanasang Kamao. Kung ilalabas lang daw ng ABS CBN ang mga pag-uusap nila ni Manny ay lalong masisira daw ang imahe ng boksingero dahil sigurado daw na nagsinungaling ito. Baka daw hihintayin muna na matapos ang laban bago sila magsalita upang sa gayon ay hindi mapagbintangan ang Dos kung sakali man na matalo si Manny.

Well, maganda rin na taktika iyan ng Dos kasi kung ilalabas nga nila kung anumang ebidensiya ang meron sila, siguradong sila ang sisisihin ng publiko kapag matalo nga naman si Manny. Sa aspetong iyan ay bilib ako sa Kapamilya dahil sa kabila ng lahat ay hangad pa rin nila ang tagumpay ng isang Pilipino. Tahimik na lang daw muna sila dahil hindi naman daw sila ang lumapit kay Pacquiao. Si Manny daw ang naghabol sa kanila.

Balikan natin si Ricky Hatton, talagang kumpiyansa ang British na ito na mananalo siya. Nakakatakot ang kanyang confidence. Pero posible rin na strategy niya ito para magulo ang isip ng kalaban. Psychological war kumbaga. Balitang kinuha nila ang serbisyo ng trainers ni Mike Tyson at nasa kanilang panig din ang Pakistani-British na si Amir Khan na kung matatandaan ay nag-training under sa trainer ni Pacquiao na si Freddie Roach. Hindi kaya sinadyang mag-training talaga si Khan kay Roach para pag-aralan si Manny?

Samantala, abangan ninyo ang susunod na entry ni Kuh Chara dahil meron siyang narinig mula sa kanyang Pusang Gala.

Get free website for your blog

READ MORE >>

Ang Reaction nina Bayani Agbayani at Boyet Fajardo sa mga Isyung Kinasangkutan

SHOWBIZ NEWS FOLLOW-UPS: Nagbigay na ng pahayag ang dalawang personalities na pinag-pipiyestahan sa youtube ang mga kapalpakan na nagawa sa news program ng Dos na TV Patrol World. Si Bayani Agbayani ay nakuhanan ng video o audio habang nagmumura sa mga taong nakabangga samantala si Boyet Fajardo naman, isang fashion designer, ay nakuhanan ng CCTV habang inaalipusta ang isang cashier ng Duty Free Philippines.

Parehas na inako ng dalawa ang kanilang pagkakamali  pero may mga statements sila na hindi makakatulong para patawarin sila ng publiko, bagkus lalo lang magpapatindi ng galit nila.

Sabi ni Bayani na nagawa lang naman daw niya ang magmura dahil minura din siya ng isa sa sakay ng sasakyan na nabangga. Mismo kay Bayani nanggaling na nagsimula siyang manakot nang sabihan siya na  "sa Crame na lang dapat dinala ang kaso". 

Pero malinaw sa video na napanood namin na bago pa mag-dialogue ang lalaking kaaway ni Bayani ay matagal nang nagmumura at nanakot ang komedyante. Umako ka na rin lang Bayani, dapat hindi ka na nagsalita pa ng bagay na sa tingin mo pwede ka pang ituring na biktima. Akuin na lahat ang pagkakamali at sigurado mapapatawad ka ng lubusan ng publiko.

Sa statements naman ni Boyet, humingi siya sa cashier na nakilalang si Marvin Fernandez ng paumanhin on air pero mukhang tumagilid siya nang sabihin niya na "sana ay mapatawad na rin siya dahil parehas lang sila ng biktima ni Marvin sa isyung ito"

Naku, Boyet. Paano ka naging biktima dito? Kung sa tingin mo ay biktima ka ng galit ng publiko at ang panawagan nilang i-boycott ang iyong clothing line, sa tingin ng Siete Contra Dos ay epekto lang ito ng iyong pambibiktima. Hindi mo pwede sisihin ang publiko dahil nasaktan din sila sa ginawa mong pagtrato sa isang ordinaryong tao na sa tingin nila ay representation ng maliliit sa lipunan. Ah, kami pala iyon. Para mo na rin kasi kaming minaltrato sa ginawa mo kay Marvin.

Kaya imbes na tawagin mo na ikaw ay biktima din. Akuin mo na lang ang kasalanan ng buong-buo at matuto sa naging karanasan mong ito.

Talagang dinadamdam din ni Boyet ang galit ng publiko dahil napapaluha siya habang kinukunan ng interview. Pero mukhang idedemanda ka nga ng pamunuan ng Duty Free.

Minsan, we learn our dues the hardest way. Nakakalungkot man pero dapat may natutunan kasi tayo dahil these things make us a better person.

Sa nangyaring ito kina Bayani at Boyet (double B pala mga ito as in Bad Boys), ang aral na napulot natin dito ay tumahimik na lamang kapag alam natin na nasa height tayo ng ating emosyon. Nakakabulag ang emosyon at dahil dito nakakagawa tayo ng mga bagay na pagsisihan sa huli. Sabagay, hindi naman pwede magsisi sa umpisa.

**********

Nagbigay na rin ang pahayag ng ABS CBN tungkol sa panlalaglag sa kanila ni Manny Pacquiao. Matatandaan na inakusahan ni Manny ang Dos na siyang nagdikta ng sasabihin niya sa TV at ipinalabas ang interview kahit may usapan silang i-embargo muna ito.

Natural na pasisinungalingan ito ng Dos dahil malaking kasiraan nga naman sa pangalan nila ang statement na ito ng boxing champ. Kami rin dito sa Siete Contra Dos ay naguguluhan na rin at masyado yata namin ini-internalize ang bawat palitan ng press release.

Ayon kay Karl, mukhang may tama at laman ang naging pahayag ng ABS CBN. Depensa kasi ng Dos na ipinalabas ang interview ng Miyerkules pero hindi naringgan ng pagtutol si Manny sa mga sumunod na araw. Kinabukasan ay nagpahayag si Manny na mananatili ang pasya niya na sa Dos ipalalabas ang laban. Ganundin noong sumunod na araw (2 days after the first announcement), sinabi niya na hindi siya naapektuhan dahil may nag-aayos sa Manila sa kanyang mga problema. Dapat pa lang daw ay umalma na si Manny sa mga oras na iyon.

Ayon sa Dos, kung may nilabag sila na kasunduan kay Manny tungkol sa paglabas ng interview, bakit hindi niya sinita ang TV Patrol World o ang management about the breach?

Oo nga naman, di ba? 

Pero tulad nga ng isinulat na ng Siete Contra Dos Team sa nakaraang blog entries, pinakamalaking dagok ang ibinigay nito kay Manny kumpara sa anumang entity na nadamay. Kaya Manny, kung sakali nagbabasa ka sa aming munting blog, hwag ka na lang tumakbo pa bilang Congressman dahil mas malaki ang chance na matatalo ka. Gumawa ka na lang mg maraming foundation kung gusto mong makatulong talaga sa mga kababayan mo.  Huwag mo kami kalimutang kunin bilang staff mo kung maisipan mo nga. LOL.

**********

Napanood namin ang interview ni Laarni Lozada sa Showbiz News Ngayon mula sa head up ng isang fan. Salamat sa iyo Ms. M. Tama ang aming Pusang Gala (Ikaw yun Ms. M) na magkakaroon ng interview nga si Laarni sa SNN at naisulat na namin dito sa blog natin bago pa nai-ere sa telebisyon.

Matagal nang naipalabas ito (18 March 2009) pero narito ang transcript ng naging panayam:

Kris A : At eto isa pang nakakatense na banggaan. PDA scholar Laarni Lozada and Bugoy Drilon. Ayun sa balita nagkakairingan na daw d umano, mas marami kasi exposure si Bugoy simula pag labas nya sa PDA, gayong Grand Star Dreamer na si Laarni Lozada nag rerebelde na, ahh ohhh, usap-usapan kaklaruhin mismo ng SNN.

VOICE OVER:  Magmula noong hanggang ngayon ito pa rin daw ang intriga na status ni Laarni Lozada at Bugoy Drilon at ang issue, si Laarni nag rerebelde na raw at ayaw na mag trabaho dahil na e-insecure daw ito na mas na papaburan sa trabaho at exposure si Bugoy, akusasyon ekslusibong nilinaw ni Laarni sa SNN.

LAARNI: Sa ngayon po kasi medyo focus po muna ako sa pag aaral ko, kasi po this April ga graduate na po ako, so ang dami kong inaasikaso na graduation requirements kaya siguro konti nawala ako.

SNN : Hindi mo sinipot ang valentines concert nyo na kung saan kasama ka dapat, ano ang nangyari?

LAARNI: Nagkasakit na po ako. Noong time po na yun kasi di ba sobrang dami din namin na mga out of town shows, so sicuro di ko na nakayanan yung katawan ko bumigay.

SNN : Wala din daw katotohanan ang mga issues na may tension at inggitan sa pagitan nila.

LAARNI: Ah yung friendship namin ni Bugoy at talagang talagang hindi mawala yun.

SNN: So hindi totoo yung intriga na parang mas dahil visible ngayon si Bugoy na nag rerebelde ka at ayaw mo mag work ?

LAARNI: Naku po hindi totoo yun, alam nyp po ba na sobrang natutuwa po talaga ako dahil syempre successful po si Bugoy, kung ano po yung success nya ay para na rin success ng lahat yun.

***********

Gusto naming linawin na malaya ang lahat ng aming mambabasa na mag-submit ng article o opinyon para sa kanilang iniidolong artista. Sisikapin naming mabigyan ang mga ito ng puwang sa aming blog.

Meron din kaming panawagan, dahil medyo busy ang ilan naming mga kaibigan at dahil dalawa lang kami ni Karl na nagsusulat, bukas po kami na tumanggap ng kahit sinong interesado na maging author din dito. Magsabi lang kayo sa pamamagitan ng comment form sa ibaba ng site. Pero kung may sarili kayong blog, pwede niyo rin kami imbitahan.

Get free website for your blog

READ MORE >>

Dyan Castillejos, Nasa Likod ng Desisyon ni Manny Pacquiao na Lumipat sa Dos?

Nadurog ang aking puso at matinding awa ang naramdaman para kay Dyan Castillejos nang mabalitaan namin ang nangyari sa Wild Card Gym sa San Francisco, California kung saan sumubok siya na kapanayamin si Manny Pacquiao.

Kahit binanggit namin dito na sobra ang pagiging agresibo ni Dyan na makunan ng interview si Manny sa eroplano - kahit naka-istorbo na sa ibang mga pasahero -  nandun pa rin ang paghanga namin sa determinasyon niya na gampanan ang kanyang trabaho.

Hindi ko napanood sa telebisyon ang pagtangka ni Dyan na kunan ng pahayag si Manny pero ayon sa kuwento, nang dumating si Manny sa gym ay nagbitaw siya ng pangako na magpapa-unlak siya kay Dyan pagkatapos ng sparring o training niya. Naghintay ang lady host ng Sports Unlimited hanggang natapos ang training ni Manny pero nang lapitan na siya ni Dyan ay ipinagtabuyan na siya ng mga Amerikanong security escorts ng boksingero.

Habang pilit daw na tinatakpan ng mga bodyguards ang mga camera ng Dos, nakunan si Manny na napatingin sa kinaroroonan ni Dyan at nakitaan ng emosyon sa kanyang mga mata na parang gustong kausapin na lang ang reporter.

Hay, parang eksena sa pelikula. Sigurado ako na mabigat ang loob ni Manny na hindi napagbigyan si Dyan ng isang interview pagkatapos nitong mangako. Kaibigan ni Manny si Dyan kaya nasaktan siya sa nangyari. Ganundin ang naramdaman ni Dyan, sigurado ako dyan, dahil dumaan din kami sa ganyang trabaho. Hindi ka lang manliliit at mahihiya sa sarili pero siguradong mangangalaiti ka sa galit lalo na at nasayang ang iyong oras at pagod.

Pero sa sitwasyon na ito, parehas man na nasaktan sina Dyan at Manny, mas madaling maka-recover ang reporter sa tingin dahil na-mind set na siya na parte iyon ng kanyang trabaho. Mas mabigat ito sa parte ng boxing champion dahil nasa kanya naman ang kontrol kung magpa-unlak siya o hindi.

Pero hindi rin natin masisisi si Manny sa aspetong ito dahil posibleng kailangan niyang hindi magbigay ng anumang interview, lalo na at naharap siya sa isang kontrobersiya. Posibleng ang mga kontrata rin niya na ngayon lang niya na-realize ang nagtulak sa kanya para hindi na magsalita pa. Partikular na tinutukoy ko ang exclusive rights ng Siete na sa GMA shows lang pwede magpakita o magpa-interview si Manny.

Sa panig naman ni Dyan,hindi lang pagkapahiya ang naramdaman niya pero nandun din ang pressure mula sa mga bosses sa News and Current Affairs ng istasyon na pinagta-trabahuan niya. Naiintindihan ko kahit papaano ang minsan kailangan mo nang sumalungat sa mga social norms upang makuha mo lang ang hinihingi ng iyong pinaglilingkuran. Afterall, trabaho mo ang nakasalalay kaya kailangan mo ibigay ang expectations nila o hinihingi ng inyong trabaho.

Dahil pinag-uusapan na rin natin si Dyan, alam ba ninyo na paksa siya sa ngayon na posibleng siya ang naging medium o tulay ng ABS CBN para makausap si Manny? Si Dyan kasi ang isa sa pinakamalapit na kaibigan ni Manny sa Dos.

Get free website for your blog

READ MORE >>

Manny Pacquiao, Umamin na "Niloko" siya ng Dos at Tinuruan ng Sasabihin sa TV

Parang isang soap opera ang gulong kinasasangkutan ni Manny Pacquiao na nag-ugat mula sa naging pahayag niya na ilipat ang coverage ng kanyang laban sa Dos mula sa Solar Sports at Siete. Nagsanga-sanga na ang mga kuwento. Kung akala natin ay nagtapos na ito ng happy ending, yun pala ay hindi pa natin nakikita ang climax dahil ngayon pa lang lumalabas.

Ang huling balita sa "teleseryeng" ito ay nagpahayag si Manny na siya ay niloko ng Dos kaya nakuhanan siya ng statement na ipinalabas nga sa TV Patrol. Hindi lang iyan, isiniwalat din niya na ang mga abogado ng Dos ang nag-coach sa kanya sa mga sinabi niya sa TV.

Kaya ba naging magaan lang o simple lamang ang ginawa ng ABS CBN na pahayag, nang bumalik si Manny muli sa kandungan ng  Solar Sports at GMA 7? Kaya ba sinabi nila na nirerespeto nila ang desisyon ni Manny na hwag na sa Channel 2 ang coverage dahil alam nilang wala silang hahabulin?

Akala ko pa naman ay  naging magaling ang Dos sa paghawak ng isyung ito at sila ang naging malinis at professional ang approach sa mata ng tao, pero mukhang sila na ang kontrabida uli, huh.

Pero sandali, hindi kaya itong si Manny ay pilit na rin gumagawa ng kwento dahil napagtanto na hindi ito nakatulong sa hangarin niyang tumakbo bilang Congressman ng Saranggani? Baka naman attempt din ito ni Manny to save his ass? Hindi kaya? Pero sa aking nakikita, lalong nadiin si Manny sa bago niyang pahayag. 

CHRONICLE OF EVENTS

Bago tayo pumunta sa aspetong iyan, balikan natin ang mga pangyayari:

Una, lumabas si Manny sa TV Patrol para sabihin na inililipat na niya sa Dos ang coverage ng laban niya kay Hatton at mga susunod pang laban niya. Sinabi ng Dos na si Manny ang lumapit sa kanila upang ialok ang coverage na tinanggap naman nila ng maayos. Sabi rin ni Manny na personal niyang desisyon ang paglipat ng network.

Pangalawa, umalma agad ang Solar Sports at GMA 7. Ayon sa Solar Sports, may kontrata si Manny sa kanila na ang Solar ang may karapatan sa video ng laban hanggang 2011. Hindi raw nakipag-usap ng maayos sa kanila si Manny. Hindi rin daw basta-basta ganun na lang ang pagte-terminate ng kontrata. Sabi naman ng Siete, may exclusive contract si Manny sa kanila kaya hindi siya pwede lumabas sa anumang non-GMA shows. Nanganib si Manny at ang Dos na idedemanda sila ng Siete at Solar Sports.

Pangatlo, nagpalabas ng pahayag si Manny na hindi siya nababahala sa mga banta ng mga demanda. Sabi pa niya na meron na raw umaayos na mga lawyer tungkol dito. Nagpalabas naman ng statement ang Dos na wala silang inaapakang kontrata sa Solar Sports. Dagdag nila, hindi na cover ng kontrata ni Manny sa GMA ang pagpapalabas nila ng laban niya kay Hatton dahil hindi ito programa ng Kapuso Channel.

Pang-apat, nanindigan ang Solar Sports na sila ang may karapatan sa coverage at talagang magdedemanda daw sila. Nagpahayag din ang GMA na mali ang Dos dahil kahit hindi GMA ang producer ng Pacquiao-Hatton fight ay exclusive talent nila si Manny na hindi pwedeng lumabas sa kahit anong show ng ibang network.

Pang-lima, nagpahayag si Manny na naiintindihan na niya ang kontrata niya sa Solar Sports at GMA 7 nang siya ay kausapin ng mga executives ng Kapuso at Solar Sports. Kaya nagdesisyon siya uli na ang coverage ay mananatili sa Solar Sports at ipapalabas sa Siete. Humingi siya ng paumanhin at inamin na nagkamali siya. Nagpadalus-dalos.

Pang-anim, nagpalabas ng statement ang Dos na nirerespeto nila ang desisyon ni Manny at nagpahayag na hindi sila maghahabol. Susuportahan pa rin daw nila ang boksingero sa kabila ng pagbawi nito.

Pampito, isiniwalat na nga ni Manny na niloko siya ng Dos upang magbigay ng interview na napanood natin sa TV Patrol World. Sabi niya na ang interview na iyon ay dapat ipalabas lang kung mapatunayan na hindi tumupad ang Solar Sports sa kontrata nila. Pero inamin ni Manny na wala daw hindi tinupad ang Solar Sports kaya niya pinapatigil ang Dos na hwag nang ipalabas pa ang video ng kanyang interview.

BACKFIRE ON MANNY AND DOS

O di ba, ang gulo-gulo na nito? Kung totoo nga ang huling pahayag ni Manny na niloko siya ng Dos, ito na ang sinasabi ko dito na pagka-agresibo ng Channel 2 dahil lang sa ratings. Naku, credibility ng Dos ang nakasalalay kung totoo nga ito. Pero mukhang hindi naman naapektuhan ng masyado ang Kapamilya network kahit marami na silang instances na nalagay sa alanganin. "Whatever it takes" na ba talaga ang rule sa lahat ng department ng Kapamilya? 

Balik tayo sa sinabi ko, lalong nadiin si Manny sa isyung ito kahit umamin siyang tinuruan lang siya ng Channel 2. Sa kabila nito, naniniwala ang Siete Contra Dos na hindi magbabago ang pagtingin ng mga tao kay Manny dahil para na rin niyang inamin na ang "bobo" nga niya - na madali siyang masulsulan tulad ng sinabi namin dito.

Sabi ko na nga ba na noong mapanood ko si Manny sa TV Patrol World, alam kong may mali sa mukha niya. Alam kong hindi siya  masaya. Kaya Kuh Chara, paano ko hindi ibe-blame ang Dos kung tama nga lahat ang nababasa at napapakinggan natin from Manny?

Naku, lumalayo na naman tayo sa topic. Anyways, sa naging huling pahayag ni Manny, lumilitaw na ang ugat ng lahat ng ito ay pera. Akala ko ba naman mayaman na ito si Manny pero mukhang naghahabol pa rin siya sa pera? Pero karapatan naman niyang maghabol kahit mayaman nga naman siya dahil pinaghirapan din naman niya ito.

Malinaw na nag-isip si Manny na niloko siya ng Solar Sports. Malinaw na inisip niyang may breach of contract na ginawa ng kumpanya ni Wilson Tieng kaya siya lumapit sa ABS CBN. Ang Dos naman ay nag-offer nga ng serbisyo na imbestigahan ang reklamo at kung may breach nga ang Solar na mapatunayan ay ilipat na ni Manny ang exclusive coverage sa Dos.

Hindi pa man nagsisimula ang Dos sa imbestigasyon nila ay kinunan na nila si Manny ng pahayag na lumilipat na nga siya sa Channel 2. Pumayag si Manny  dahil akala niya ay ipapalabas ito sa TV Patrol World kapag mapatunayan na nagkasala ang Solar. Pero hindi pa man napapatunayan ay inilabas na ng Dos ang video at sinabi na nila, as defense, na walang silang nilalabag na kontrata.

Dahil napaliwanagan si Manny na walang sinira ang Solar Sports sa kasunduan nila, nagmukhang kontrabida na ngayon ang Dos.

Ang kasong ito ay hindi makakatulong sa career ng Dos at ni Manny.  Iisipin ng mga tao na manloloko ang Channel 2 at si Manny ay walang sariling desisyon, madaling magpabuyo, madaling maloko at padalus-dalos ng aksiyon. Paano siya iboboto ng mga botante sa Saranggani kung ngayon pa lang ay nakikita na nila na kulang sa kapasidad ang boksingero na maging isang pinuno na may paninindigan, isang salita at layunin?

Curious lang ako, kung kayo ba ay botante ng Saranggani, iboboto niyo ba si Manny sa kabila ng lahat ng ito?

Get free website for your blog

READ MORE >>

Manny Pacquiao, Naunawaan na ang Kontrata niya sa Solar Sports

Natapos na rin ang kaguluhan na ginawa ni Manny Pacquiao na nag-ugat sa kanyang desisyon na balewalain ang kanyang kontrata sa Solar Sports at ilipat kaagad sa ABS CBN ang coverage ng kanyang laban sa Mayo. Ipinalabas sa isang Flash Report ng GMA 7 kahapon na mananatili sa Solar Sports ang exclusive rights para sa laban ni Manny hanggang 2011 at mananatili rin na ang GMA 7 ang magiging media partner ng Solar.

Humingi ng pang-unawa si Manny sa kaguluhan na naidulot niya at pwede na raw siya mag-concentrate sa kanyang training.

Sabi ko na nga ba na pabugso-bugso ng damdamin itong si Manny. Akala niya yata ay parang boxing arena ang mga commitments niya sa telebisyon na sige na lang ng sige sa kanyang suntok.

Dahil sa paghingi niya ng paumanhin ibig sabihin na inaamin, hindi man niya aminin mula sa bibig niya, na hindi pinag-aralan ni Manny ang kanyang kontrata sa Solar Sports. Masyado niya minaliit ang mga kontratang ito.

At hindi lang iyan, malinaw na naapektuhan siya sa mga nangyayari emotionally at mentally. Siguradong hindi siya makapag-isip ng maayos sa mga nagdaang araw dahil sa banta ng mga demanda laban sa kanya.

Kung naging matigas si Manny na sa ABS CBN ipalabas ang laban niya, hindi imposibleng matulad siya kay Erik Morales noong huling laban nila (o pangalawa ba?) kung saan natalo ang Mexicano. Matatandaan na bago dumating din ang laban nina Erik at Manny noon ay problemado rin si Erik dahil sa asawa at sa tatay niya. Nakipag-divorce ang kanyang asawa at pinalitan ang tatay niya bilang trainer.

Kaya naman noong umakyat si Erik sa canvass, kahit sobrang gwapo niya sa suot niyang puting sombrero, makikita mo sa kanyang mga mata ang problemang pinagdaanan. Kaya natalo siya noon. Posibleng iyan din sana ang mangyari kay Manny laban kay Hatton kung hindi siya napaliwanagan. Sana nga maka-recover na si Manny agad at manalo dahil mayabang talaga ang British na minamaliit si Pacquiao.

Kung paano naayos itong gulong ito ay simple lang. Ipinaliwanag lang kay Manny ang kanyang pinirmahan na kontrata sa Solar. Lumipad mismo ang may-ari ng Solar na si Wilson Tieng at isa pang tauhan para ipaalala sa boksingero ang kontrata niya.

Ang simple di ba? May lamat na ang chance ni Manny na manalo sa eleksiyon kahit manalo pa siya kay Hatton. Bakit naman? Eh, nakitaan na siya ng publiko kung ano klase siya when it comes to decision-making. Malaking dagok ito sa kanya. And I am predicting as early as now, Manny will not win if he runs for a public position. He better review his political plans.

Heto ang naging pahayag ni Manny:

Ang inyo pong lingkod, si Manny Pacquiao, ay nais iparating sa lahat na matapos ang masusing pag-aaral at pagtimbang-timbang namin ng Solar Entertainment Corporation napatunayan na ang kontarta tungkol sa TV Rights ng aking mga laban ay valid and binding at hindi nilabag nino man.

Dahil po dito ay taos puso akong humunhingi ng paumanhin kung kayo man ay naguluhan kung saan ipapalabas ang aking darating na laban kay Ricky Hatton. Ito po ay resulta lang ng hindi pagkaka-intindihan sa pagitan ng Solar Entertainment Corporation at MP Promotions. Sana ay maunawaan ng lahat.

Simula sa araw na ito ay nais kong mag-concentrate ng husto na lang sa aking training para sa aking darating na laban ngayong Mayo 2.

Yan po ang mangyayari po. Ang laban po ay nanatili sa Solar Sports at ipapalabas sa GMA 7.

Sabi nga ng aking kaibigan, "masama man isipin pero parang ipinakita ni Manny ang kanyang "kabobohan". Minus point daw ito sa kanya.

Pero hinihiling pa rin ni Manny na suportahan siya at ipagdasal ng mga fans sa laban niya kay Hatton. Sa bagay na iyan ay maasahan mo kami, Manny, dito sa Siete Contra Dos.

Ang gusto namin malaman ay ang reaksiyon or statement na manggaling sa Dos.

NOTE: Nagpahayag na ang ABS-CBN na irerespeto nila ang desisyon ni Manny Pacquiao na hindi ituloy ang "pinirmahan nilang kontrata" tungkol sa paglipat ni Manny ng coverage sa Dos.

Samantala, ayon kay Joaquin Henson ng Philippine Star, wala pa raw pormal na pirmahan na naganap kina Manny at ang ABS-CBN.

Even as Manny Pacquiao announced his decision to switch media loyalties to ABS-CBN, it appears the boxing icon has not signed a contract with the giant media network.

A reliable source said yesterday Pacquiao inked a letter of intent to move to ABS-CBN and a letter to rescind his contract with Solar Entertainment but had not signed anything to formalize an agreement with the Lopez group. This was confirmed by Pacquiao’s lawyer Franklin (Jeng) Gacal who flew from Manila to the US when he found out about the decision to terminate the Solar contract early this week.

Lawyer Enrique de la Cruz Jr. explained that in the absence of a signed contract with ABS-CBN, it will be easier to facilitate a settlement with Solar.

The speculation is Pacquiao shielded ABS-CBN by affirming it was his decision to move. If Pacquiao hasn’t signed a contract with ABS-CBN, it may also be a hedge as in the event he decides to go back to Solar, he wouldn’t be violating any contract with ABS-CBN.

De la Cruz said there is an apparent attempt to make it seem like ABS-CBN did not induce Pacquiao to switch.

Pero kahit nagkapirmahan man sina Manny at ABS-CBN, legally wala pa rin contract between them dahil NULL and VOID ito dahil sa existing contract ni Manny sa Solar.

Napag-alaman din na disappointed lang si Manny sa Solar kaya niya naisipan ilipat sa Dos ang coverage. Pera ang dahilan dahil ayon kay Manny ay hindi raw nagbabayad ng tama ang Solar Sports sa kanya.

Get free website for your blog

READ MORE >>

Mga Opinyon sa Paglipat ni Manny Pacquiao ng Coverage ng Laban niya sa Dos

Mainit na pinag-uusapan sa mga quasi-media (television, radyo, newspaper at internet) ang naging desisyon ni Manny Pacquiao na ilipat ang coverage ng kanyang laban sa ABS CBN sa kabila ng pagkakaroon ng kontrata niya through his MP Production at ang Solar Sports na magtatapos pa lang sa 2011. Nagdesisyon din si Manny na magpakita sa screen ng Dos kahit may kontrata siya sa GMA 7 na hindi siya pwede lumabas sa kahit anong TV shows except sa shows ng Siete.

Tama ka Kuh Chara (What a pseudonym?) na nagkulang ang ABS CBN sa pagpapaalala kay Manny. Kahit business pa rin ito, hindi ako naniniwala na walang ideya ang Dos sa mga kontrata na ito ni Manny. Para sa aking punto de vista, malinaw na minaliit nila ang mga kontratang ito sa Solar Sports at GMA.

Nangalap ako ng mga comments ng ilang kaibigan at ito ang kanilang sinabi. Basahin ninyo isa-isa at nakakatawa dahil iba't ibang anggulo sila tumingin. Bawat isa ay may punto nga naman.

1. Matalino daw si Pacquiao dahil pera pa rin daw ang nasa isip niya. Talagang gusto niya ng maraming pera na mapupunta sa kanya through pay per view. Dahil alam daw ni Manny ang kontrata niya sa Solar Sports, alam din daw niya na maghahabol ito kapag ilipat niya ang coverage sa iba. Ang mangyayari ay magkakaroon ng temporary restraining order sa Dos upang hindi ipalabas ang laban sa free TV. Kapag iyon ang mangyari, mapipilitan ang mga tao na mag-subscribe ng pay per view.

2. Business-minded talaga ang Dos at ang mahalaga lang daw sa kanila ay ang pera na maiaakyat ng laban ni Manny. Hindi raw importante kung manalo at matalo si Manny basta ang mahalaga ay makinabang sila dito.

3. Wala daw isang salita si Manny at paano siya iboboto ng mga tao kung isang simpleng kontrata ay hindi siya marunong tumupad. Wala daw siyang kredibilidad. Kahit tulungan din daw siya ng ABS CBN sa kampanya niya hindi rin daw iboboto ng tao si Manny dahil ang Dos din ay may problema sa credibility.

4. May problema daw sa GMA 7 at bakit lagi na raw silang nilalayasan ng mga talent nila. Hindi lang si Manny daw ang gumawa nito kaya kailangan pag-aralan ito ng maayos ng management at masolusyunan na agad bago pa lumala at maging sanhi ng pagbagsak nila.

5. Ang paglipat daw ni Manny ay nangangahulugan na mas malawak ang coverage ng Dos kaysa sa Siete. Mas sikat pa rin daw ang Kapamilya kaysa sa Kapuso.

6. Politically-motivated talaga ang naging pasya ni Manny dahil pinangakuan siya ng Dos na ikampanya siya. Pero paano daw gagawin ng Dos ito kung bawal silang mangampanya ng isang kandidato ayon sa Omnibus Election Code? Handa raw ba sirain ng Dos ang reputasyon nila uli para lang sa perang dadalhin ni Manny o pagkatapos ng laban ni Manny ay wala na daw silang pakialam pa sa kanya?

Bawat sinabi nga naman diyan ay may punto na hindi pwedeng hindi na lang pansinin. Meron ba kayo pwede idagdag dito? Just let us hear those comments.

Get free website for your blog

READ MORE >>

ABS CBN Should not Be Blamed by Manny Pacquiao's Decision

First and foremost, please be reminded that the writer of this article is Kuh Chara and not Karl Zada. If yo have read Karl's article on Manny just below my post, you will understand why I am cautioning everybody. Thank you. You may now proceed on reading.

I ended my last entry in this blog by enumerating those celebrities on television and movies who are gunning for public positions comes national election. I forgot to include the latest personality who is the hottest topic so far in discussion boards and forums, Manny Pacquiao. And since I've told you already about my stand on these people who are seeking for public positions, definitely, Manny will never ever get my support on that aspect.

Lumabas na nga ang tunay na dahilan ng pang-iinsulto ni Manny sa Solar Sports and GMA 7. Kaya pala inilipat niya ang coverage ng kanyang laban kay Ricky Hatton sa ABS CBN ay dahil na rin sa pangarap niyang kumandidato uli sa susunod na eleksiyon. Mas pinapanood ang ABS CBN sa South Cotabato kung saan niya balak tumakbo bilang Congressman kaya wise move nga naman na kailangan na mapanood siya sa ABS CBN para mas tatatak ang kanyang pangalan sa mga tao sa South Cotabato. Kung mananalo nga naman siya kay Hatton, sigurado ang tingin sa kanya ng mga tao ay HERO at pagdating ng halalan ay sigurado na siya na nga ang isusulat sa balota.

Pero MALI si Pacquiao dahil inilipat niya ang coverage na hindi niya muna inayos ang magiging problema. Imbes na bumango ang kanyang pangalan, nalagyan tuloy ito ng mansta. Now, what he did is not excellent. Wala naman problema kung pipiliin niya ang Dos dahil iyon ang makakatulong sa kanya pero may kontrata pala siya sa Solar Sports at GMA 7 na still in effect.

Akala siguro ni Manny ay ganun na lang kadali ang mag-revoke ng isang kontrata. Your advisers did not do their jobs well bago ka pinayuhan, Manny.

But let's not blame ABS CBN on this issue (Right, Karl?) kasi para rin lang naman isang businessman ang Dos na ang layunin ay kumita ng pera. Sino naman sila para tanggihan si Pacquiao kung mag-aakyat nga naman siya ng limpak-limpak na salapi sa kaban ng istasyon? Business is business afterall.

Sa palagay ko, kung saang bagay nagkulang lang ang ABS CBN  ay ang aspetong payuhan si Manny na ayusin muna ang gusot bago sila makipag-transact sa kanya ng business. O hindi kaya, na-overwhelmed din lang ang Dos at agad na silang nakipagkasundo?

Pero ganun man ang nangyari, this brouhaha is still between Manny and Solar Sports and GMA 7. Nagba-backfire tuloy ito kay Manny at nakikitaan na siya ng kahinaan ng publiko. Nakikita nila na may mali sa ginawa niyang approach. Now, how would Manny convince the people of South Cotabato that he is the right choice now that people are beginning to think that Manny just wanted media mileage? Ang tingin na sa kanya ay atat at pabugso-bugso, bagay na hindi magandang katangian ng isang pulitiko.

Do you guys who are reading this agree with what I have just presented? What do you think?

Get free website for your blog

READ MORE >>