Kilalanin ang Second Batch ng mga Artistang Pasok sa Top 25 ng GPTV

Tatlong Kapamilya artists at dalawang Kapuso artists ang umabante sa ating Top 25 Female Young Stars of the Philippines kung saan manggagaling ang sole winner na Goddess of Philippine TV.

Hindi ang unang batch sa second face off ang aming tinutukoy kundi ang second batch sa elimination round na ito. Ganito rin kasi ang eksena noong unang face off ng second elimination ng ating search.

Mapalad na nakaligtas sa eliminasyon na ito sina Rachelle Ann Go, Kristine Hermosa, Roxanne Guinoo, Heart Evangelista at Carla Abellana pagkatapos ang makapigil-hiningang labanan na ating nasaksihan. Matatandaan na maliban kay Rachelle Ann, lulubog-lilitaw ang mga artistang nasa grupong ito sa araw-araw na update ng Top 5.

Pero sa pagtatapos ng ating botohan kahapon ng gabi, nanaig nga sa official Top 5 ang isa na namang mang-aawit, dalawa uling soap princesses, anak na naman ng dating matinee idol noong 80's at isang produkto uli ng isang talent search. Kung titignan natin ng mabuti, mukhang ganitong-ganito rin noong nakaraang linggo.

Nakakalungkot namang makita ang pagtatapos ng laban ng limang Kapuso artists na tuluyan ng na-eliminate. Ito ay kinabibilangan nina Glaiza de Castro, Maricris Garcia, Francine Prieto, Rich Asuncion at Kris Bernal.

Sa lahat ng botong aming natanggap, 79.5% o 9,348 votes ang nakuha ni Rachelle Ann. Malayo ang kanyang agwat sa second placer na si Kristine na may 69.6% lamang o 8,184 votes. Pangatlo naman si Roxanne na may 38.2% o 4,492 votes.

Sina Heart na may 17.5% o 2,058 votes at Carla na may 17.2% o 2,022 ang nasa pang-apat at panglimang puwesto ayon sa pagkasunod-sunod.

Sa ating lowest bracket si Glaiza ang may pinakamataas na boto na may 17.1% o 2,010. Sigurado akong malulungkot ang mga fans ni Glaiza dahil 10 boto lang ang baba niya kay Carla na nasa panlimang puwesto.

Sumunod dito sina Francine - 16,6% o 1,952 votes; Maricris - 16% o 1,881 votes; Rich - 15.8% o 1,858; at, Kris - 14.3% o 1,681 votes.

Magbabalik ang limang artistang umabante sa round na ito sa April 29, 2009 para hingin muli ang boto ninyo sa kanilang laban sa Final Top 10.

Samantala, bumoto pa rin kayo sa mga artistang nasa pangatlong grupo ng ating eliminasyon. Kasalukuyan na silang nakasalang.

READ MORE >>

Laarni, Marian, Rachelle Ann at Jewel, Nanguna sa Poll Daddy; Sino ang mga nanganganib matanggal sa Top 25?

GPTV Updates: Mainit at exciting ang  mga kaganapan sa ating dalawang botohan para sa ating search for the Goddess of Philippine TV kahapon at ngayon. Malinaw na walang taga-hanga ang hindi gustong mailuklok sa pinakamataas na posisyon ang kani-kanilang idolo.

Sa weekly elimination, kahapon ay umabante ang mga Kapuso nang magawa nilang ilaglag ang isa sa mga Kapamilya artist na si Shaina Magdayao sa Top 5. Sa mga nagdaang mga araw kasi, ang tatlong Kapamilya artists na sina Bea Alonzo at Laarni Lozada kasama si Shaina ay hindi natitinag sa Top 5. Dahil dito ay puro Kapuso artists ang nanganib na matanggal.

Nagawa rin nilang hilahin ang mga percentage scores ng mga Kapamilya stars at i-angat naman ang mga boto ng mga Kapuso. Pero bumawi ang mga Dos loyalists at sila ay nag-rally ngayon araw na ito para ibalik ang tatlo nilang artista sa Top 5.

Dahil isang araw na lang ang natitira sa ating weekly elimination, makakahabol pa kaya uli ang mga Siete loyalists? Kung hindi magbabago ang ating resulta sigurado na limang Kapuso ang malalaglag sa Unang Face Off ng ating second round of elimination.

**********

Sa ating botohan naman sa Poll Daddy kung saan kukunin ang 15% ng final score ng mga bubuo sa Final Top 10, wala rin malinaw na leader sa ngayon dahil 4 na iba't ibang idolo natin ang nakita namin sa top position.

Noong umaga kahapon, si Laarni ang siyang nanguguna pero sa bandang tanghali ay pinalitan siya ni Rachelle Ann Go. Pagdating ng hapon ay nanguna naman si Marian Rivera. Nang muli namin tignan ang updates kaninang madaling araw ay si Jewel Mische naman ang nasa unahan hanggang sa ngayon.

Mag-iisang linggo pa lamang ang ating botohan sa Poll Daddy pero malapit na natin makuha ang mark na 1 Million votes.

Ipinapaalala lang namin na ang mga boto ninyo sa Poll Daddy ay mababalewala lamang kung hindi makapasok sa Top 25 at Final Top 10 ang inyong idolo. Magagamit lamang ang mga botong ito sa Final Top 10 kaya bago kayo bumotodito  ay unahin niyo munang isalba ang idolo ninyo sa weekly elimination.

Ngayong linggo, ang mga nasa weekly elimination na magtatapos bukas ay sina Pauleen Luna, Jolina Magdangal, Stef Prescott, Laarni, Jackie Rice, Sunshine Dizon, Diana Zubiri, Lovi Poe, Bea at Shaina.

Ang mga maglalaban naman sa second week, mula 7 pm bukas hanggang 7pm ng 06 April 2009 ay sina Rachelle Ann Go, Carla Abellana, Maricris Garcia, Kristine Hermosa, Roxanne Guinoo, Kris Bernal, Glaiza de Castro, Heart Evangelista, Rich Asuncion at Francine Prieto.

Kaya sa mga fans ng mga artista na nasa second week ng elimination, kailangan masiguro niyo muna na makaka-abante sa Top 5 sa susunod na linggo ang inyong mga idolo para hindi masayang ang mga boto niyo sa Poll Daddy.

Narito ang list ng Top 10 (as of writing) sa Poll Daddy:

1. Jewel Mische - 102,370
2. Laarni Lozada - 100,313
3. Marian Rivera - 90,762
4. Rachelle ann Go - 84398
5. Toni Gonzaga - 44735
6. Jonalyn Viray - 44429
7. Aicelle Santos - 37382
8. Maricris Garcia - 33673
9. Jackie Rice - 31466
10. Iza Calzado - 30001
11. Jolina Magdangal - 28431
12. Gee Ann Abraham - 26521Get free website for your blog

READ MORE >>

KC Concepcion, Nawala na sa Top 10; Alamin ang mga Pagbabago sa Botohan sa Mister Poll

GPTV Updates: Malapit na uli magwakas ang ating eliminasyon para sa panglima at huling grupo ng mga babaing artista natin sa ngayon at meron na lamang halos tatlong araw para bumoto dahil magsasara na ito sa ganap na 11:59 PM sa Biyernes.

Mukhang mabibigo kami sa aming unang akala na malakas ang grupo na ito ng mga Kapamilya artists at mukhang pinapatunayan din ng mga Kapuso fans ang isang hamon na gawin itong landslide victory for all the artists of GMA. Dahil Siete Contra Dos ang tema ng ating search, talong-talo na nga ng mga mas masisipag na fans ng Siete ang mga medyo reluctant pa na fans ng Kapamilya. Sa 20 na bilang ng mga artista natin na naglalaban-laban, ang upper 10 ay okupado ng mga Kapuso contract stars samantala ang lowest bracket naman ay puro Kapamilya artists.

Ang pagkakalaglag ni KC Concepcion sa Top 10 ang nagbigay-daan upang ma-okupa ng mga Kapuso ang lahat ng pwesto sa Top 10. Si KC ay nasa pangatlong pwesto kahapon pero bigla siyang bumulusok ngayon at nasa panglabing-isang pwesto na lamang siya.

At dahil halos tatlong araw na lamang ang natitira sa ating eliminasyon, posibleng lahat ng talent ng Dos sa grupong ito ay tuluyan ng mae-eliminate at mawalan na ng tsansang matawag na Goddess of Philippine TV. Kung hindi maalarma ang mga Kapamilya loyalists at kapag tuluyan namang magpakita ng aggresiveness at determination ang mga Kapuso loyalists, sigurado na ang Top 10 sa araw na ito ang siya rin aabante sa Top 50 ng ating Top Female Young Stars of the Philippines sa Biyernes ng gabi.

**********

Pagdating din ng Sabado, 21 March 2009, sa ganap na alas-dose ng madaling araw, malalaman na rin natin ang kung sino ang mga artista ang makakasama sa Top 50 Female Young Stars in the Philippines. Kasabay nito ay makikilala na rin natin kung sino naman ang mga artista na nasa bottom 50 o 'yung Top 51-100 Female Young Stars of the Philippines.

Yung mga makakapasok sa Top 50 ay magpapatuloy sa isa na namang face off o elimination round para malaman natin kung sino ang papasok sa Top 25 Female Young Stars of the Philippines. Magu-grupo uli sila sa limang grupo at bawat grupo ay isasalang ng isang linggo uli para hingin ang inyong suporta. Kukunin natin ang Top 5 bawat linggo at sila ang bubuo sa Top 25 Female Young Stars of the Philippines. Yung lowest 25 sa limang linggong ito ang magiging Top 26-50 Female Young Stars.

Simula Lunes naman ay ipapakilala namin kung sino ang mga artistang nasa Top 51-100.

**********

Sa iba pang mga balita, patuloy pa rin ang pamamayagpag kung sino ang talagang sikat sa ating botohan sa Mister Poll. Malinaw na kung sino ang may malalawak na fan base at mga dedicated na mga taga-hanga ang nangunguna dito. Sila yung mga artista na ang paghanga nila sa kanilang idolo ay talaga namang ipinapakita rin nila sa gawa at hindi sa salita lamang.

Sa mga nagdaang mga araw, nakita ko na naguna si Marian Rivera pero naungusan siya ni Rachelle Ann Go. Sa ngayon ay si Laarni Lozada uli ang nasa taas ng totem pole. May botong 13,247 si Laarni. Ang nasa pangalawang pwesto ay si Rachelle Ann na may botong 13,015. Pangatlo si Marian Rivera na may 11,183.

Ang dalawa pa na nasa Top 5 ay sina Aicelle Santos na may botong 5,800 at si Gee-Ann Abraham na may botong 5,469.

Ang iba pa na bumubuo sa Top 10 ay sina  Bea Alonzo - 3,380; Maricris Garcia - 3,369 votes; Jonalyn Viray - 1,094 votes; Angel Locsin - 798 votes at si Jewel Mische - 670 votes.

Ang botohan na ito ay ang magiging basehan ng 15% ng overall scores ng mga artistang mapalad na makakapasok sa Final 10.

Para sa mga fans na sumusuporta sa kanilang idolo sa Mister Poll, gusto lang namin na ipaalam na pansamantalang isasara namin ang botohan sa Sabado ( 21 March 2009) sa ganap na alas-dose rin ng madaling araw. Magbubukas uli siya sa Lunes (23 March 2009), hindi na sa Mister Poll kundi sa THIRD COLUMN na ng blog namin sa baba lang ng weekly elimination. Ang layunin naming kung bakit pansamantala naming isasara ang botohan at ililipat sa isang widget sa blog namin ay para linisin ito at tanggalin ang mga artistang nasa bottom 50 dahil hindi naman na sila pwedeng iboto pa. Ang tanging maiiwan na lamang ay ang mga nasa Top 50 na siyang magpapatuloy ng laban. Sobrang malaki na rin kasi ang bilang ng botong natanggap namin kaya bago mag-crash ang site ay gagawan na namin ng solusyon. Sa ngayon ay may 54,838 votes na simula 14 February.

Pero kung anuman ang botong nakuha ng mga artista natin sa Mister Poll ay siguradong documented iyan at isasama namin sa mga botong makukuha nila sa bago nitong bahay.

Batid namin na marami sa inyo ang nag-post ng URL ng botohan natin sa Mister Poll sa inyong mga forums at social-networking accounts sa kagustuhang mangampanya, pinapayuhan namin kayo na baguhin niyo na lamang ito.

Maaari niyo kaming sulatan dito sa Siete Contra Dos kung may gusto kayong itanong o maliwanagan. Maraming salamat sa inyong suporta at walang sawang pagmamahal hindi lang sa mga paborito ninyong mga artista kundi para na rin sa amin dito sa Siete Contra Dos.

Mabuhay tayong lahat.

Get free website for your blog

READ MORE >>

GPTV UPDATES: Angel Locsin is Our New Leader

GPTV UPDATES: Tulad nga ng una naming inakala, naging number one na si Angel Locsin sa ating poll this week para sa Goddess of Philippine TV. May 87 votes (as of 4 pm of 25 February 2009 Philippine time) na lamang na siya sa dating number one na si Rhian Ramos na nasa pangalawang pwesto naman.

Mukhang na-challenge yata ang mga Angel fans at mga loyal viewers ng Kapamilya network dahil puro artista uli nila ang mga nagpakita ng tremendous improvements sa bilang ng mga boto.

Triple ang boto ng mga Kapamilya kumpara sa mga Kapuso ngayong araw na ito. Tatlong Kapamilya artists na ang pasok sa Top 10 pero kung patuloy naman na hindi kikibo ang mga Kapuso loyal viewers ay malamang mas dadami pa ang mga taga-Dos na makapasok sa Top 10 sa pagtatapos ng botohan para sa batch na ito.

Maganda rin ang ipinakitang suporta ng mga taga-hanga ni Toni Gonzaga dahil mula sa pangsampung puwesto ay umakyat siya sa panlima. Ganundin ang nangyari kay Rachelle Ann Go na nasa pampitong puwesto na pagkatapos nasa lowest 10 simula umpisa ng botohan.

Medyo dumarami na ang mga Kapamilya avid fans ang nagpapakita ng kanilang suporta sa mga artista nilang kasali sa search for the Goddess of Philippine TV pero parang kabaligtaran naman ito sa sitwasyon ng mga Kapuso. Mukhang hindi yata pwede magsabay ang dalawang pinakamalaking fan bases ng mga TV networks, huh. Kapag active yung isa dapat yung isa ay passive naman and vice versa yata ang drama. Nagtataka ako?

Para sa mga Kapuso artists, nalaglag na si Arci Munoz sa Top 10 at nanganganib ma-eliminate comes Saturday night. Ang pang-sampung position ni Iwa Moto ay delikado rin dahil malapit na rin itong maagaw ni Roxannae Guinoo.

Tandaan na meron na lang kayong 2 araw para bumoto sa batch na ito. Kaya kung gusto ninyo magpatuloy sa laban ang iyong paboritong artista kailangan mailagay ninyo sila sa Top 10 this week. Sa 11:59 pm ng Sabado (Philippine time) o 27 February, malalaman na natin kung sino ang mga sampung maswerteng aabante sa Top 50 at ang mga hindi papalarin.

Ang kumpletong listahan ay nasa second column ng ating blog o site. Ang last update para sa linggong ito ay bukas na lang. Kaya ipagpatuloy ang pagsuporta sa inyong mga artista.

READ MORE >>