Iwa Moto, Nasa Depression din; Jericho Rosales at Diether Ocampo, Nagkagalitan?

May bago na bang programang naka-line up para kay Iwa Moto? Parang wala kaming alam dito sa Siete Contra Dos. Kaya naman pala lately ay ang dalaga ang latest na biktima ng aming nabanggit dati tungkol sa depression na madalas maranasan ng mga artista kapag natatapos ang kanilang programa sa telebisyon.

Nangyayari ang depression na ito habang naghihintay ang isang artista ng susunod na show. Nandyan  sa stage na iyan itong si Iwa ngayon na lalo pang pinalala ng pagkamatay ng kanyang ama na hindi man lang niya nakita kahit sa libing niya.

Unang nakitaan si Iwa ng "karamdaman" na ito sa kanyang account sa Facebook dahil sa pagsusulat ng mga "emo" messages sa kanyang shout outs. At dahil sa depression, umabot pa sa punto na dinelete na niya ang account.

Mas matindi raw ang depression ni Iwa sa ngayon ayon sa aming Pusang Gala dahil sa pagpanaw ng kanyang ama noong March 8 ng taong ito. Ang hindi niya pagkakapunta sa Japan para bisitahin ito sa huling sandali ang mabigat na sanhi ng kanyang hinanakit. Nagu-guilty ba si Iwa? Bakit kasi hindi siya lumipad na lang papuntang Japan pansamantala. Hindi ko ito maintindihan, huh. May problema ba sa visa?

**********

Nabanggit na rin lang natin ang Facebook, naalala niyo ba ang balita namin tungkol kay Jericho Rosales?

Nag-follow up ang aming Pusang Gala sa status ng Facebook ni Jericho at sinabi niyang tila ninanamnam masyado ng aktor ang kanyang naging pahayag na "he's on the process of healing".

May isa pa nga raw kaibigan ng aktor na nag-comment sa shout out na ito in particular. Tanong daw ng kaibigan kung ano ang nangyari dahil siya ay nasugatan din daw niya ang kanyang kamay. Sumagot daw si Jericho na ang "healing" na tinutukoy niya ay hindi physical.

Kung ano yung nasulat namin dito ay siyang huling update ni Jericho. May duda ang aming Pusang Gala na gusto lang sigurong masigurado ni Echo na mabasa ito ng kanyang pinapatungkulan, kung meron nga. Halos 3 weeks na raw niya itong isinulat pero hindi pa rin niya pinapalitan.

Dagdag tsika pa niya na ngayon lang daw naging magkaibigan sina Echo at Diether Ocampo sa Facebook. Si Diether daw ang nag-imbita kay Echo na maging friends sila na tinanggap naman ng huli.

Gustong intrigahin ng aming kausap ang tsikang ito dahil may isa silang denominator at si Kristine Hermosa iyon na naging pagmamay-ari ng mga puso nila sa magkaibang panahon.

Nagkagalit daw ba sina Diether at Jericho dahil kay Kristine?

Sagot namin, "wala kaming alam."

READ MORE >>

GPTV UPDATES: Angel Locsin is Our New Leader

GPTV UPDATES: Tulad nga ng una naming inakala, naging number one na si Angel Locsin sa ating poll this week para sa Goddess of Philippine TV. May 87 votes (as of 4 pm of 25 February 2009 Philippine time) na lamang na siya sa dating number one na si Rhian Ramos na nasa pangalawang pwesto naman.

Mukhang na-challenge yata ang mga Angel fans at mga loyal viewers ng Kapamilya network dahil puro artista uli nila ang mga nagpakita ng tremendous improvements sa bilang ng mga boto.

Triple ang boto ng mga Kapamilya kumpara sa mga Kapuso ngayong araw na ito. Tatlong Kapamilya artists na ang pasok sa Top 10 pero kung patuloy naman na hindi kikibo ang mga Kapuso loyal viewers ay malamang mas dadami pa ang mga taga-Dos na makapasok sa Top 10 sa pagtatapos ng botohan para sa batch na ito.

Maganda rin ang ipinakitang suporta ng mga taga-hanga ni Toni Gonzaga dahil mula sa pangsampung puwesto ay umakyat siya sa panlima. Ganundin ang nangyari kay Rachelle Ann Go na nasa pampitong puwesto na pagkatapos nasa lowest 10 simula umpisa ng botohan.

Medyo dumarami na ang mga Kapamilya avid fans ang nagpapakita ng kanilang suporta sa mga artista nilang kasali sa search for the Goddess of Philippine TV pero parang kabaligtaran naman ito sa sitwasyon ng mga Kapuso. Mukhang hindi yata pwede magsabay ang dalawang pinakamalaking fan bases ng mga TV networks, huh. Kapag active yung isa dapat yung isa ay passive naman and vice versa yata ang drama. Nagtataka ako?

Para sa mga Kapuso artists, nalaglag na si Arci Munoz sa Top 10 at nanganganib ma-eliminate comes Saturday night. Ang pang-sampung position ni Iwa Moto ay delikado rin dahil malapit na rin itong maagaw ni Roxannae Guinoo.

Tandaan na meron na lang kayong 2 araw para bumoto sa batch na ito. Kaya kung gusto ninyo magpatuloy sa laban ang iyong paboritong artista kailangan mailagay ninyo sila sa Top 10 this week. Sa 11:59 pm ng Sabado (Philippine time) o 27 February, malalaman na natin kung sino ang mga sampung maswerteng aabante sa Top 50 at ang mga hindi papalarin.

Ang kumpletong listahan ay nasa second column ng ating blog o site. Ang last update para sa linggong ito ay bukas na lang. Kaya ipagpatuloy ang pagsuporta sa inyong mga artista.

READ MORE >>