GPTV Batch 2 Elimination, Sino ang Pasok sa Top 10?

Isang linggo na naman ng elimination para sa ating search for the Goddess of Philippine TV ang natapos kagabi sa ganap na 11:59 pm. Nanguna dito ang pambato ng Kapamilya network na si Angel Locsin na sinundan ng isang pang Kapamilya talent na si Rachelle Ann Go. Isa pang Kapamilya na nasa Top 4 ay si Toni Gonzaga.

Isang obserbasyon ng kasamahan namin dito sa blog na ang nangunguna ngayong actress para sa Dos ay mga galing ng GMA. Si Rachelle ay produkto ng isang singing competition ng Siyete samantala nakilala at nagkapangalan si Angel sa Siyete. Si Toni naman ay nakilala sa Eat Bulaga at iba pang programa ng Siyete.

Si Rhian Ramos ang may pinakamataas ng pwesto sa hanay ng mga Kapuso artists. Siya ang nasa ikatlong pwesto pagkatapos manguna ng halos limang araw. Si Diana Zubiri ang pumuno sa Top 5.

Ang ilan pang nasa Top 10 na umabante para sa Top 50 ay sina Jennica Garcia, Lovi Poe, Gee Ann Abraham, Roxanne Guinoo at Katrina Halili.

Hindi naman pinalad sina Bianca Gonzales, Maggie Wilson, Iwa Moto, Arci Munoz, LJ Reyes, Kaye Abad, Lauren Young, Cassandra Ponti, Karel Marquez at Irish Fullerton na makapasok sa Top 10 na naging dahilan ng tuluyan na nilang pagkakatanggal sa ating search. Wala na silang pagkakataon pa na maging Goddess of Philippine TV para sa taong ito.

Kumpara sa figures ng mga boto para sa mga artistang kasali sa first batch of elimination, hindi masyado successful ang batch na ito dahil mas konti ang mga suportang fans. Kung nakatanggap kami ng halos 23,000 na boto last week, ngayon ay wala pa sa kalahati dahil ito ay nasa 4,580 lamang. Kung may halos 45,000 pageviews para sa boto lang last week, ngayon ay nasa 7,816 lamang.

At dahil Siete contra Dos ang pangalan ng ating blog, ngayong linggo ay Dos naman ang nanalo kahit parehas na tiga-lima ng Kapuso at Kapamilya artists sa Top 10. Mas marami kasi ang mga Kapamilya ang may mas mataas n pwesto.

Samantala, nag-umpisa na ang botohan para sa Batch 3 at isa sa mga prominent names dito ay sina Heart Evangelista, Jennylyn Mercado, Bea Alonzo, Maja Salvador, Angelica Panganiban, Kris Bernal, Camille Pratts, Jodi Santamaria at Glaiza de Castro.

Hiling pa rin namin na suportahan natin lahat sila. Kaya bumoto na muli.

READ MORE >>

Renata Sone, Miss Dominican Republic 2005 will judge Binibining Pilipinas?

Totoo kaya ang bali-balitang magiging isang judge sa gaganaping coronation night ng Binibining Pilipinas 2009 si Renata Sone, ang matangkad na Miss Dominican Republic Universe 2005? Si Renata ay may taas na 6'0" at siya ay second runner-up noong Miss Universe 2005 sa Thailand kung saan nanalo si Natalie Glebova.

Si Renata ay nag-asawa na noong 2006 at mayroon na siyang isang anak na lalaki sa taong ding iyon.

Kung totoo nga na magiging isa siya sa mga judges, makakatulong kaya siya para mapili ang karapat-dapat na manalo? Dapat ganito lahat yung mga judges sa mga beauty contest, yung may alam talaga or experience sa modelling or pageant mismo at hindi lang yung mga ambassadors o mga young stars na wala pakialam sa mga ganitong events.

Ilan pa sa mga napapabalitang uupong judges ay sina Charlene Gonzales, Anthony Lee ng Honda Motors, Jolina Magdangal, Pitoy Moreno, Vicki Belo, Gregory Downs na manager ng Manhattan Homes, James Tan ng Smart Telecommunication at Michael Lopez Fitzgerald ng John Robert Powers.

Sana payagan ng Binibining Pilipinas Organization at pumayag si Vicki Belo na maging libre lahat ng mga services ng clinic niya para mapaganda ang mga kandidata natin na ipapadala sa mga international pageants.

Isa pa sa gusto ko na mangyari ay hayaan natin na sumagot ang ating mga candidates in Filipino at magkaroon ng translator sa international pageants kapag nagkataon. Kapag ganito kasi ay marami pa ang sasali na walang lakas ng loob. Marami ang mga sobrang magaganda dyan na hindi comfortable sa English nila. Afterall, ang misyon naman natin is to bring the best out from our representatives. By letting her speak in the language she's comfortable with the most is also helping her to be in her best. Hindi kawalan sa atin kung ang isang kandidata ay hindi marunong mag-English dahil never na batayan iyan sa katalinuhan ng isang tao. Agree ba kayo dito?

Samantala, ang candidate number 11 na si Regina Hahn, nasa picture sa kaliwa, ay anak pala ni Chiqui Brosas na kinatawan ng bansa natin sa Miss Universe 1975 sa El Salvador. Tinanghal siya na fourth runner-up.

Bale half-Filipina half-German si Regina dahil ang tatay niya na asawa ni Chiqui ay isang German national.

Papalarin kaya si Regina na makakuha ng titulo? Hindi kaya siya ang magiging Binibining Pilinas - Universe dahil hindi na siya pwede sa Miss World at Miss International dahil siya ay 26 years old na. Sayang naman kung hindi siya manalo dahil bakit kasi ngayon lang siya nag-join?

READ MORE >>

Annabel Rama, Minaliit Si Marvin Agustin; Anong Balita sa Amazing Race Asia 4?

GPTV Updates: Magtatapos na mamayang gabi sa ganap na 11:59 sa Pilipinas ang pangalawang face off ng 20 female young stars ng Kapuso at Kapamilya networks.ng ating search for the Goddess of Philippine TV. Kasalakuyang nangunguna si Angel Locsin tulad ng inakala namin. Hindi maikakaila na malawak pa rin ang fan base ng actress at ayon sa aming statistics ay kalat sila sa buong mundo.

Mahina lang ang reception ng mga fans sa linggong ito. Lahat ng boto at pageviews na natanggap namin para sa ating search ay wala pa sa kalahati kumpara last week nang isalang sina Marian Rivera, Laarni Lozada, Aicelle Santos, Jonalyn Viray, etc.

Mamayang alas-dose rin o midnight, magsisimula ang botohan para sa Batch 3 na kinabibilangan nina Heart Evangelista, Kris Bernal, Jennylyn Mercado, Glaiza de Castro, Angelica Panganiban, Bea Alonzo, Maja Salvador at iba pa.

Hangad namin na suportahan niyo pa rin ang aming poll.

***********

Nagsimula na pala kahapon sa Dagupan City ang unang araw ng audition for Survivor Philippines Season 2. Naku, sumugod na kayong mga nasa Pilipinas dahil baka kayo na ang hinahanap. Hwag sayangin ang mga pagkakataon na ganito dahil sinisiguro ko sa inyong kakaibang experience at exposure ang inyong mararanasan. Baka mamaya ay kayo pa ang manalo ng 3 milyon pesos. Maging totoo lang kayo kasi hinahanap nila yung may mga outstanding behaviours.

***********

Speaking of reality shows, ano na kaya ang nangyari sa Amazing Race Asia? Magkakaroon pa rin ba ng season 4 para sa naturang palabas? Matatandaan na sa ganitong buwan sa mga nagdaang seasons ay ina-announce na ng AXN, ang home network ng show, ang auditions. Pero sasapit na ang Marso ay wala pa rin tayong nababalitaan. Apektado rin kaya sila ng global crisis? Pero nabanggit naman daw ng producer na si Micheal McKay noong kasagsagan ng Season 3 na pinagpaplanuhan na nila ang Season 4. Nakakapagtaka nga lang na tahimik sila ngayon. Paano na lang ang mga fans na hilig mang-away sa mga forums kung hindi matutuloy? Last Season, sina Geoff Rodriguez at Tisha Silang ang pumangalawa sa race na ito.

***********

May bago na namang press release ang sobrang nega sa publiko na si Annabel Rama tungkol sa away niya sa GMA network. Nagsalita siya tungkol sa legal letter na natanggap ni JC de Vera from GMA legal department dahil sa pagtanggi nilang hwag gawin ang Obra.

Nagdadakdak si Bisaya na one sided daw ang mga kontratang pinirmahan nila para sa GMA. Wala daw sila bang karapatan na mamili ng projects at tanggihan ang mga actors na makakasama ng talent niya sa isang show?

Mukhang kulang na yata si Bisaya sa tamang pag-iisip dahil bakit pinirmahan niya ang kontrata kung talagang tama ang idinadaing niya. Malinaw ba na hindi niya binabasa ang kanyang pinipirmahan?

At paano niya sasabihing wala silang karapatan umayaw sa makakasamang actor ng talents niya kung sa bibig niya mismo nanggaling na tinanggihan niya si Marvin Agustin na maging boyfriend ni KC Concepcion at pagseselosan ni Richard Gutierrez sa pelikulang When I Met You? Ang role ay napunta kay Alfred Vargas.

At nilait pa ni Bisaya si Marvin Agustin by insinuating na si Marvin daw ba ang dapat pagselosan ni Richard? Naku, hindi lang matapobre si Bisaya kundi mapanlait pa. Sobrang bilib niya talaga na sobrang gwapo ang anak niyang si Richard. Kailangan na iuntog si Bisaya.

"Sabi ko sa kanila, sino ba naman ang maniniwalang mai-in-love si KC sa kagaya ni Marvin at pagseselosan pa ni Chard?" wika ni Bisaya.

Hindi lang iyan, nagmayabang pa si Bisaya na ipinakita raw niya sa mga kaibigan niyang judges at justices ang mga contracts niya sa mga talent niya. O di ba, mayabang talaga siya? Kailangan daw magpasaring na may kilala siya sa legislative department ng gobyerno natin? So, ibig bang sabihin noong nanalo siya sa libel case niya against Cristy Fermin ay iginapang niya ito?

Nasa legal na pag-uusap na kasi lahat kaya parang sinisilaban na si Annabel sa puwit at naghahanap ng pwedeng lusutan. Hindi ako magtataka kung bukas sa kangkungan pupulutin ang managerial job nito.

READ MORE >>

Photo Scandal ni Kevin Santos?

Naalala niyo pa ba yung sinulat ko tungkol kay Kevin Santos na pinagtsi-tsismisan ng ilan na nagpapa-booking para sa karagdagang kita? Pero ang maganda naman sa tsismis na ito ay sa mga matrona siya nagpapagalaw at hindi sa mga bakla. Pinag-uusapan ito ng ilan sa mga manunulat na unang ginawang blind item ni Ronnie Carrasco at walang takot din naming pinangalanan.

Pero dahil din sa post naming iyon ay marami rin kaming natanggap na e-mail na nagpapahayag ng iba't ibang reaction. Isa na rito ay nag-attach pa ng picture ng gwapong binata na hindi ko alam kung saan kinuha dahil konti lang iyong impormasyong ibinigay sa amin.

Pinilit naming hinanap sa internet kung may katulad itong picture na ito ni Kevin pero wala kami makita o baka hindi lang namin nakita kaya naglakas loob na lang akong ipakita rin sa inyo dahil wala naman masama dito o di kaya kumpirmasyon sa akin pang ibabalita tungkol sa binata.

Noong una ay akala ko si Matt Escudero itong nasa picture pero masusi ko ikinumpara ito sa iba pang pictures ng binata at si Kevin nga ang nasa litrato.

Ang tsika ng aming source ay hindi lang daw nagpapa-booking ang actor kundi dumaan din daw sa stage na nagso-show siya oncam (online camera). Pilyo daw kasi ang aktor at madalas daw magpakita ng mga maseselang bahagi ng kanyang katawan sa camera. Tuwang-tuwa nga raw siya na nakakapagpaligaya sa mga voyeurs ng internet. Hindi nilinaw sa amin ng aming source kung nasaksihan ba niya mismo ang kanyang tinutukoy.

Well, we are not concluding that the tip we got is real or genuine. Kaya you can always take this with a grain of salt. Posibleng gawa-gawa lamang pero posible ring may katotohanan considering na karamihan sa mga kabataan ngayon sa Pilipinas ay puro mapupusok sa mga makamundong pagnanasa.

Pero ano ba ang unang papasok sa isip ninyo kapag nakita niyo itong picture na nasa taas. Di ba, parang nakikipag-chat si Kevin at mukhang nilalaro ang kausap? Ipinapakita niya ang kanyang abs o katawan na posibleng humantong din doon sa bagay sa pagitan ng kanyang hita. Parang kuha rin ang larawan sa loob ng kwarto siguro ng binata pero parang ang linaw naman yata nito para masabing kuha sa camera mismo ng laptop or desktop. At hindi ko rin alam kung photoshopped ito o hindi since wala naman ako alam sa ganitong teknolohiya.

Ano sa tingin niyo? Posible ba itong scandal ni Papa Kevin? Naku, type ko pa mandin ang batang iyan.

READ MORE >>

Binibining Pilipinas 2009

Malapit na palang ganapin ang coronotion ng Binibining Pilipinas 2009 sa 7 March 2009 sa Araneta Coliseum. Napanood ko ang video ng press presentation nila in swimsuit at talaga naman agree ako sa sinabi ni Madame Stella Marquez-Araneta na ang batch na ito ay marami ang magaganda. Si Madame Stella ang siyang Chairwoman ng Binibining Pilipinas.

Ang larawan sa inyong kaliwa ay hiniram ko sa isang beauty pageant website. Tatlong lamang sila sa 24 na maglalaban-laban sa 3 korona. Ang candidate number 10 ay si Priscila Navidad ng Dos.

Sa totoo lang ang daming masasayang na beauties kapag napili na ang tatlong winners - Bb. Pilipinas International, Bb. Pilipinas Universe at ang Bb. Pilipinas World. Wish ko lang na ang mga hindi papalarin na makakuha ng title ay sumali pa rin hanggang hindi sila inaabutan ng age limit dahil naniniwala ako na mas malaki ang tsansa ng Pilipinas na magkaroon uli ng international crowns kung may maraming candidates na beterana na sa ating national pageant.

Take the case of Precious Lara Quigaman na 2 beses nag-join sa Binibining Pilipinas bago na-represent ang bansa sa Miss International noong 2005. Ang ending, wagi siya ng bonggang-bongga.Nandyan din na halimbawa sina Maricar Balagtas na 3 beses nag-join sa Binibini hanggang mapili siyang kinatawan ng bansa natin sa Miss Universe sa Quito Ecuador noong 2004. Ganito rin si Abbygale Williamson Arenas noong 1997.

At sa line up ngayong taon, dalawa sa kanila ang second timer at sila'y mga frontrunners ngayon. Sila ay sina Mary Ann Umali na hawig ni Francine Prieto at si Abbygale Lesly Cruz na dyowa ni Paolo Bediones at isa rin sa mga hosts.

Ang dalawa ay inaasahan kong makakapasok sa Top 10. Pero kung sakali man na makakuha si Abbygale ng title ngayong taon na ito, asahan na ninyong magsusulputan ang mga usap-usapan na lutong makaw or unfair ang contest dahil sa affiliation nito kay Bediones. Si Mary Ann naman ay napakaganda at swak na swak siya sa title na Miss International. Kung sakaling mapanalunan niya ang title, malakas ang paniniwala ko na siya ang magiging pang-limang Pilipinang mag-uuwi ng korona sa Miss International. Mark these words from me!

RICH ASUNCION AND PRISCILA NAVIDAD

At siyempre dahil Siete Contra Dos itong blog natin, nagkataon naman na may artista ng dalawang mahal nating TV networks na nasa listahan. For GMA 7, nandyan si Rich Asuncion or Rich Angalut na siya niyang tunay na pangalan at si Priscilla Navidad ng Pinoy Big Brother Teen Edition Season 2. Si Abbygale ay GMA 7 artists din na nagbida sa Lupin ni Richard Gutierrez.

Noong time ni Rich sa Starstruck, napansin ko na talaga ang beauty niya. Sabi ko nga noon na ang mukha niya ang matatawag na classic beauty lalo na kapag naayusan. Sobrang ganda niya kapag may maayos siyang make up. Lalo siyang gumaganda at nagiging classy ang beauty niya. I wished nga before na sumali siya ng Binibini and true enough narito na nga siya ngayong taon.

Hawig si Rich kay Imee Marcos pero mas may dating ang beauty ni Rich. Matalino siya at matangkad kaya kapag hindi siya nanalo ngayong taon ay dapat sumali pa rin siya. Gusto ko siya manalo pero dapat hindi muna ngayon. Dapat sa susunod niya pagsali after a year para lalo pa siyang ma-develop. Pero gulat ako ha nang makita ko siyang rumampa. Talagang nag-aral siya although kailangan pang i-polish. Bagay sa Miss Universe ang dalaga mula sa Bohol at ang husky voice niya ay maihahalintulad natin sa mga Indian beauties. For sure, sanay na siyang humarap sa tao because of her experience on TV at iyan ang pinaka-importante sa pageant - confidence. It will really bring you far if you have the right amount of confidence.

Maganda rin si Priscila Navidad na artist ng Dos. Siya ang sentimental favourite ko dahil sa kanyang kalagayan. Bingi ang dalaga at nagre-read lips lamang siya. Napakadakila at sino naman ang hindi hahanga sa kanya na despite of all her setbacks ay nandyan siyang nagpapakita ng tapang at determination? Not everybody can do it kaya hanga ako kay Priscila. I'm so proud of her.

Kaya lang may kulang sa kanyang catwalk skills. At mukhang hindi siya confident habang nasa stage base na rin sa video na napanood ko. Dahil ba dito sa kanyang situation? Pero kung sakaling manalo siya sigurado ako na mapapansin siya sa kahit anong internatinal pageants na pagpapadalhan sa kanya. Pwede niyang i-tap ang kanyang kalagayan to her advantage at siguradong pasok siya sa finals. Pero hindi ko nararamdaman na handa na siya ngayong taon na ito.

Gusto ko ang dalaga na magsuot ng Philippine sash kaya kung hindi siya palarin ngayon, sana hwag siyang ma-disappoint at lalo magpursige na i-improve ang kanyang craft para next time she joins ay sure winner na siya.

Kaya to Rich and Priscila, keep it up and do your best. Take a lesson from your co-candidates, Mary Ann Umali and Abbygale Cruz na hindi nahiyang sumali sa pangalawang pagkakataon. That's the attitude of a winner.

STRATEGY OR JUST A MISTAKE?

Isa rin sa hindi ko makakalimutan na nangyari sa press presentation ay si Gizelle Jasmin Rivamonte, candidate 4. Siya ang kandidatang may pinakamaigsing buhok sa kompetisyon. Pakiwari ko ay nag-deviate siya ng rule kung saan dapat rumampa. Hindi ko lang alam kung nagkamali siya o baka sinadya.

Ang choreography kasi, pagkatapos rumampa sa stage at magpakilala sa mikropono, bababa sila ng stage at iikot sa likod ng mga judges. Pagkatpos iyon ay babalik sila ng backstage. Imbes na sa likod dumaan si Gizelle ay sa harap siya ng mga judges rumampa with flying colours. O di ba? Ang bongga?

Sa mga beauty pageants kasi na ganito, dapat meron na meron kang gagawin na kailangan mapansin ka. Kasi sa dami ng mga magaganda na kasama mo, kailangan mag-stand out ka. Kaya posibleng strategy ito Gizelle.

Ilan sa mga napabalitang strategy ng mga candidates natin sa mga international pageants ay nakatulong sa kanila. Si Precious Lara Quigaman noong 2005 ay talagang she encouraged all the Asian beauties na kapag may pictorials ay kailangan lagi sila sa harap. Si Miriam Quiambao sa Trinidad and Tobago noong 1999 habang sakay sa isang float kasama ang sobrang popular na host candidate at ang Miss Venezuela ay hindi pinapansin. Ang ginawa niya ay sumayaw daw siya ala-Caribbean ng bonggang-bongga at hayun siya na ang pinansin dahil hindi nila akalain na ang isang Asian ay marunong sa sayaw nila.

Si Gemma Cruz naman sa Miss International noong 1965 ay nagsuot ng Filipiniana costume habang ang event na iyon ay ipapakilala sila in bathing suit sa tabi ng dagat. Hayun ang dami niyang pictures na naka-Filipiniana habang ang lahat ay naka-bathing suit sa tabi niya.

Si Gloria Diaz naman daw noong 1969 ay laging tumatabi sa mga matatangkad at mapuputing candidates kapag pictorials para daw mapansin ang kanyang oriental beauty. Oo nga naman. Kumbaga sa isang coupon bond, si Gloria yung nag-iisang tuldok sa gitna. Isang araw din daw, they were asked to wear their swimsuits at pinaglakad daw sila sa isang Miami beach na naka-high heels. Kaya hirap na hirap daw yung mga kandidata. Ang ginawa niya, tinanggal niya ang kanyang shoes ang walang pakiaalam na naglakad. Of course, hinabol siya ng mga photographers.

Noon namang 1972 Miss Universe sa Puerto Rico, napasama ang kandidate natin na si Armi Barbara Crespo sa Top 10. Sa evening gown competition, lumabas ng stage ang Armi na nakasuot ng mahabang French coat at nakahalukipkip pa. Of course, nagtataka ang audience dahil evening gown competition iyon. Iyon pala, nakatago ang pagkaganda-ganda niyang evening gown sa coat na iyon. Noong maglakad na siya, hinubad niya ang kanyang coat to the delight of the audience.

Mukhang napakwento na yata ako ng mahaba dito. Ang punto ko dapat na mapansin ka ng mga judges sa mga beauty pageants at kailangan tatatak talaga sa utak nila na nag-e-exist ka sa kompetisyon para magkaroon ka ng mas malaking chance na manalo.

CRAB MENTALITY AND RACISM

At para naman sa mga fanatic ng mga beauty pageants na makakabasa nito, hinihiling ko na sana maging civil tayo kapag sumasali sa mga internet forums and discussions. Sobrang sama na ang image ng Pilipinas dahil din sa ating kagagawan. Tayo ang paboritong target ng racism at sobrang pang-iinsulto ang natatanggap ng mga candidates natin from almost all nationalities and sad to say mga kapwa rin Pinoy na may ugaling crab mentality.

Kanya-kanyang kampo kasi iyan sa mga kandidata na kasali sa Binibining Pilipinas. Kapag hindi nanalo ang kampo nila ay sobrang atake ang ginagawa nila sa nanalo. Nandyan na siraan at tawagin ng kung ano-ano. Kahit nasa international contest na iyong nananalong kandidata ay hindi pa rin nila tinatantanan na nababasa ng iba pang fanatic from other countries.

Magkaisa tayo mga kaibigan. Ang pagha-hype sa isang gusto natin kesehodang lait-laitin mo na ang mga ibang kandidata ay hindi nakakatulong sa chance natin para sa crown. Purihin mo lang yung kandidata mo at hwag mo banggitin yung mga kalaban. At hwag naman sobra ang gagawin pagpuri dahil sensitibong topic ang pagiging nationalistic ng isang tao sa mga forums na ganito.

Hwag na hwag tayong mang-aaway sa mga ibang kandidata dahil nagre-reflect iyan sa atin. Isa sa dahilan kung bakit tayo hindi pinapansin sa mga international pageants ay dahil sa ugali natin sa mga beauty forums. Of course, nalalaman iyan ng mga future judges at nagiging bias sila sa kanilang decision. Social-game pa rin ang mga beauty pageants kaya tayong mga fans ay dapat maging civil kapag sumasali sa mga usapang ganito sa internet.

READ MORE >>

Showbiz Updates: Wowowee Inirereklamo na Naman

Napansin ba ninyo na parami ng parami ang mga written interviews ni Boy Abunda about sa biro ni Vicki Belo sa kanya? Napapadalas na rin siyang magbigay ng kanyang saloobin sa isyu sa kanyang bagong programang Showbiz News Ngayon. Gusto lang niyang sabihin nasaktan daw siya. Iyon lang. Promong-promo, di ba?

********

Bakit ang noontime show ng Dos na Wowowee ay hindi tinitigilan ng reklamo at kontrobersiya? May isang winner na naman ng house and lot ang nagrereklamo na nahirapan siyang i-claim ang napanalunan. Parang dumaan siya sa butas ng karayom para makuha lang ang bahay na hindi pala brand new kundi bahay lang na naremata at sira na. Ano ang ginagawa ng DTI? Di ba napatunayan nga nila na nandaya sila Wowowilinaryo? Nagtataka ako kung bakit hindi pa ito sinususpendi.

Personally, hindi ko gusto ang Wowowee dahil puro nagsisigawan ang mga host doon at ginagawa ni Willie na katatawanan ang mga pobreng tao sa studio. Para sa akin napaka-cheap ng form of entertainment ito.

Meron akong kaibigan na dati hinawakan ang segment ng Pera o Bayong noong time pa ng MTB at marami nga siyang kuwento noon about how they manipulated the results. Kaya hindi ako naniniwala na malinis ang Wowowee.

********

Kumusta na rin kaya si JC de Vera tungkol sa away ng kampo niya at ang mother studio niya? Marami ang nagsasabi na si JC lang ang makapagsasabi kung ano ang tunay na nangyari. Pero I doubt kung magsasalita siya kasi takot na takot siya sa manager niyang si Annabel Rama at sobrang hiya naman niya sa GMA na itinuturing niyang nagpasikat sa kanya. Kawawang JC.

Hindi raw matawagan si JC after this incident at walang nakakausap sa kanya lately. Apektado talaga si lover boy dahil sa kagagawan ni Annabel.

If I were you JC, since naiipit ka sa dalawang higanteng parehas na matimbang sa iyong puso, kausapin mo ng maayos ang manager mo at sabihin mo sa kanya ang dapat mong gusto. Pero kung kailangan ka mamili ng isa, mabigat talaga iyan. Pero kung ako sa iyo, magpahawak na lang ako sa GMA Artist Centre.

*******

Speaking of Annabel Rama na manager ni JC, pinabulaanan niyang nag-sorry daw ang mga magulang ni Heart nang makipagkita sila sa Presidente ng Channel 7 na si Atty. Felipe Gozon. See, Annabel thinks she knows all. Kahit wala siya sa meeting ay "alam" niya na hindi nag-sorry ang mga magulang ni Heart. Does she have bionic ears? Or tabas lang talaga ng dila niya?

*******

Speaking of TV network's executives, kumusta na rin kaya si Ms. Charo Santos-Concio na naimbitahan sa red carpet ng Oscar Award ilang araw na ang nakakaraan? I've seen parts of the show pero hindi ko nasilayan ang beauty niya. Ito rin ang sinasabi ng iba na tumutok sa show. Well, naimbitahan lang kaya we don't expect to see her walking on the red carpet kasi kung gagawin lahat yan sa mga imbitado, sigurado aabutin ng isang araw yung show.

READ MORE >>

DON'T READ: Posibleng Rason Kung Bakit Ganun na lang Mura-murahin ni Annabel Rama si Wilma Galvante; Ano si Annabel sa Career ni Heart Evangelista?

Since mainit pa ang mga issues tungkol kay Annabel Rama at sa mga talents nito, makikisawsaw muna ako kasi nangangati akong mag-comment sa bagong development ng kaso ni Heart Evangelista.

Nakipag-usap na nga raw ang parents ni Heart ng personal sa presidente at CEO ng GMA network na si Atty. Felipe Gozon. Hiniling daw nila ang meeting para ayusin ang mga gulong kinasasangkutan ni Heart. Sa huli ay naayos daw ang lahat at ang dalawang partido ay parehong masaya sa kinalabasan ng kanilang pag-uusap.

Aba, nararapat lamang na umaksiyon na ang kampo ni Heart bago pa hilahin ang kanyang bagong-buhay na career ng mga negative reactions from the viewers. Ang hindi nila alam ay malakas sa mga internet discussions ang pagkadismaya nila kay Heart dahil sa pagtanggi sa isang pang-hapong palabas. Isa na ako dyan.

At mula sa naging pag-uusap nila lalong nadiin na ang lahat ng ito ay kagagawan ni Bisaya. Tuloy, nahubaran siya sa publiko na posibleng gumagawa lamang siya ng istorya para makapag-power play maisiksik lang ang gusto niya. Si Bisaya kasi ay malakas ang paniniwala na what Annabel wants is what Annabel gets. Opinyon ko lang naman pero iyan ang nakikita kong karakter niya. Agree ba kayo dito?

Isa-isahin natin ang mga salient points sa records of the minutes ng pag-uusap between Heart's parents and the big boss of GMA.

1. It is clear that the meeting was requested by the parents of Heart Evangelista. Ibig sabihin ay mayroon dapat ayusin from their side kasi sila na mismo ang lumapit.

2. Mr. and Mrs. Ongpauco (Heart's parents) apologized to the president for the mess that is happening now between Heart and the network. This is self-explanatory. You don't ask apology if you did no good. Take note on the word - BASURA. Sino kaya ang tinutukoy dyan? Hmmm.

3. Mr. Rey Ongpauco also stands as her primary manager. So, what is Annabel's role in Heart's career? Bakit hindi muna kinunsulta ni Bisaya ang parents ng dalaga bago sinagot ang letter ng legal team ng GMA kay Heart? Hindi raw alam ng mga magulang ni Heart ang mga nangyari dahil nasa abroad sila at kakarating lang nila ng Pilipinas.

4. The parents of Heart had nothing to do with the legal letter sent to GMA by Rivera Santos and Maranan Law Offices. Tahasang panasinungalingan. Ibig sabihin agad na nag-utos si Annabel na sagutin yung letter without consulting Heart's parents.

5. Sabi ng GMA, personal concerns from talents should ALWAYS be discussed and adjustments are made accordingly. Iyon naman pala eh. Nakalagay iyan sa kontrata ni Heart. Eh bakit kasi hindi humingi rin si Bisaya ng oras with GMA where she could have been aired her grievances? Bakit pinipili pa rin niyang magdadakdak at magmumura? For Annabel's information, iba na ang panahon ngayon, hindi katulad noong panahon ng Kastila na nakukuha lahat sa takutan. We are living in a civilized world now.

6. The network (GMA) is willing to compromise but not to the extent of violating those contracts. Mahalaga ang contract sa isang negosyo at iyan ang SOP sa lahat ng transactions kahit saan ka pumunta. Dito sa ibang bansa ay ino-observe talaga ang bawat kontrata. Ibig sabihin ay ura-urada si Annabel na sumagot sa legal team without studying the contract. Hayan, nagpadala na naman kasi siya sa bugso ng kanyang damdamin na madaling mag-react sa mga bagay-bagay. Talo pa yata kasi ang bilis ng isang cheetah kapag umaakyat ang galit sa ulo niya.

7. Mr. Rey Ongpauco expressed to Atty Gozon that Heart is too willing to work because acting is really her passion. Both parents understood that it is the network's decision where and in what timeslot to air the programs assigned to their talents. Iyon naman pala, eh. Gusto pala ni Heart mag-work so ibig sabihin si Bisaya lang talaga ang may ayaw na sa panghapon siya ilagay. So, gumawa siya ng kwento para ma-justify na hwag lang siya sa hapon lalabas. These are all in the expense of Heart. Pobreng bata na nabigyan na ng image na nag-iinarte.

Oh, 7 salient points yan ha at swak na swak para sa Kapuso network.

Well ngayong okay na ang parents ni Heart at ang GMA, ano kaya ang mangyayari rin between Annabel and Heart's camp? Will they move on with their separate lives now? Hindi kaya publicist lang si Annabel sa buhay ni Heart?

Heto ang opinyon ko kung bakit pangil at maskara ang ipinapakita ni Annabel Rama sa GMA network lalong-lalo na kay Wilma Galvante na minumura-mura lang niya. Masyadong lumaki at umakyat na sa ulo ni Bisaya ang confidence. Iniisip niya siguro na sila ang bumuhay sa GMA network dahil sa anak niyang si Richard Gutierrez.

Nagkataon kasi na noong magsimulang sumikat ang GMA si Richard at Angel Locsin ang top actors nila. Di ba, usap-usapan noon na inoperan ng Dos si Richard bago at after Mulawin na lumipat sa kanila at "name your prize" ang alok? Since Richard was (yes, that's past tense) the prime actor of GMA then, posibleng ginawa lahat ni Wilma bilang presidente ng entertainment division para manatili lang si Richard sa Kapuso. Posibleng nagmakaawa pa si Wilma kay Bisaya.

Hindi nga natuloy si Richard sa Dos at ang kabayaran nito ay lahat ng hilingin ng kampo niya ay dapat ibigay sa kanya katulad ng klase ng palabas niya, anong timeslot, hanggang anong oras ng taping and talent fee. Malinaw na lahat ng hilingin nila noon sa GMA ay ibinibigay.

Dahil siguro dito ay lumaki ang ulo ni Bisaya at nakatatak sa isip niya na kahit anong sabihin niya ay ibibigay sa kanya. Since feeling niya na hawak niya ang tagumpay ng GMA, dapat masunod ang lahat ng gustuhin niya kaya ganun na lang ang trato niya kay Wilma. Kaya ganun na lang siya magmura dahil akala niya she is the Goddess of Philippine TV. Hahaha. Maisingit lang ang search namin. Bumoto kayo araw-araw ha.

This I have to say to Annabel, unsolicited advice from nobody lamang po. Hindi na katulad ang panahon ngayon sa panahon noon. You have to wake up in your bad dreams that Richard is still the greatest asset of GMA. Palaos na po si Richard. Masakit man aminin para sa inang katulad niyo pero iyan ang unti-unti nangyayari. Kumbaga, he has already reached the zenith of his career and there's no more way to move on but to go down. Nasa stage na po si Richard na bumababa. And do you know who caused him all these? It's sad to say but it's the mother and that is YOU. Dahil sa bad attitude mong ipinakita mo sa publiko at sa sobrang aggresiveness mo, pinalayo mo ang damdamin ng manonood para kay Richard. If you don't stop now, you will realize it is too late when the iron is too hot to handle. That's why while the kitchen is not yet too hot, get out and take a deep breath outside.

Payo lang iyan ng isang estrangherong gusto lang mapanumbalik ang kasikatan ni Richard dahil sayang siya. Gwapo pa naman niya. Just take a look at our poll at the second column of our blog. We ask who the people think the hottest actor is. Richard is near the bottom of the totem pole. Kaya, Annabel, you need to open your eyes and get out of your world of fantasies.

Pero nagbabalak daw si Annabel na magkaroon ng press conference at meron daw siyang pasasabugin bomba. I could only wish that doesn't mean literally. Hehehe. Sasagutin daw niya lahat ang mga isyu sa kanya.

I have to tell you this again. If the press loves you, the people don't. I guess 95% of all messages about you in almost all internet forums contains negative reactions from the public. Kaya suicidal ang gagawin mo sa press conference mo. That could be the end of everything for you. Have you not learned from Cristy Fermin when she thought she could ruin Nadia Montenegro's life by fabricating stories on national television? Posible pong mangyari rin sa iyo iyan.

Well, to close this, I wish you luck.

Eto na yata ang pinakamahaba kong isinulat. Nagulat din ako sa haba niya. I would love to get your comments my dear readers on this post. Leave them here and I try also to learn from them. Thanks.

READ MORE >>

Re-introducing the Third Batch for the Search of the Goddess of Philippine TV

Hi everyone. Our second week of elimination for our search for the Goddess of Philippine TV is closing two days from now. That is on Saturday at exactly 11:59 almost midnight. The date is 27 February 2009. Thus, as early as now, we are re-introducing the third batch of another young and beautiful female young stars we have in the entertainment industry. Of these 20 artists, 10 are Kapusos and the other 10 are Kapamilyas.

Friends, this new set of 20 artists are asking your support, prayers and votes once again as they are vying for the sole title of the Goddess of Philippine TV. Their popularity and charisma are being tested for a week as they try to win your votes. So, if you like them, don't hesitate to cast your vote here in our site everytime you wish. You can find the poll at the third column or at the right side of this page.

 

The 10 Kapuso in no particular order are Heart Evangelista, Jennylyn Mercado, Kris Bernal, Glaiza de Castro, Rochelle Pangilinan, Camille Pratts, Rich Asuncion, Michelle Madrigal, Maureen Larazabal and Alyssa Alano.

On the other hand, the 10 Kapamilya in random are Angelica Panganiban, Bea Alonzo, Carla Humphries, Riza Santos, Jodi Santamaria, Maegan Young, Erich Gonzales, Maja Salvador, Sacy Aguila and Janelle Quintana.

The lucky young stars who will make to the Top 10 after a week move on with the competition. They will be included in the Top 50. While those young stars who will fail to advance to the highest 10 spots will be eliminated and it would be the end of the road for them.

Their luck is absolutely in your hands. Don't be shy to click your votes. Don't be shy to visit our site. Speak up your mind.

We are re-introducing them as early as now so that you will have enough time to campaign for them. By 12 midnight of 28 January 2009, you can start voting for them. Mark your calendars now.

Just to add this, the supporters of those artists who survived our first week of elimination and those artists who are waiting for their scheduled face off, you can vote them here. The result of this SEPARATE POLL will come into play during the Final 10.

We thank everyone who are religiously supporting our poll. We love you and we hope to hear comments from you guys. Let's enjoy this.

Salamat. Merci Beaucoup, Thank You, Gracias, Shokran, Arigato, Shokria.

READ MORE >>

GPTV UPDATES: Angel Locsin is Our New Leader

GPTV UPDATES: Tulad nga ng una naming inakala, naging number one na si Angel Locsin sa ating poll this week para sa Goddess of Philippine TV. May 87 votes (as of 4 pm of 25 February 2009 Philippine time) na lamang na siya sa dating number one na si Rhian Ramos na nasa pangalawang pwesto naman.

Mukhang na-challenge yata ang mga Angel fans at mga loyal viewers ng Kapamilya network dahil puro artista uli nila ang mga nagpakita ng tremendous improvements sa bilang ng mga boto.

Triple ang boto ng mga Kapamilya kumpara sa mga Kapuso ngayong araw na ito. Tatlong Kapamilya artists na ang pasok sa Top 10 pero kung patuloy naman na hindi kikibo ang mga Kapuso loyal viewers ay malamang mas dadami pa ang mga taga-Dos na makapasok sa Top 10 sa pagtatapos ng botohan para sa batch na ito.

Maganda rin ang ipinakitang suporta ng mga taga-hanga ni Toni Gonzaga dahil mula sa pangsampung puwesto ay umakyat siya sa panlima. Ganundin ang nangyari kay Rachelle Ann Go na nasa pampitong puwesto na pagkatapos nasa lowest 10 simula umpisa ng botohan.

Medyo dumarami na ang mga Kapamilya avid fans ang nagpapakita ng kanilang suporta sa mga artista nilang kasali sa search for the Goddess of Philippine TV pero parang kabaligtaran naman ito sa sitwasyon ng mga Kapuso. Mukhang hindi yata pwede magsabay ang dalawang pinakamalaking fan bases ng mga TV networks, huh. Kapag active yung isa dapat yung isa ay passive naman and vice versa yata ang drama. Nagtataka ako?

Para sa mga Kapuso artists, nalaglag na si Arci Munoz sa Top 10 at nanganganib ma-eliminate comes Saturday night. Ang pang-sampung position ni Iwa Moto ay delikado rin dahil malapit na rin itong maagaw ni Roxannae Guinoo.

Tandaan na meron na lang kayong 2 araw para bumoto sa batch na ito. Kaya kung gusto ninyo magpatuloy sa laban ang iyong paboritong artista kailangan mailagay ninyo sila sa Top 10 this week. Sa 11:59 pm ng Sabado (Philippine time) o 27 February, malalaman na natin kung sino ang mga sampung maswerteng aabante sa Top 50 at ang mga hindi papalarin.

Ang kumpletong listahan ay nasa second column ng ating blog o site. Ang last update para sa linggong ito ay bukas na lang. Kaya ipagpatuloy ang pagsuporta sa inyong mga artista.

READ MORE >>

Baron Geisler, Lasing na Sumipot sa Taping ng Midnight DJ

Talagang napakalaking problema para kay Baron Geisler ay ang pagkagumon sa alak. Dahil sa bisyo niyang ito ay muli na naman siyang laman ng mga blind items at mga tsismisan sa loob at labas ng showbiz. Siyempre, kasama na rin kami dyan.

Desperate case na yata ito dahil marami naman na daw paraan ang ginawa kay Baron para malunasan ang "sakit" niyang ito pero mas malakas daw talaga ang tawag ni Ginebra San Miguel. Pero kahit papaano ay happy na rin ako kung naiisip ko na buti na lang hindi siya sa prohibited drugs nalulong. Between two evils, may pipiliin ko na ang alak na less evil kaysa sa bawal na gamot.

Dumating na naman daw kasi si Baron na lasing sa shooting ng kanyang programa para sa TV5 o ang lumang ABC 5 na Midnight DJ. Hindi naman daw regular ang aktor dito kundi may guest role lang siya for some weeks. Ang role daw niya ay isang lasenggo nga raw.

Biruan nga raw sa set na sobra namang mag-internalize daw ang aktor sa kanyang role at talagang isinabuhay na rin niya. Magaling daw kung magaling na aktor si Baron dahil sa katunayan ay may Best Actor award naman na siya pero problema naman daw siyang kontrolin kapag lasing na at madalas naman daw siyang ganito na dumarating sa mga taping.

Dahil daw dito, ang balak ng TV5 na gawin siyang regular sa Midnight DJ ay mukhang hindi na itutuloy dahil sa pangyayari. Masyado raw naabala ang mga tao sa set ng show.

Naku, Baron, walang nangyayari sa buhay ng mga taong lulong sa alak. Walang makakatulong din sa iyo kundi sarili mo lang. Mahirap man umpisahan at pangatawanan pero kailangan mong lumaban. Baka mamaya huli na ang lahat kapag nasangkot ka na sa isang aksidente dahil sa sobrang kalasingan.

Bakit kaya hindi mo gayahin ang kapatid mo na si Donald na disiplina ang naging puhunan para makarating sa Olympics ng ilang beses at makipaglaban para sa ating bandila. Ano kaya kung sa iyo ihampas ni Donald ang mga powerful kicks niya? Matauhan ka kaya? Joke lang po iyon ha.

BLOGGER NOTE: Kung nagugustuhan ninyo or may ayaw kayo sa mga isinusulat namin, be kind enough to let us know them. Padalhan niyo lang po kami ng message gamit ang form sa baba ng blog namin but make sure to include your correct e-mail address para makapag-reply kami. Subscribe na rin kayo sa feeds namin para mabasa niyo na rin sa e-mails ninyo lahat ng mga pio-post niyo. Try it mga kaibigan at maraming salamat sa inyong lahat.

READ MORE >>

Boy Abunda vs Vicki Belo; Annabel Rama vs GMA 7

Maraming maiinit na isyu sa ngayon ang pinag-uusapan sa loob ng showbiz kaya sisikapin din namin na ihatid sa inyo ang mga developments nito kahit ang purpose lang namin noong una is to give our opinionated story on some issues. Since we are not really that busy these days kakayanin pa namin magsulat ng kahit anong isyu or kontrobersiya.

Lalong nangangamoy gimik lang ang isyu kina Boy Abunda at Vicki Belo para panoorin ang bagong show nina Boy at Kris Aquino na Showbiz News Ngayon. Mangiyak-iyak pa nga raw na sinagot ni Boy sa kanyang bagong programa ang itinuring na foul joke ni Vicki tungkol sa kanya bilang endorser ng Calayan Surgicentre.

Sabi daw ni Boy na "wala siyang ginagawang masama" kay Vicki para ganunin daw siya. Nasaktan daw siya dahil nagtatanong na rin daw ang kanyang nanay.

Nakakapagtaka lang na hindi na hinintay pa ni Boy ang Linggo para sa The Buzz sana siya magbigay ng reaksiyon. At hindi ganyan ang tunay na Boy ayon na rin sa kanyang interviews. Ilang beses ko sasabihin na nasa record na natin ang paulit-ulit na sinasabi ng host na hindi siya agad-agad pumapatol sa mga isyu laban sa kanya.

Sa sinabi na rin ni Boy sa sagot niya, matagal na niyang kaibigan si Vicki so bakit kailangan pa niyang sagutin ito sa SNN kung si Vicki ay nagtatawag naman pala sa mga common friends nila to explain na na-misunderstood lang siya sa kanyang biro.

At nakikisawsaw naman daw si Manny Calayan sa isyung ito sa pagbibigay ng kanyang panig o pagkampi sa kanilang endorser. Natural lang na gagawin mo kahit sino man sa kaibigan ang ginawa ni Manny pero sa puntong ito, naghintay muna dapat siya ng tamang oras kapag hindi na agresibo ang lahat na involved.

Aminin natin na lahat ng ito ay swak na swak na publicity para sa mga shows or businesses nila.

0-0-0

Sinagot na rin ng GMA 7 ang sulat at reklamo ni Heart Evangelista at ang kanyang manager sa pamamagitan ng kanilang mga lawyers. Na-established naman ng todo ng GMA legal team na walang basis ang dahilan nina Annabel Rama at Heart na tanggihan ang remake ng Muling Buksan ang Puso. Lalo tuloy nadidiin na ayaw lang ng manager ni Heart na sa panghapong teleserye ilagay ito.

Ayon sa sitsit, gusto raw ni Bisaya na primetime lang ang magiging show ni Heart at ipinaglalaban daw na ang dalaga ang gaganap na lead actress para sa remake ng GMA sa koreanovelang Full House.

Ang naging rason nila para tanggihan ang Muling Buksan ang Puso (MBAP) ay makakasira daw sa wholesome image ni Heart ang naturang soap. Ang sabi ng GMA, bakit daw nag-conclude agad sina Bisaya na makakasira sa image nito ang show kung wala pang script na nasisimulan? Alam daw ng GMA na hindi sila gagawa ng mga eksena na bastos dahil sumusunod sila sa guidelines ng MTRCB. Yung bedscene at halikan para MBAP ay nagawa na raw ni Heart sa Codename: Asero so ano ang dapat pang ipagbawal? At ang mga kissing at bedscenes na iyon sa Asero ay hindi naman daw nakasira sa image ni Heart dahil after Asero na tinangkilik ng manonood ay lalo pa siyang tinangkilik sa Luna Mystika. Kung naapektuhan daw ang image ni Heart dapat hindi na nag-rate ang show niya na Luna Mystika.

Tama nga naman ang Siyete tungkol dito. Maliwanag na nag-conclude agad si Bisaya. Ang galing talaga ng rebuttal ng abugado ng Siyete at sigurado sapok na sapok ang mukha ni Annabel dito. Ano pa kaya ang susunod niyang iimbentuhing rason?

Speaking of this, unti-unti na nga inililihis ni Bisaya ang isyu dahil kasama sa sagot nila sa GMA ay ang hinaing naman daw nila na hindi raw tinutupad ng GMA ang kasunduan nilang hanggang 3 am lang ng umaga pwede mag-taping si Heart at kailangan bayaran daw siya sa mga overtime na ito.

Ang tanong, bakit ngayon lang nagdadakdak itong si Bisaya eh noon pang kapanahunan ng Mulawin na soap opera ng anak niyang si Richard Gutierrez na alam niyang inaabot ng hanggang umaga ang mga taping ng mga soap operas. Nagreklamo ba siya noon sa anak niya? Si Heart pa kaya na alaga lang niya. At bakit ngayon lang siya nagsasalita ng ganito? Dahil ba sa wala na siyang ibang maisip na dahilan?

Annabel, you are playing dirty again by making some issues. It's like making a mountain out of a hill.

READ MORE >>

Geoff Eigenman, Balik Siyete; Only You ng Dos Kukunan sa South Korea?

Nagbabalik GMA 7 pala ang gwapo pero medyo chubby na anak nina Gina Alajar at Michael de Mesa na si Geoff Eigenman. Ang naalala kong last TV show nito ay sa ABS-CBN pa sa primetime soap na Hiram na kung saan siya ang naging ka-love triangle nina Anne Curtis at Heart Evangelista. Batid ko rin na kasama siya sa unang show ni Angel Locsin sa Dos, ang Lobo, pero hindi ko ito nasubaybayan dahil sa dami ng trabaho.

Pinag-usapan noon ang kanyang scenes sa Lobo kung saan nakasuot lamang siya ng trunks. Gwapo ang binata at kung magbawas pa siya ng mga unwanted fats ay hindi malayong maging isa siyang sex symbol.

Si Geoff ang papalit sa Obra na inayawan ng kampo ni JC de Vera. Magiging kasama siya dito nina Marvin Agustin, Maxene Magalona, Bianca King at iba pang talents ng Siyete.

0-0-0

Speaking of Heart Evangelista, ano kaya ang mangyayari sa bagong show ng Siyete na in-offer sa kanya pagkatapos tanggihan ang Muling Buksan ang Puso? Tatanggapin kaya ito ng manager niya dahil sa panghapong series pa rin ito katulad ng MBP. Matataandaan na isa sa dahilan ng kampo ni Heart kung bakit inayawan nila ang MBP ay dahil hindi ito pang-prime time. Ano kaya ang maging rason ulit nila kung sakaling ayaw talaga nila si Heart sa isang afternoon soap?

Si JC de Vera daw na kapatid ni Heart sa manager ang magiging ka-partner niya rito. Katulad ni Heart, parehas sila ni JC na tumanggi ng show sa mother studio nila. Parehas din sila na nasa sentro ng kontrobersiya sa ngayon dahil sa manager nilang si Annabel Rama na binansagan ni Wilma Galvante na foul mouth.

If I were these two artists, bago pa tuluyan maging nega ang pangalan ko sa mga manonood ay gagawin ko na ang show para hindi mapagbintangang gumigimik at nag-iinarte. Si Dennis Trillo nga na malayong mas sikat kaysa kay JC ay walang problema kapag panghapon o pang-gabi man ang kanyang palabas. Ganundin ang beauty ni Yasmin Kurdi.

Ang isang tunay na artista ay hindi namimili ng timeslot para sa show niya dahil kung lahat ng artista ay ganyan ang mentalidad, eh, paano na lang mabubuhay ang TV industry ng Pilipinas. Kung magaling ka at sikat, kahit saan ipadpad meron na meron fans na susubaybay sa iyo.

0-0-0

Since nabanggit na rin natin ang Lobo, ang susunod palang TV show ni Angel Locsin sa Dos ay ang Pinoy adaptation ng isang sikat na Koreanovela, ang Only You. Makakasama ng dalaga dito sina Sam Milby at Deither Ocampo.

Ang Only You ay ang nag-iisang Korea dram-comedy-romance show na kinunan sa Italy. Tungkol dito ito sa cooking. Kukunan din kaya ang Pinoy version nito somewhere outside the Philippines? Pupunta kaya sila ng Korea?

Ang Only You ang second Koreanovela na ginawan ng adaptation ng Dos after My Girl. Nagkaroon ng cast pictorial ito last 17 Febraury. Sa mga nakita kong mga pictures, si Diether ang una kong napansin. Ang gwapo-gwapo ng binata dito at mukhang siyang bumata. Ang annullment ng kasal nila ni Kristine Hermosa kaya ang dahilan nito?

READ MORE >>

2009 OSCAR Awards: Best Foreign Language Film is From Japan

Balitang Hollywood muna tayo mga kabarkada sa buong mundo. Hayaan ko muna kay Karl ang mga issues sa Pilipinas at sikapin ko naman kayong i-update sa mga pangyayari sa labas ng bansa.

Naidaos na noong 22 February ang Oscars at sa ngayon ay halos lahat tayo ay alam na natin na ang pelikulang Slumdog Millionaire ang siyang nagtamo ng may pinakamaraming awards. Walong awards ang nakuha nito mula sa 10 nominations.

Ang pelikula ay hindi Indian movie tulad ng pagkakaalam ng iba at kini-claim ng mga Indians. Itoý British film na ang setting ay sa India at ang mga main actors ay mga Indians. Itoý ay produced ni Christian Colson at directed by Danny Boyle, both are British men. Pero itoý halaw naman sa isang nobela ng isang Indian.

Alam ba ninyo na ang budget lang ng pelikulang ito ay halos US $15 million lang at ang kinita na nito ay umaabot na sa US $159,227? Napakalaki na ng kinita nito at siguradong tuwang-tuwa ang producer dahil tubong-lugaw nga naman siya. Napakaliit na budget ito kumpara sa budget ng mga pelikulang kasabayan niya.

Best Picture ang isa sa napanalunan ng Slumdog Millionaire pero wala ni isa sa mga actors nito ang nakakuha ng acting awards. Lahat ng awards nito ay sa production side lang.

Isa rin sa nanalo ng award that night ay ang Spanish actress na si Penelope Cruz bilang Best Performance by an Actress in a Supporting Role para sa pelikulang Vicky Cristina Barcelona. Pero marami ang tumaas ang kilay sa kanyang pagkakapanalo at kinukwestiyon ito sa ngayon ng mga ibang writers at movie aficionados.

Okuribito (Departures) 2009 OSCAR Best Foreign Language Film

At sa katergorya naman kung saan hindi pinalad mapasama ang Ploning ni Judy Ann Santos despite a massive effort from the actress herself, mula sa bansang Japan ang nanalo.

Marami ang nagulat nang maging Best Foreign Language Film of the Year ang Okuribito or Departures over the most favoured Waltz With Bashir ng bansang Israel. Mukhang year ito ha ng mga pelikulang may Asian touch or connection. Nakakalungkot nga lang dahil wala man lang ang Pilipinas, ang mahal nating bayan.

Bukod sa Departures at Waltz With Bashir, ang 3 pang pelikula na kasama sa Final 5 ng Best Foreigh Language Film category mula sa 67 entries (isa na rito ang Ploning), ay ang The Baader Meinhof Complex ng Germany, The Class ng France at ang Revanche ng Austria.

Kailan kaya tayo mabibigyan ng recognition mula Oscars. Sana naman ay makagawa na tayo ng isang pelikula na pwedeng ipagmalaki. Lagi natin sinasabi na magagaling tayong mga Pinoy sa paggawa ng pelikula at malikhain tayo sa mga kwento pero nasaan na ang ebidensiya? Patunayan natin ito dahil kailangan na kailangan natin.

READ MORE >>

GPTV UPDATES: Kapamilya Fans, mas Nagpakita ng Suporta Ngayon Araw na ito

GPTV UPDATES: Mahina pa rin ang suporta ng mga fans ng mga artistang kalahok sa second elimination ng ating search for Goddess of Philippine TV. As of this writing, hindi pa rin napapantayan ang record natin last week sa unang elimination. Sobrang solid ang mga supporters nina Laarni Lozada, Aicelle Santos, Marian Rivera at Jonalyn Viray - ang apat na nanguna - at talaga naman kahanga-hanga ang kanilang ipinakitang suporta.

Nangunguna pa rin si Rhian Ramos sa ating poll pero bumaba ang turn-out ng mga votes niya at kabilang na rin dito ang lahat ng mga Kapuso stars na nasa competition ngayong linggo.

Kung humina ang votes ng mga Kapuso fans, kabaligtaran naman ang nangyari sa Kapamilya dahil dumami ang kanilang votes kumpara sa mga nagdaang araw. Mas malaki ang naidagdag sa mga votes ng karamihan sa mga artista ng Dos pero hindi pa rin ito ganap para i-occupy nila ang top positions.

Sa lahat ng mga Kapamilya stars, sina Angel Locsin, Toni Gonzaga at Gee-Ann Abraham ang may pinakamaraming botong naidagdag.

Nailapit ni Angel ang kanyang boto sa boto ng mga tatlong GMA 7 stars na nasa Top 3. Lumiit ang gap nila at kung magpapatuloy na magpakita ang mga loyal Angel fans ay hindi imposibleng manguna si Angel sa poll na ito tulad ng una naming inakala. Pero among Kapamilya stars in this batch, si Angel pa rin ang pinakpopular so far.

Si Toni Gonzaga naman ay umakyat ng tatlong puwesto at naungusan niya ang ilang Kapuso stars na dating nasa unahan niya. Tulad ni Angel, kung patuloy itong suportang ito ng fans para sa dalaga, hindi rin imposibleng matapos ang botohan na ito na nasa Top 5 siya.

Sa kabilang banda, si Gee-Ann naman ay nananatili pa rin sa Lowest 10 kahit dumami ang votes niya kahapon. Hindi pa rin ligtas ang dalagang produkto ng Pinoy Big Brother sa elimination.

In general, kung walang malaking pagbabago sa mga votes sa loob ng 3 araw, nanganganib na mas marami na naman ang Kapamilya stars ang matatanggal. Baka dalawa lang sa kanila ang aabante sa Top 50 - sina Angel at Toni lamang na ironically ay parehas pang galing ng GMA 7.

Noong nakaraang linggo o elimination ng first batch, isang Kapamilya star lang ang nakapasok sa Top 10, ang nanguna sa botohan na si Laarni Lozada.

Pero meron pa tayong 3 araw na natitira para sa second elimination na ito. Magtatapos ang botohan sa 27 February sa ganap na 11:59 ng gabi.

Patuloy pa rin natin suportahan ang mga artista natin at hwag silang kalimutan iboto. Kung hindi sila makakapasok sa Top 10 ay balewala ang mga botong nakuha nila sa Mister Poll.

READ MORE >>

Boy Abunda, Nagalit sa Masamang Biro ni Vicki Belo

Nagalit daw si Boy Abunda sa biro sa kanya ng kontrobersyal na doktora na si Vicki Belo.

Noong nakaraang Linggo sa Showbiz Central ng Siyete habang kapanayam ni Mo Twister ang doktora, naglitanya ito na "kung gusto niyo maging kamukha si Boy Abunda, pumunta kayo sa Calayan pero kung gusto niyo maging kamukha ni Dingdong Dantes, pumunta kayo ng Belo Clinic."

Si Boy Abunda ang main endorser ng Calayan Surgicentre at si Dingdong naman sa Belo. Magkalaban na beauty clinics ang dalawa at sila ay nagpapaligsahan sa pagkuha ng mga artista natin sa ngayon na sikat upang maging endorser ng kanilang mga clinics.

Nilinaw ni Vicki Belo na biro niya lamang iyon pero nasaktan nga raw si Boy. Nakakasakit talaga ang biro na ganito lalo na at personal na kaanyuan ang tinutukoy pero knowing Boy na hindi agad-agad pumapatol sa mga intriga sa kanya, nakakapagduda ang kanyang motibo.

Ilang beses na ba nabanggit ni Boy na hindi siya marunong masaktan, madaling magpatawad at ayaw ng kagalit sa kanyang mga interviews? Pero bakit para yatang lalong ginagatungan itong isyung ito kung hindi naman pala big deal kay Boy?

Iba ang naiisip namin. Maganda nga namang promotion ito sa bagong show nina Boy at Kris Aquino na Showbiz News Ngayon. Hindi ba't sinabi ni Kris na isa sa reason niya para makipagbati kay Vicki Belo at ma-interview ito ay para mapataas ang rating ng show nila?

Hindi kaya ginagatungan din lang ang isyung ito para lalo na rin mapag-usapan o abangan sa SNN kung ano ang magiging sagot ni Boy? There's something fishy here.

Pero aminado rin ako na naging taklesa si Vicki tungkol sa birong ito. Kung iisipin mo kasi parang sinasabi ng doktor na pangit si Boy. Hindi kasi magandang biro o gawing katatawanan ang personal na kaanyuan ng isang tao. Although naiintindihan ko na biro lang ito, mas mabuti na lang kung hindi ito ginawa on national television kundi sa umpukan na lang ng mga magkakaibigan.

Hati ngayon ang mga artista natin tungkol sa kanilang nararamdaman at pati na rin ang mga tagapanood. May nagagalit kay Vicki at meron naman nagsasabing wala namang masama sa bagay na ito dahil endorser nga naman daw si Boy ng Calayan. Kung ipapakita daw ni Boy na galit siya sa birong ito ay parang sinabi na raw niya na mas magaling nga ang Belo Clinic. Dapat daw ay panindigan ni Boy ang kanyang pagiging main endorser at ipangalandakang "Sige, kung gusto niyo maging kamukha kayo, lahat pumunta na ng Calayan dahil talagang gaganda kayo katulad ko!" O di ba, ang taray na comment iyan mula sa isang taong sumusubaybay din sa isyung ito?

For sure, may aral din dito na napulot ng mga taong kasangkot lalo na ang Calayan Surgicentre.

Ang tanong magiging malaki nga bang isyu ito o agad din mamamatay? I doubt kung iingay nga ito.

READ MORE >>

Tinanggihan nga ba ni JC de Vera ang Soap na Rosalinda?

Ang sikat na Mexican soap opera na Rosalinda ay siya sanang gagawin nina JC de Vera at Rhian Ramos bilang follow-up sa successful nilang La Lola. Pero hindi ito natuloy at napunta na nga sa baguhang si Carla Abellana ang soap na ito.

Marami ang nagtataka kung bakit tinanggihan nina JC at Rhian ang naturang palabas dahil sigurado namang sure hit ito kapag ipalabas na dahil sabik siyempre ang mga manonood na makita ang telenobelang ito in its Pinoy adaptation.

Ang siste kagagawan na naman daw ito ni Annabel Rama na siya ring manager ni JC. Malakas ang bulung-bulungan na ayaw masapawan ni JC ang kasikatan ng anak niyang si Richard Gutierrez. Kung itatanong niyo sa akin kung paano nangyari ito dahil alaga rin naman ni Bisaya si JC, ang masasabi ko lang ay blood is thicker than water.

Dahil nga sure hit na ang Rosalinda sa mga manonood baka lalo na raw bubulusok ang kasikatan ni Richard dahil maaaring mas marami na ang kikiligin kay JC once na mapanood ito sa Rosalinda.

Ang batayan daw ni Bisaya sa kanyang kinatatakutan na ito ay ang pansamantalang pagkatalo ng soap ni Richard na Codename: Asero ng La Lola. Matatandaan na noong malapit nang magtapos ang Asero at nagsisimula naman ang La Lola, nauungusan ng huli ang una. Isa itong indikasyon na mas sumisikat na nga si JC.

Kaya bilang isang nanay na gustong protektahan ang interes ng anak kahit sa anong paraan, ito'y inayawan ng manager ni JC at naghintay sila ng iba pang projects.

Ayon naman sa sitsit ng iba pang mga kaibigan, desidido daw kasi na ipahiram ni Bisaya si JC para kay Judy Ann Santos sa bago nitong teleserye sa Dos kaya nagkaroon siya ng dahilan para hindi tanggapin itong project na ito.

Gustong-gusto raw ni JC na gawin ang Rosalinda pero dahil takot daw siya sa kanyang manager wala siyang magagawa. Kaya wala daw karapatan si Bisaya na magtampo sa Siyete dahil kahit na raw magtatapos na ang kontrata ng binata sa Kapuso network sa 15 March ay hindi pa rin siya pinababayaan.

READ MORE >>

GPTV Updates: Rhian Ramos Nangunguna

Mahina ang suporta sa mga female artists natin na naglalaban-laban para sa second elimination ng search for our Goddess of Philippine TV kumpara last week o noong first elimination.

As of 3 pm kahapon (22 February 2009) nakatanggap lang kami ng 981 votes at 1927 pageviews para sa poll natin sa second elimination alone. Hindi kasama dito yung poll natin sa Mister Poll. Ang figures na ito ay wala pa sa kalahati ng natanggap nating result for last week sa ganito rin time frame.

Si Angel Locsin ang inaasahan naming mangunguna dito pero tinatalo siya ni Rhian Ramos. Para sa amin, nakakapagtaka ito dahil isa si Rhian sa hindi tinatantanan ng mga bad publicities dati at mga hate messages pero mukhang nalampasan na yata ito ng dalaga simula nang magbida sa La Lola. Sa kasalukuyan si Rhian ang leading sa lahat ng 20 female young stars natin na kasali sa poll.

Sa ngayon, muling nagpapakita ng pagiging solid ng mga Kapuso fans dahil walo sa Top 10 ay puro Kapuso stars. Ang tanging Kapamilya stars na nasa Top 10 ay sina Angel Locsin at Toni Gonzaga. Nakakatuwa pa dahil sina Angel at Toni ay nakilala sa Channel 7 na lumipat ng bakod.

Ang tanging dalawang Kapuso stars na wala sa Top 10 ay sina Arci Munoz at Karel Marquez.

Kung magpapatuloy ang trend na ito at hindi magpakita ng solid votes ang mga Kapamilya fans tulad ng ipinakita ng mag Laarnians, posibleng majority of the Kapamilya stars ay mae-eliminate muli sa second face off.

Pero malayo pa naman ang araw bago magsara itong poll natin for this week. Inaasahan namin na magpakita rin ng concern ang mga loyal Kapamilya fans at iboto ang kanilang mga talents.

READ MORE >>

Heart Evangelista, Nag-iinarte

Nasa gitna ngayon ng kontrobersiya si Heart Evangelista dahil na rin sa kanyang manager na may masamang ugali, si Annabel Rama. Tinanggihan nila ang isang panghapong soap opera in the last minute kung kailan naayos na ang casting. Ito ay ang remake ng Muling Buksan ang Puso.

Annabel pulled her out in that project for some reasons. Una, ay makakasira daw sa wholesome image ni Heart ang gumanap bilang nanay o manganganak sa soap. Pangalawa, bawal daw sa kontrata ni Heart para sa isang advertisement nito ang role na gagampanan. Pangatlo, ayaw ni Annabel na ilagay si Heart sa isang panghapong show dahil nasa primetime na nga raw ang Luna Mystica na kasalukuyang show ni Heart.

Kung tutuusin, napakabago ni Heart sa GMA 7 para mag-inarte. Talo pa niya ang mga homegrown talents na walang projects pero heto siya na nagmamaasim considering na binuhay ng GMA ang kanyang naghihingalong career pagkatapos maging matigas ang kanyang ulo sa ABS-CBN kung saan siya galing.

Hindi ko lang maintindihan ang kanyang rason na makakasira ang show sa kanyang wholesome image dahil nagawa na niya ito lalo na noong makipag-live in siya kay Jericho Rosales. Ano pa ba ang gusto niya patunayan?

Kung inyong natatandaan, nagkaroon ng issue si Heart noon sa ABS-CBN kung kaya't nawalan siya ng projects sa Kapamilya. Dumami ang kanyang mga requests and demands katulad ng bawal pagsusuot ng mga damit na kita ang kanyang cleavage or mga kissing scenes. Ngayon ba ay gagawin uli niya ito sa bago niyang tahanan na kumupkop sa kanya?

Pero naniniwala ako na kagagawan lahat ng ito ni Annabel pero hindi natin maiiwasang mag-back fire ito kay Heart lalo na at ganun ang mga nakasaad na rason nila. Masyado nagpo-power trip si Bisaya dahil ang akala niya ay mga alaga niya ang nagdadala sa GMA. Dapat nga magpasalamat siya dahil halos lahat na yata ng alaga niya ay may show dito. Paano na lang kung tuloy-tuloy na ang pagkamuhi ng mga loyal sa GMA at tuluyan nang i-boycott ang mga show ng mga anak niya at mga alaga?

READ MORE >>

Marvin Agustin, Paborito ng Siyete; Kulang ang GMA 7 ng Diskarte to Push Their Homegrown Talents

Marami na ang mga nagtatanong o nagtataka sa bagiging bankable ni Marvin Agustin sa Siyete simula ng siya ay lumipat ng istasyon mula Dos. Isa sa ipinagtataka ng mga kasamahan niya sa bago niyang tahanan ay hindi siya nababakante ng mga projects simula nang lumipat siya. Kapag nagtapos ang isa ay meron na namang susunod. Kaya tuloy nagtatanong na ang mga iba pang Kapuso talents kung gaano ba siya kalakas sa management. Kaso nga lang ay wala pa ni isang nag-o-open up sa kasong ito sa mga executives.

Oo nga naman, kahit siguro ako ay magtataka rin lalo na kung ako ay home grown talent. Tila mas pinapaboran pa ng network ang mga artistang lumipat lang sa kanila or yung mga artistang hindi hawak ng GMA Artist Centre. Just take the case of Heart Evangelista, JC de Vera, Jennylyn Mercado (kahit nagsimula siya sa Starstruck ay hawak pa rin siya ni Becky Aguila), Paolo Contis, Alfred Vargas, Dennis Trillo, etc.

Paano naman ang mga loyal sa GMA na meron naman potensiyal like Aljur Abrenica, Kris Bernal, Jewel Mische, Paulo Avelino, Steff Prescott, etc?

Sa aking palagay, ito ang magiging problema ng Channel 7 kung hindi nila ito mapapansin. Sige sila sa pagbi-build up ng talent pero kapag sumikat naman ay nagkakaroon na ng demands o di kaya lumilipat sa kabila. Hindi lang iyan, problema rin nila ang mga managers ng mga artistang ito lalo na kung may masamang pag-uugali katulad ni Annabel Rama. Ano ba ang ibinigay din sa kanila ni Becky Aguila dati?

It's high time for GMA to wake up na kulang sila sa strategy or planning ba to build up their own talents. Ang focus sana nila is how to market those talents whose contract is with GMAAC. Sumisikat ang batang si Gino dela Pena so I guess GMA has to tap that opportunity. Habang maaga ay isama si Gino sa mga soap operas ninyo at bigyan ng markadong papel. Then tuloy-tuloy na iyang mapapansin. Gino is just one of the many examples na pwede kong sabihin.

Sa kabilang banda naman, isa ito sa mga bagay na maganda sa ABS-CBN. They try to test the popularity ng mga bini-build up nilang artista at kapag nakitaan ng magandang feedback ay lalo nila binibigyan ng magandang projects. Take the case of Kim Chiu and Gerald Anderson.

Isa pa, they try to defend their actors sa mga negative publicities nila. Nakita niyo ba kung paano nila dinepensahan sina Piolo Pascual and Sam Milby against their gay issues?

Noong si Marian Rivera ang nasa gitna ng black propaganda mukhang nagkulang ang pagtatanggol dito ng GMA. Late na sila ng kausapin si Lolit Solis na maging publicist ng dalaga. Naapektuhan na ng mga bad publicities ang pinaka-popular nilang batang actress.

Mukhang nalayo tayo ng husto sa usapin nating si Marvin Agustin. Pero okay lang iyon dahil itong blog naman natin is more on our opinions sa mga bagay-bagay sa showbiz.

READ MORE >>

Angel Locsin, Unti-unti nang Nakakabangon

Maraming salamat muna sa isang fan na nagpadala ng pictures ni Angel Locsin sa amin.

Angel is undeniably one of our female young actresses who has the most beautiful faces. Her edge on the other equally beautiful personalities is her Filipina looks amidst a sea of mestizas.

Gandang-ganda ako kay Angel lalo na sa kayumanggi niyang kulay. Hindi rin nagpapahuli ang kanyang figures dahil isa siya sa may pinaka-sexy na katawan.

Bagay sa isang telenobela ang buhay ng dalaga. Makulay ang naging simula niya sa GMA 7 kung saan siya nagsimula at nakilala pero sa gitna ng kanyang kasikatan, isang pagkakamali ang nagbigay sa kanya ng pinakamalungkot na parte ng kanyang buhay bilang isang artista. Dito siya natuto ng leksiyon at kung paano lumaban sa mga pagsubok.

Angel will always be remembered as the popular young actress who mutinied and joined the opposing force. Ang tinutukoy ko ay bago niyang tahanan sa ABS-CBN.

Nasa kasikatan noon si Angel sa Kapuso bilang pinakasikat ng talent nila. Kaliwa't kanan ang kanyang trabaho bagay na kinainggitan ng marami. Isa siya sa inalagaan ng husto ng Kapuso network pero dahil sa isyu ng pera ay nagdesisyon sila ng kanyang manager na tumawid ng ibang bakod.

Sa pangyayaring iyon bumagsak ang career ni Angel. Aminin man natin o hindi, napunta sa bingit na kamatayan ang career niya dahil sa naging hakbang nila ng kanyang manager. Hindi maayos ang kanilang pagpapaalam and they burned bridges.

Pero natutuwa kami na ngayon ay unti-unti nang nakakabangon ang dalaga. Ang tibay ng loob niya ang kanyang naging sandata sa lahat ng pagsubok na ito. Inaasam namin na sana nga ay tuluyan na niyang mabawi ang lumamlam na career dahil isa siya sa magandang pangyayari sa history ng Philippine TV.

Kung naging honest sana si Angel sa Kapuso executives tungkol sa plano nilang paglipat, the negative effect on her career could have been lesser pero meron din nagawang mabuti ito sa dalaga dahil natutunan niyang maging matatag. The experience humbled her and it made her stronger.

Hindi rin natin maikakaila na ang nangyaring ito kay Angel ay naging aral sa lahat ng artista na lumilipat ng istasyon. Simula nangyari ito, most of the actors who jumped fences made the right move by not burning bridges. Tama ba ako dito Ara Mina, Angelika dela Cruz, , etc.?

Sabi nga sa kasabihan sa ating wika, matuto tayong lumingon sa ating pinanggalingan. Tama lang  ito dahil maliit lang ang mundo. Hangad namin na makatrabaho pa rin si Angel sa Siyete kung sakali man darating ang panahon na pilihin niyang maging isang freelancer o di kaya hindi na siya pwede itali sa iisang network lamang.

Isa pala si Angel sa 20 artistang babae na feature natin ngayon sa ating search for the Goddess of Philippine TV. Meron kayong tsansang iboto siya hanggang 27 February. Kung palarin siya makapasok sa Top 10 this week sa second elimination, she will move on to Top 50. pero kung hindi naman ay mae-eliminate siya. Sad to say na mahina ang boto para kay Angel kahit siya ang inaasahan naming manguna ngayon linggo. Nasa third column lamang  blog namin ang botohan and after that hanapin niyo sa Menu Tab ang Vote for GPTV. Bumoto rin kayo doon sa Mister Poll namin kung gusto ninyo ang dalaga.

READ MORE >>

Nagtapos din ang Pinoy Fear Factor

Nagtapos na rin ang palabas na Pinoy Fear Factor pagkatapos itong "piliting" maipalabas sa loob ng halos tatlong buwan at kalahati. Bakit ko binanggit ang salitang "pilitin"? Kasi naman, halatang pinahaba talaga ito at binitin-bitin ang mga manonood magtagal lamang ito ng one season o katumbas ng tatlong buwan. Kung tutuusin ay pwede mapanood lang ng isang buwan ang naturang reality show kung tatanggalin ang mga unnecessary spiels and footage na isinaksak nila sa show.

Hindi lang ang paulit-ulit na spiels ng host na si Ryan Agoncillo ang nakakairita kundi ang advertisement pa bawat linggo tungkol sa mga ordinaryong tao na hinahamon din sa isang nakakadiring task. Ito yung hosted by the those eliminated contestants. Isama mo na rin iyan yung mga interview sa mga tao ng kung anu-anong katanungan.

Naiba na talaga ang concept ng Fear Factor version na ito kumpara sa original na show. Masyado madaldal kumbaga ang Pinoy Fear Factor. Yung 30-45 minutes nitong show araw-araw ay kasya lang sa loob ng limang minuto kung ito ay edited ng maayos. Masyadong ginawang commercialized.

Sigurado hindi nalugi ang Kapamilya sa mga advertisement na pumasok dahil sa tagal nito sa ere kahit nagmukha na itong cheap.

Siya nga pala, hindi totoo yung naisulat ko dito na si Janna Dominguez ang nanalo. Siya ang tinanghal na runner up ni Jommy Teotico, isang model at kinainisan ng mga babae noong nagsisimula sila sa Argentina dahil sa pagiging alaskador nito at pagiging matabil. Isang publicity lang pala iyon.

Ano kaya ang masasabi ni Phoemela Baranda na halatang kinamuhian ang binata dahil ang tingin niya dito ay isang maingay na tao pero wala naman napapatunayan? Kumbaga ay isang latang maingay sa labas dahil wala namang laman.

Ngayong si Jommy nga ang nanalo, nagbago kaya ang pananaw ni Phoemela na dating pinaka-in demand na female model some 5 years ago?

Kumusta na rin kaya iyong kumakalat na petisyon dati to stop this show dahil sa hindi makatarungang pagtrato sa mga hayop na ginamit sa show? Batid ko na marami ang nagalit dahil binalatan nila yung mga daga at iba pang hayop para lang ipakain sa mga contestants. Isa iyan noon sa mga punto ng mga animal rights groups na ginamit para makalikom ng boto around the world to stop Pinoy Fear Factor. Ang tanong, meron pa kaya itong Season 2?

Pero in fairness sa show, maganda naman ito kung naging fast-faced lang katulad noon sa US version nito. At hanga ako kay Ryan Agoncillo sa galing niyang mag-host. Mukhang natural siya sa kanyang hosting style dito although medyo nangapa pa siya noong una. Ayaw ko lang yung naging treatment nila sa mga animals at ang mga alyas ng bawat contestant na ginawa nilang publicity like Supermanuel or El Gato de Parola, etc.

READ MORE >>