Richard Gutierrez, Naniniwalang May Malaking Tao na Gusto Siyang Pabagsakin

Balikan natin ang mga gulong kinasaasangkutan ng Gutierrez family lalo na ang demanda ni Richard Gutierrez sa website na PEP.

Gumana muli ang katabilan ng aming Pusang Gala dahil mayroon daw siyang naulinigan mula sa mga pag-uusap ng ilang malalaking pangalan sa Philippine showbiz.

Kaya pala daw sobra na lang ang pagpupursige ni Richard at suportado pa siya ng kanyang buong pamilya na mai-demanda ang PEP dahil malakas ang kutob nila lalo ng kanyang ina na si Annabel Rama na may isang malaki tao na nasa likod ng pagkaka-ulat na nagkaroon ng away at tutukan ng baril ni Richard sa dating TGIS hottie na si Michael Flores.

Isang grupo daw ang gustong mai-bagsak ang career ng binata ayon sa aming Pusang Gala at alam ba ninyo kung sino ang malakas na pinagdududahan ng mga Gutierrez? No other than .....Wilma Galvante. Yes it's Wilma daw na kaaway naman ni Annabel.

Ang gusto lang daw malaman ng mga Gutierrezes ay ang malaman ang pagkatao ng dalawang  taong source ng PEP na nagbalita sa kanila tungkol sa away umano. Iyon daw ang ikinagagalit nila dahil naniniwala sila na may taong nag-utos sa kanila para gawin ito laban sa binata.

Ang head nga raw ng GMA Entertainment section ang pinagdududahan nila sa ngayon at malakas daw ang kanilang pakiramdam.

Pero sa aming pananaw, mukhang malabo itong sapantahang ito dahil kung gagawin nga naman ni Wilma, siguradong siya ang magiging primary suspect dahil ongoing din ang away niya kay Annabel. Siguradong alam niyang madidiin siya dito kaya wala siguro itong katotohanan.

At hindi lang iyan, si Wilma rin ang nakipaglaban na makuha ang rights ng Zorro, pagkatapos manganib ito na hindi na maipalabas pa sa Pinas dahil sa dami ng problema noon, mabigyan lamang ng magandang palabas itong si Richard.

Pero baka nga totoo rin. O, sige abangan natin kung mabubunyag ba ito sa paglipas ng araw.

READ MORE >>

Kinakalaban ni Richard Gutierrez ang Siete

Kalat na ang nangyaring pagsampa ni Richard Gutierrez ng kasong libelo sa mga staff ng PEP na ayon sa kanya ay sumisira sa reputasyon niyang matagal na niyang inaalagaan. Tumataginting na 25 milyon pesos ang hinihinging damages sa korte. Ang mga kasama sa demanda ay sina editor-in-chief na si Jo-Ann Maglipon, managing editor na si Karen Pagsolingan at ang writer na nagsulat ng balita na si Ferdinand Godinez.

Sari-saring reaction ng publiko ang natanggap namin dahil sa laki ng kabayaran na hinihingi ni Richard. It's a common notion kasi na masasalamin ang pagpapahalaga o tingin ng isang nagdedemanda sa kanyang sarili sa halaga ng perang hinihingi sa kinasuhan.

OA, as in over-acting, at over-kill daw masyadong itong si Richard, ayon sa isang kaibigan. Masyado mataas ang tingin sa sarili dahil dalawang oras lang naman daw ang itinagal ng write up sa website ng PEP. Isa pa ay nag-apologize naman ang EIC na si Jo-Ann at nakalagay ito sa PEP mismo ng halos dalawang linggo. Hindi lang iyan, nagpatawag pa ng press conference si Jo-Ann para humingi ng paumanhin. Ayon pa sa kanya, sakali man na manalo si Richard, siguradong hindi raw ibibigay ng korte ang halagang hinihingi kundi bababaan pa ito.

Iba naman ang pananaw ng isa naming nakausap, business is business still for the Gutierrez family daw. Sa panahon ng krisis, napakagandang paraan nga raw para pagkakitaan ang demandang ito. Kung payagan nga naman ng korte na magbayad ang PEP ng 25 M kung sakaling matalo sila, Richard will be laughing his ass to the bank. Dagdag pa niya na kailangan daw malaki ang hingin ng aktor para kung sakaling matalo ang kanyang inang si Annabel Rama sa 7 million suit ni Wilma Galvante, meron sila pambayad and at the same time ay may kita pa rin. Idinahilan ng aking kausap na valid ang kanyang iniisip dahil nagpasabi raw ang Gutierrez family na sarado sila sa amicable settlement.

Karapatan ni Richard ang magdemanda kung sa tingin niya ay imbento ang nasulat tungkol sa kanya pero naniniwala rin kami dito sa Siete Contra Dos na OA ang amount na hinihingi sa korte. Hindi naman apektado ang endorsements ni Richard at mga shows niya dahil nag-apologize naman agad ang PEP.

Naiintindihan din namin ang side ng PEP na hindi sila agad-agad pwedeng mag-retract tulad ng gustong mangyari ng mga Gutierrezes dahil meron silang dalawang sources. Ayon kay Jo-Ann, kailangan nilang imbestigahan muna ang mga sources nila at ang pangyayari. Kapag napatunayan nilang wala ngang naganap na engkuwentro doon lang sila pwede mag-retract. Malinaw iyan.

Pero alam ba ninyo na dahil sa pagsasampa ni Richard ng demandang ito, mismong bread and butter niya ang kanyang kinakalaban. Tama, kinakalaban ni Richard ang kumpanyang pinagkukuhanan niya ng pera. Ang PEP kasi ay pagmamay-ari rin ng GMA Network kung saan talent ang binata. Co-owner ang istasyon kasama ang Summit Publishing Company.

Like mother, like son. Totoo na naman ang matagal ng kasabihang ito. Habang abala si Annabel sa pang-aaway sa lady boss ng GMA, inumpisahan na rin ni Richard ang laban sa PEP. Saan ito hahantong?

READ MORE >>

Sino kina Ruffa Gutierrez at Annabel Rama ang nagsisinungaling?

Marami ang tumaas ang kilay, nagsilaglagan sa kanilang kinauupuan at baka marami rin na pustisong nagliparan sa naging pahayag ni Annabel Rama tungkol sa kanyang anak na si Richard Gutierrez kaugnay sa isyung pagkakasulat ng popular na showbiz website na PEP tungkol sa away diumano ng bida ng Zorro at ni Michael Flores.

Sinabi ni Rama na ang kanyang anak daw ang number one na artista natin sa ngayon. Sabi pa niya na hindi raw siya nagmamayabang at saka sinundutan na marami daw pelikula at commercial endorsements ang anak. Sikat daw siya. (Hindi nga raw siya nagmamayabang, eh)

Napalunok na lang ako nang ito ay aking mabalitaan. Ano kaya ang masasabi ng mga akala kong number one na sina Sarah Geronimo, John Lloyd Cruz, Dingdong Dantes, Piolo Pascual, Judy Ann Santos, Marian Rivera, Sharon Cuneta at ilan pa?

Ito ay patunay na malaki talaga ang tingin ni Rama sa kanyang sarili at sa anak kaya kung umasta ay sila ang Diyos. Magising ka, Maruja, este Annabel Rama.

Marami ang umaayon na sobra na ang pagiging overacting nitong si Bisaya sa kabila ng naging public apology ng PEP. Nakikita niyo na ba kung ano ang tingin ni Bisaya sa sarili? Noong tinitira-tira niya at inaakusahan si Wilma Galvante ng kung anu-anong kasinungalingan, lagi niya sinasabi na siya ang  tama. Ngayon na ang panig naman niya ang tinira (Hindi ko sinasabi na nag-imbento ang PEP ng istorya dahil may mga witness naman pala sila.) - ngayon na nararamdaman ng pamilya Gutierrez ang ipinaramdam nila kay Wilma at sa pamilya Galvante - sinasabi pa rin ni Bisaya na sila ang tama.

Huh, double standard na iyan ha!

Siguro napapansin ninyo na lagi akong hindi naniniwala kay Bisaya? Bakit hindi? Sa bawat isyu kinakasangkutan niya kasi ay lagi akong may nakikitang loopholes sa mga salaysay niya.

Suriin natin ang isang punto ng isyung ito :

AYON KAY BISAYA: Sinabi ni Annabel sa naging reaksiyon niya sa press conference ng PEP, na tinawagan daw niya si Richard nang mabalitaan ang na-post na article. Bago raw niya tinawagan si Jo-Ann ay si Richard muna ang kanyang kinuntak at inaway-away ayon sa sarili niyang salita. Nagulat daw si Richard at itinanong kung ano raw ba iyon. "Ano bang kwento iyan," tanong daw ni Richard.

"Basahin mo sa internet," sagot daw ni Bisaya. At nang mabasa nga raw ni Richard ay galit na galit daw ito habang nagda-dialougue ng, "Mommy, sobra na iyan. Sobra na iyan!"  - Source

CONCLUSION: Si Annabel ang unang nakaalam tungkol sa paglabas ng article sa PEP at siya ang tumawag sa pansin ni Richard.

AYON KAY JO-ANN MAGLIPON: Nakatanggap daw siya ng tawag mula kay Annabel Rama tungkol nga sa nasabing artikulo na noong una ay walang kaalam-alam ang editor-in-chief. Nagtatanong nga raw si Annabel sa article na na-publish sa PEP.

Sabi daw ni Jo-Ann na wala daw article at imposible iyon dahil wala nga silang ideya sa pagkakamali ng staff ng PEP. Sumagot daw si Bisaya na "anong imposible, binabasa ni Chard, nasa PEP, tignan mo!"

Nang tanungin ni Jo-Ann nga sa staff niya kung meron ay natuklasan nga raw nila na may na-publish nga at na-pull out na raw ito. (Source -  Ilang oras din na-pull out ang balitang ito na sinulat ni Jojo Gabinete)

Ayon na rin sa aming Pusang Gala, narinig rin niya ang version ni Annabel na nagulat nga raw sila nang isumbong sa kanila ni Richard ang nasabing article.

CONCLUSION: Hindi malinaw kung kanino nag-umpisa ang awareness kina Annabel at Richard.

AYON NAMAN KAY RUFFA GUTIERREZ: Sa interview kay Ruffa sa Showbiz News Ngayon, ibinuking ni Ruffa na sobrang nasaktan ang kanyang kapatid sa nabalitaan at umiiyak daw siya na lumapit sa ina at nagsumbong.

CONCLUSION: Si Richard ang nagbalita kay Annabel Rama tungkol sa report. Sino ang sinasalungat ng statement ni Ruffa? Si Annabel Rama.

Ngayon kung hindi nagsisinungaling si Bisaya, ibig sabihin ay si Ruffa ang nagsinungaling. Basta, isa lang sa kanila, isa lang sa pamilya Zaragosa, este Gutierrez.

READ MORE >>

Jessa Zaragosa, Sobra na ang Pang-iinsulto sa Kanya

SHOWBIZ TIDBITS: Wala daw gulo na namagitan kina Richard Gutierrez at Michael Flores sa birthday party ng direktor na si Mark Reyes.

Pinabulaanan ito mismo ni Michael Flores sa interview niya sa TV. Nagsalita rin sina Ruffa Gutierrez, kapatid ni Richard, at si Mark nga na walang insidente katulad ng nai-ulat sa PEP.

Ayon kay Ruffa, nag-iiyak daw si Richard sa kanyang ina dahil sa masamang balitang ito.  Another JC de Vera? Bakit puro nag-iiyakan ang mga talent ni Annabel, huh?

Balak daw ng pamilya Gutierrez na magdemanda sa PEP. Nakakatawa ang iba't ibang reaksiyon ng mga tao sa nagbabadyang demandahan na ito.

**********

Bakit kaya sobrang overacting itong si Ruffa Mae Quinto kapag napag-uusapan ang pagkaka-ugnay niya sa pangalan ni Hayden Kho? Hindi kaya guilty siya at defense mechanism niya na maggalit-galitan para siya ay lubuyan na ng mga tao sa pagtatanong tungkol sa isyung ito?

Aminin niyo na minsan ganyan tayo. Kapag ayaw na natin sila na ungkatin tayo ay magpapakita tayo kunyari ng konting pangil para mahiya o matakot na silang magtanong.

Kaugnay nito, hindi pa rin daw mapatawad ni Ruffa Mae ang kasamahan niya sa Showbiz Central na si Mo Twister na nagbantang magre-resign kung hindi na happy ang komedyana sa kanyang presence sa show nila. Nagkasama at nagkita na sila sa SC noong Linggo pero civil lang daw sila.

**********

Dahil nabanggit na rin lang natin si Ruffa Mae, connect na rin natin siya kay Jessa Zaragosa at Dingdong Avanzado.

Nasa hot seat din ngayon si Jessa dahil sa naging pahayag ng manager ni Rachel Alejandro against kay Jessa. Sinabi nito na tigilan na raw ni Jessa ang panggagamit kay Rachel para lang sa publicity. 

Nai-ulat kasi na nasasaktan daw at hindi comfortable si Jessa kay Rachel nang magkaroon ng concert ang husband niya na si Dingdong at sa ex-flame niya na si Rachel. Sabi daw ni Jessa na may special bond daw sina Dingdong at Rachel na pati siya ay hindi niya alam.

Sobrang pambabatikos at pang-iinsulto ang natatanggap ni Jessa mula sa mga nagre-react sa mga discussion boards and forums.

Sa totoo lang ay naawa rin ako kay Jessa. bugbog na bugbog na siya sa mga panlalait. Ang mali  niya siguro ay ang lagi niyang pagpapa-interview at pagre-react sa mga itinatanong sa kanya. Dahil dito ay napagbibintangan siyang matakaw sa publicity. Dahil sa mga reaction niya, ang tingin sa kanya ng publiko ay siya ang aggresive at hindi underdog. Ito ang posibleng dahilan kung bakit wala sa kanya ang simpatiya ng mga tao.

Pero wala naman masama kay Jessa kung makaramdam siya ng pagseselos. Tao lang naman siya pero dapat matutunan din niya na may mga bagay na sinasabi sa publiko at may mga bagay din na hindi na dapat nalalaman pa ng lahat.

READ MORE >>

PEP, Nag-sorry sa Paglalathala sa Kwento ng Away nina Richard at Michael

Nagbigay ng PEP ng isang apology letter para sa kanyang mga readers tungkol sa nai-report nilang away nina Richard Gutierrez at Michael Flores sa isang restaurant sa Pasay City. Isa ang Siete Contra Dos sa pumik-ap ng istoryang ito at nagbigay din agad ng unang reaction o judgement.

Ayon kay Jo-Ann Maglipon, ang editor-in-chief ng PEP, humihingi sila ng paumanhin dahil sa paglalathala sa isang artikulo na hindi pa nai-imbestigahan ang tunay na nangyari. Iyon lang ang naging dahilan ng lady executive.

Pero sa kanyang apology letter, hindi rin niya pinabulaanan o inamin kung sangkot nga ba sa gulong ito sina Richard at Michael. Hindi rin nila pinabulaanan o kinumpirma kung may gulo nga ba na nangyari.

Basta ang inihihingi nila ng paumanhin ay ang paglalathala sa isang nabalitaan na wala pang kaukulang imbestigasyon.

Hindi kaya ito ay isang attempt para sa isang news black-out? Totoo kaya ito sa panig ng PEP o posible lang na na-pressure sila from an outside force? May kinalaman ba dito ang GMA 7, Annabel Rama at ilan pa sa kampo ni Richard? Pero knowing Jo-Ann Maglipon, isa siyang matapang na writer at isa sa mga may crediblity sa showbizlandia.

Hopefully, makakuha tayo ng mga inside informations.

**********

Mamaya ay malalaman na natin ang unang limang artistang babae natin ang papasok sa prestigious Top 25 ng ating Search for the Goddess of Philippine TV.

Nalulungkot kami sa mga limang matatanggal dahil nakitaan rin namin ang effort ng mga fans nila para sila ay matulungan pero ganyan talaga ang laban sa isang popularity contest. Meron may mas determinado at meron naman kulang. Pero alam naman na natin na it's universal na kung sino ang mas determinado ang karaniwang nananalo.

Nagpapasalamat kami sa lahat.

Ito'y pakiusap na rin sa mga fans na nag-iiwan ng mga comments. Please let's all be civil in giving our opinions. We all agreee to disagree but please say it in a nice word. Refrain from name calling and using foul words.

Kung hindi niyo man makita ang inyong comments sa blog entry kung saan niyo sinulat, ibig sabihin ay hindi siya approved dahil sa hindi siya umaayon sa aming pakiusap.

READ MORE >>

Annabel Rama, Vindicated Dahil sa Tagumpay ng Zorro?

Noong kasagsagan ng pang-aaway ni Annabel Rama sa lady boss ng GMA 7 na si Wilma Galvante, sobrang galit ng mga fans sa nanay ni Richard Gutierrez na talaga namang binanatan  sila sa mga forums o internet. Of course, hindi na excluded dyan ang Siete Contra Dos dahil naniniwala kami na wala na sa lugar ang pagiging maldita ni Annabel dahil ang pangit ng impression talaga ng away nila lalo na sa mga bata na nanonood.

Dala ng damdamin ay marami ang nanawagan na bitawan na lang ng GMA si Annabel at hayaan na ilipat ang kanyang mga alaga sa ibang istasyon. Dahil naniniwala ang publiko na lumaki ang ulo ni Annabel sanhi ng kasikatan ng anak na si Richard, may ilan din nagtangkang mangampanya upang i-boycott ang launching ng bagong show ni Richard na Zorro.

Isang linggo ng ipinapalabas ang teleserye at mukhang hindi nangyari ang gusto ng ilan na i-boycott ito. Mataas ang rating ng Zorro lalo na sa Kamaynilaan na sukatan ng mga advertisers. Vindicated si Annabel na kahit anong gawin niya ay panonoorin ng tao si Richard.

Sigurado kami na malutong na malutong ang tawa ng asawa ni Eddie Gutierrez dahil pakiramdam niya ay siya ang nagwagi.

Ano na nga pala ang nangyari sa petition, Karl Zada, na iyong natagpuan at ibinalita pa rito sa Siete Contra Dos? 

**********

Buong akala ko ay magpapatuloy ang drama ng Dos na sila ang underdog sa isyung lipatan ng network para sa coverage ng laban ni Manny Pacquiao at Ricky Hatton. Okay na sana dahil nakukuha nila ang simpatiya ng mas nakararami kaso lang pumiyok ang may-ari ng istasyon.

Naipalabas sa TV ang sinabi ni Gabby Lopez na tahasang pinangalanan ang kalaban na GMA 7. Sinabi ni Gabby na for "obvious reason ay mas malaki, malawak o malayo ang coverage ng Dos contra Siete".

Never ever rubbish the opposition! Gawin mo man, kailangan discreet at hwag magpahalata.

Pero sa sinabi ni Gabby, ang tono tuloy niya ay nagmamayabang. Tuloy hindi na sila ang underdog. Alam naman natin na mas kinakampihan pa rin o mas nagugustuhan ng mga tao kung sino ang underdog sa isang away o kontrobersiya.

Nabanggit pa ni Gabby na what they did to treat the issue were all ethical pero sumablay siya ng tahasang "siraan" ang GMA sa pag-i-insinuate na second rate, trying hard copycat lamang sila.

Agree ba kayo?

**********

Kung nadurog ang puso namin dito sa Siete Contra Dos sa nabalitaan namin na pang-iisnab ni Manny sa ipinangakong interview kay Dyan Castillejos, mukhang umiba ang ihip ng hangin nang malaman namin na hindi pala tumupad si Dyan sa napagkasunduan nila ng kampo ng controversial na boksingero.

Sinabihan na pala si Dyan na hwag muna kukunan ng interview si Manny pero sumugod pa rin ang lady host. Halimbawa na naman ito ng sinasabi namin na aggresiveness. Kaya pala ganun ang dialogue ng mga escorts ni Manny habang itinataboy si Dyan. "This can't be. This can't be!"

Ngayon naman ay tuluyan ng inilaglag ni Manny na parang bomba ang pangalan ni Dyan na siyang instrumental umano upang ipaalam sa kanya ang balak ng Dos na interesado silang kunin muli ang coverage ng laban nito.

Kaya hwag na tayo magtaka kung simula ngayon ay hinding-hindi na makakalapit pa si Dyan sa boksingero. Sigurado kami dito sa Siete Contra Dos na malayo pa lang si Dyan ay maamoy na siya ng mga escorts at tumutunog na ang mga alarm nila.

**********

Malapit na rin magsimula ang Pinoy Big Brother. Meron na naman tayong aabangan gabi-gabi tungkol sa drama ng totoong buhay. Pero nalulungkot lang ako sa nangyayari dahil umiiba na ito sa original na concept ng Big Brother. Ang Pinoy version ay nagiging talent search na siya para sa mga nangangarap makapasok sa showbiz.

At sana naman, Big brother, next time, gawin mo naman na challenging ang mga tasks na ipinapagawa mo sa mga housemates at hindi na lang basta-bastang tasks. Naku, ayaw ko na makakita pa ng task kung paano isasalba ang mga sinindihang kandila mula sa ihip ng electric fan. Ilan lang yan sa mga walang kabuluhan na task para sa akin.

Get free website for your blog

READ MORE >>

Aiza Seguerra, Nahulihan ng Intimate Moment sa Dubai

Ang mababasa ninyo sa ngayon ay kwento ng isa kong kaibigan na nagbakasyon sa Dubai, United Arab Emirates. Hindi nila inaasahan na sa pagpasok nila sa isang shop ng ginto sa Gold Souq ay magkakaroon sila ng isang celebrity encounter with no less than Aiza Seguerra. Nangyari ito last February sa week mismo ng Valentines.

Ang simpleng pagwi-window shopping ay naging source ng celebrity gossip.

Siguro naman, ang pagkakaalam na ng sambayanang Pilipino kay Aiza ay isang tomboy kahit hindi pa nito diretsang inaamin. Ang pagkakaalam din natin ay may kasintahan si Aiza na babae rin na madalas natin makita sa telebisyon. Hindi rin nila tahasang inaamin ang kanilang relasyon pero sino naman ang hindi maniniwala?

Ang kuwento natin ngayon ay isang pag-amin nina Aiza at ang babae sa kanilang relasyon hindi sa salita kundi sa kanilang naging kilos sa loob mismo ng shop na Damas Jewellery.

Nang pumasok daw ang kaibigan ko sa shop ay nadatnan na nila sina Aiza, ang kanyang kasintahan at dalawang alalay (isang bakla at isang babae). Silang dalawang grupo lang ang mga tao sa loob ng shop. Hindi na nila pinansin ang dating child actress at ang entourage niya dahil ayaw nilang ipahalatang excited sila. Kumilos lang daw sila ng normal. Siguro naging palagay din daw ang loob ni Aiza at ang kasintahan niya dahil ang dalawang babaeng kaibigan ko ay magkasintahan din.

Dinig na dinig daw nila na ang tawagan nina Aiza at ang babae ay "Hon" katulad din ng tawagan nila. Naghahanap daw si Aiza ng isang bracelet na babagay sa tattoo ng kanyang kasintahan. Ang tattoo daw ay hugis bracelet sa kanang kamay ng babae.

Hindi na raw nagulat ang mga kaibigan ko na dyowa nga ni Aiza ang babae dahil sobrang halata naman daw. Ang ipinagtataka nila ay bakit na lang daw hindi deretsahang aminin ito sa mga interviews nila kasi sa mga public places naman ay wala sila limitasyon at hayagang ipinapakita sa publiko. Sa Dubai nga raw na isang Muslim country ay nagpapakita sila public display of affection, sa Pilipinas pa kaya?

**********

Balitang Dubai pa rin tayo. Mula naman sa ating Palakang Kokak, ang brand na damit na Bench ay hindi lang daw sa Pilipinas may outlet dahil meron din daw dalawa itong shop sa UAE. Isa sa Reef Mall ng Dubai at isang mas malaki sa Marina Mall ng Abu Dhabi.

Ang ipinagtataka ni Palakang Kokak, bakit daw hindi pinapalitan ang billboard ng Bench sa labas ng Reef Mall dahil since 2004 pa raw ay iyon na ang nakita niya. Larawan daw ni Richard Gutierrez ang billboard.

Dahil sa tagal na raw ng billboard ay mahahalatang luma na ito at kumupas na rin ang kulay. Halata rin daw na pinaglumaan na ito ng panahon dahil ang mga katabi niyang billboard ay regular na pinapalitan.

Ang sagot namin dyan ay part ng cost cutting ng kumpanya. LOL

Get free website for your blog

READ MORE >>

Marian Rivera at Dingdong Dantes, Muling Gagawa ng Pelikula

SAMU'T SARI: Ito'y koleksiyon ng mga balita sa Philippine showbiz sa nagdaang linggo.

• Siguradong ikatutuwa ng mga fans nina Marian Rivera at Dingdong Dantes ang balitang niluluto ng GMA Films ang isa na namang pelikula na pagtatambalan nila ngayong taon. 
• Nag-show ang Bubble Gang sa Dubai, United Arab Emirates at ginanap ito sa Zabeel Park, ang park na kung saan gaganapin sana ang concert ni Charice Pempengco na hindi natuloy dahil hindi nakakuha ang producer ng permit. Pero ang Bubble Gang ay matagumpay sa pagkuha ng kaukulang papeles. Hintayin natin ang ating Palakang Kokak kung meron siyang balita.
• Balik tayo kay Marian Rivera, ayon sa statics na nakalap ng aming blog, si Marian ang MOST SEARCHED sa lahat ng mga celebrities sa Pilipinas. Pero mukhang "pervert" lahat yata ang mga ito dahil ang hinahanap nila ay ang boob slip nito sa SOP o di kaya nude pictures niya. Sorry po dahil hindi niyo makikita ito dito sa blog namin. Biro din lang yung pagtukoy namin sa salitang pervert. Peace tayo.
• Ang balitang kinukuha rin si Willie Revillame para mag-endorse ng isang presindentiables. Mukhang hindi magandang ideya ito dahil may problema si Willie sa kanyang image.
• Sobrang gwapo naman yata ni Aljon Jimenez dahil may isang babae na naghahabol sa kanya at naanakan daw niya. Pinabulaanan ito ni Aljon.
• Ang unprofessionalism ni Ruffa Mae Quinto dahil sa madalas niyang pagpapa-interview sa mga programa ng Dos kahit talent siya Siete. Pero hindi naman nagpapa-interview si Ruffa Mae sa Siete. Marami na rin ang nakakapansin ang kanyang pag-iinarte at kawalan ng ganang magtrabaho.
• Magbabalik pelikula sina Camille Pratts at Eric Fructouso sa pelikulang T2 ng Star Cinema at pinagbibidahan ni Maricel Soriano.
• Mukhang uso ang mga artista natin na dinadala sa hospital. Pagkatapos nina Pauleen Luna at Angel Locsin, dinala rin sa ospital sina Ai Ai de las Alas at Angelica Panganiban.
• Impressive ang ginawang press presentation sa bagong soap ni Richard Gutierrez na Zorro. Mukhang hindi mangyayari ang gusto ng ilang fans na i-boycott ito bilang protesta kay Annabel Rama.
• Speaking of Zorro, si Wilma Galvante pala ang nakipaglaban para makuha lang ang rights ng soap na ito at maibigay kay Richard. Pero sa kabila nito ay pinararatangan pa rin ni Annabel si Wilma na pinababayaan niya si Richard. Hindi lang iyan, inaaway pa rin niya ang lady executive.
• Hindi pwedeng i-market na nagkakamabutihan sina KC Concepcion at Piolo Pascual para ibenta ang soap nilang Lovers in Paris dahil open si KC na hindi sila close ni Piolo.
  

Get free website for your blog

READ MORE >>

Hot Seat: Richard Gutierrez and Mo Twister

Nagpahayag ng komento si Mo Twister sa naging reaksiyon ni Boy Abunda sa biro ni Vicki Belo. Matatandaan ng nagdayalog ang may-ari ng Belo Group na "if you want to look like Boy, go to Calayan. If you want to look like Dingdong Dantes or Piolo Pascual, come to Belo." Nasabi ito ni Vicki sa programa ni Mo sa GMA na Showbiz Central.

Sabi ni Mo sa kanyang programa, “You’re overreacting with the crying, why are you crying?” Patungkol niya iyan kay Boy na halos umiyak sa programa rin niya sa Dos na Showbiz News Ngayon.

Si Mo na nga ang lalaking Kris Aquino. Taklesa at dere-deretso ang walang prenong bibig. Hindi na dapat pa nagsalita ng ganito si Mo at hinayaan na lang niya sanang mamatay ang isyu. Hindi ito makakatulong para pakalmahin ang loob lalo na si Boy.

Pero kung iisipin mo nga naman ng mabuti, meron naman katotohanan ang sinabi ni Mo. Naging OA talaga si Boy dahil sa pag-aakalang makakatulong ang isyu para paangatin ang ratings ng SNN. Pero dahil siguro nakita niya na wala itong epekto, nagsabi na siya na hinding-hindi na raw siya magsasalita tungkol sa tampuhan nila ni Vicki.

********

Ano naman itong pinag-uusapan tungkol sa pag-iinarte ni Richard Gutierrez sa taping ng Zorro sa Bataan? Masyado na umakyat sa ulo ni Richard ang konting tagumpay at kapag nagpatuloy siya sa ganito ay hindi malayong babagsak na lang siya bigla.

Dinayo daw ng staff ng isang showbiz talk show ang shooting ng aktor para ito ay ma-interview. Meron daw basbas ang naturang interview mula sa mga executives ng programa. Naghintay sila ng ilang oras para lang ma-interview si Richard. Dahil isa raw sa requirement lagi ni Richard na kailangan malaman niya in advance ang lahat ng itatanong sa kanya, ibinigay ng staff ng talk show ang listahan ng katanungan nila. Pero laking gulat na lang daw nila noong ayaw na raw magpa-interview ang anak ni Annabel Rama dahil meron daw katanungan doon na pilit pa rin nag-uugnay sa kanya at kay KC Concepcion.

Ayaw na raw niya pag-usapan pa ang dalaga dahil naipalabas na raw at kumita ang pelikula niyang When I met You.

O di ba, nagtataray ang lolo Richard natin? Maliwanag pa sa sikat ng araw na cheap publicity lang ang mga pinaggagawa nila noon ni KC sa TV. Talagang pinalabas nila na nagkakamabutihan sila at may mga regalo pa sila sa isa't isa. Lahat ng ito ginawa nila para lang panoorin ang kanilang pelikula.

Bakit pa kasi hindi na lang gawing loveteam ang Jewel Mische-Richard? Baka naman ito ang ikakasaya ni Richard. Bakit kasi ayaw ni Bisaya?

READ MORE >>