Richard Gutierrez, Naniniwalang May Malaking Tao na Gusto Siyang Pabagsakin

Balikan natin ang mga gulong kinasaasangkutan ng Gutierrez family lalo na ang demanda ni Richard Gutierrez sa website na PEP.

Gumana muli ang katabilan ng aming Pusang Gala dahil mayroon daw siyang naulinigan mula sa mga pag-uusap ng ilang malalaking pangalan sa Philippine showbiz.

Kaya pala daw sobra na lang ang pagpupursige ni Richard at suportado pa siya ng kanyang buong pamilya na mai-demanda ang PEP dahil malakas ang kutob nila lalo ng kanyang ina na si Annabel Rama na may isang malaki tao na nasa likod ng pagkaka-ulat na nagkaroon ng away at tutukan ng baril ni Richard sa dating TGIS hottie na si Michael Flores.

Isang grupo daw ang gustong mai-bagsak ang career ng binata ayon sa aming Pusang Gala at alam ba ninyo kung sino ang malakas na pinagdududahan ng mga Gutierrez? No other than .....Wilma Galvante. Yes it's Wilma daw na kaaway naman ni Annabel.

Ang gusto lang daw malaman ng mga Gutierrezes ay ang malaman ang pagkatao ng dalawang  taong source ng PEP na nagbalita sa kanila tungkol sa away umano. Iyon daw ang ikinagagalit nila dahil naniniwala sila na may taong nag-utos sa kanila para gawin ito laban sa binata.

Ang head nga raw ng GMA Entertainment section ang pinagdududahan nila sa ngayon at malakas daw ang kanilang pakiramdam.

Pero sa aming pananaw, mukhang malabo itong sapantahang ito dahil kung gagawin nga naman ni Wilma, siguradong siya ang magiging primary suspect dahil ongoing din ang away niya kay Annabel. Siguradong alam niyang madidiin siya dito kaya wala siguro itong katotohanan.

At hindi lang iyan, si Wilma rin ang nakipaglaban na makuha ang rights ng Zorro, pagkatapos manganib ito na hindi na maipalabas pa sa Pinas dahil sa dami ng problema noon, mabigyan lamang ng magandang palabas itong si Richard.

Pero baka nga totoo rin. O, sige abangan natin kung mabubunyag ba ito sa paglipas ng araw.

READ MORE >>

Bakit ayaw mag-retract ang PEP sa nalathala na kwento ng away nina Richard at Michael?

Kung nahaharap sa isang demanda si Annabel Rama mula kay Wilma Galvante, mukhang this time ay turn naman ni Bisaya ang magdemanda.

Nope, posibleng mali kayo ang iniisip. Ang demanda ni Annabel ay hindi kontra demanda kundi para ito sa writer ng PEP na nagsulat ng away umano nina Richard Gutierrez at Michael Flores.

We are right in our observation when we were reading the apology letter of PEP coming from the editor-in-chief, Ms. Jo-Ann Maglipon. We mentioned here that PEP never retracted their story. Maglipon issued apology JUST for publishing the said article without investigating completely of the leads they have received from their sources.

Hindi nila kinumpirma o pinabulaanan kung may nangyari nga na away at tutukan ng baril.

Ito ngayon ang ikinagagalit ng ina ni Richard kaya itutuloy nila umano ang demanda laban sa writer ng PEP. Hindi pa rin daw sila masaya sa naging public apology.

Pero sa ipinatawag na press conference ng PEP kahapon ng hapon, pagkatapos nilang humingi ng paumanhin sa mga taong involved katulad nina Richard nga at ang kanyang pamilya, Michael, Leo Martinez, Epi Quizon at ang PEP readers, ipinagdiinan nila na ang dahilan daw ng pagkaka-publish ng article ay "inadvertent uploading".

Ano ba ang ibig sabihin nito? Na-publish nila ang article ng hindi sinasadya dahil sa kapabayaan nila. Mag-explain daw, huh? LOL. To give you an idea, posibleng nagawa na kasi ang umpisa o first  paragraphs ng article na iyon at ie-edit na lang sana kapag mayroon ng confirmation o kapag tapos na ang imbestigasyon para mai-publish na agad.. Maaring na save na ito sa file nila at isang pindot na lang ay lalabas na sa homepage ng site. Ang posibleng nangyari ay nang maglabas na sana ang PEP ng bagong article sa oras na iyon, posibleng ang entry na ito ay ang katabi ng article tungkol kay Richard pero dahil sa kapabayaan, iyon na nga ang napindot.Voila! Huh, ang hirap din mag-explain!

Wala pa rin daw retraction from PEP's side dahil hindi pa raw nila nakakausap ang lahat ng mga taong sangkot. Hinihintay pa rin nila na humarap ang mga witnesses or sources kung kinakailangan. Hindi pa rin daw masasabi ni Ms. Maglipon kung imbento ang istorya o hindi.

Ayon pa sa lady editor, naudlot ang imbestigasyon dahil sa nangyari. Naninindigan sila na hindi sila naglalabas ng isang istorya na walang source. Naniniwala din daw sila sa mga sources nila o Pusang Gala dahil wala naman daw silang dahilan para siraan si Richard.

Nilinaw din niya na hindi sila nagbigay ng public apology dahil natatakot sila sa pagka-amasona ni Annabel. Knowing Jo-Ann Maglipon, siguradong palaban din siya basta alam niya na tama siya.

Kaya abangan na lang natin ito. Mukhang marami yata ang demandahan ngayon huh.

READ MORE >>

Jessa Zaragosa, Sobra na ang Pang-iinsulto sa Kanya

SHOWBIZ TIDBITS: Wala daw gulo na namagitan kina Richard Gutierrez at Michael Flores sa birthday party ng direktor na si Mark Reyes.

Pinabulaanan ito mismo ni Michael Flores sa interview niya sa TV. Nagsalita rin sina Ruffa Gutierrez, kapatid ni Richard, at si Mark nga na walang insidente katulad ng nai-ulat sa PEP.

Ayon kay Ruffa, nag-iiyak daw si Richard sa kanyang ina dahil sa masamang balitang ito.  Another JC de Vera? Bakit puro nag-iiyakan ang mga talent ni Annabel, huh?

Balak daw ng pamilya Gutierrez na magdemanda sa PEP. Nakakatawa ang iba't ibang reaksiyon ng mga tao sa nagbabadyang demandahan na ito.

**********

Bakit kaya sobrang overacting itong si Ruffa Mae Quinto kapag napag-uusapan ang pagkaka-ugnay niya sa pangalan ni Hayden Kho? Hindi kaya guilty siya at defense mechanism niya na maggalit-galitan para siya ay lubuyan na ng mga tao sa pagtatanong tungkol sa isyung ito?

Aminin niyo na minsan ganyan tayo. Kapag ayaw na natin sila na ungkatin tayo ay magpapakita tayo kunyari ng konting pangil para mahiya o matakot na silang magtanong.

Kaugnay nito, hindi pa rin daw mapatawad ni Ruffa Mae ang kasamahan niya sa Showbiz Central na si Mo Twister na nagbantang magre-resign kung hindi na happy ang komedyana sa kanyang presence sa show nila. Nagkasama at nagkita na sila sa SC noong Linggo pero civil lang daw sila.

**********

Dahil nabanggit na rin lang natin si Ruffa Mae, connect na rin natin siya kay Jessa Zaragosa at Dingdong Avanzado.

Nasa hot seat din ngayon si Jessa dahil sa naging pahayag ng manager ni Rachel Alejandro against kay Jessa. Sinabi nito na tigilan na raw ni Jessa ang panggagamit kay Rachel para lang sa publicity. 

Nai-ulat kasi na nasasaktan daw at hindi comfortable si Jessa kay Rachel nang magkaroon ng concert ang husband niya na si Dingdong at sa ex-flame niya na si Rachel. Sabi daw ni Jessa na may special bond daw sina Dingdong at Rachel na pati siya ay hindi niya alam.

Sobrang pambabatikos at pang-iinsulto ang natatanggap ni Jessa mula sa mga nagre-react sa mga discussion boards and forums.

Sa totoo lang ay naawa rin ako kay Jessa. bugbog na bugbog na siya sa mga panlalait. Ang mali  niya siguro ay ang lagi niyang pagpapa-interview at pagre-react sa mga itinatanong sa kanya. Dahil dito ay napagbibintangan siyang matakaw sa publicity. Dahil sa mga reaction niya, ang tingin sa kanya ng publiko ay siya ang aggresive at hindi underdog. Ito ang posibleng dahilan kung bakit wala sa kanya ang simpatiya ng mga tao.

Pero wala naman masama kay Jessa kung makaramdam siya ng pagseselos. Tao lang naman siya pero dapat matutunan din niya na may mga bagay na sinasabi sa publiko at may mga bagay din na hindi na dapat nalalaman pa ng lahat.

READ MORE >>

PEP, Nag-sorry sa Paglalathala sa Kwento ng Away nina Richard at Michael

Nagbigay ng PEP ng isang apology letter para sa kanyang mga readers tungkol sa nai-report nilang away nina Richard Gutierrez at Michael Flores sa isang restaurant sa Pasay City. Isa ang Siete Contra Dos sa pumik-ap ng istoryang ito at nagbigay din agad ng unang reaction o judgement.

Ayon kay Jo-Ann Maglipon, ang editor-in-chief ng PEP, humihingi sila ng paumanhin dahil sa paglalathala sa isang artikulo na hindi pa nai-imbestigahan ang tunay na nangyari. Iyon lang ang naging dahilan ng lady executive.

Pero sa kanyang apology letter, hindi rin niya pinabulaanan o inamin kung sangkot nga ba sa gulong ito sina Richard at Michael. Hindi rin nila pinabulaanan o kinumpirma kung may gulo nga ba na nangyari.

Basta ang inihihingi nila ng paumanhin ay ang paglalathala sa isang nabalitaan na wala pang kaukulang imbestigasyon.

Hindi kaya ito ay isang attempt para sa isang news black-out? Totoo kaya ito sa panig ng PEP o posible lang na na-pressure sila from an outside force? May kinalaman ba dito ang GMA 7, Annabel Rama at ilan pa sa kampo ni Richard? Pero knowing Jo-Ann Maglipon, isa siyang matapang na writer at isa sa mga may crediblity sa showbizlandia.

Hopefully, makakuha tayo ng mga inside informations.

**********

Mamaya ay malalaman na natin ang unang limang artistang babae natin ang papasok sa prestigious Top 25 ng ating Search for the Goddess of Philippine TV.

Nalulungkot kami sa mga limang matatanggal dahil nakitaan rin namin ang effort ng mga fans nila para sila ay matulungan pero ganyan talaga ang laban sa isang popularity contest. Meron may mas determinado at meron naman kulang. Pero alam naman na natin na it's universal na kung sino ang mas determinado ang karaniwang nananalo.

Nagpapasalamat kami sa lahat.

Ito'y pakiusap na rin sa mga fans na nag-iiwan ng mga comments. Please let's all be civil in giving our opinions. We all agreee to disagree but please say it in a nice word. Refrain from name calling and using foul words.

Kung hindi niyo man makita ang inyong comments sa blog entry kung saan niyo sinulat, ibig sabihin ay hindi siya approved dahil sa hindi siya umaayon sa aming pakiusap.

READ MORE >>

Away nina Richard Gutierrez at Michael Flores,Sino ang Bumunot ng Baril?

Muli na namang nasa gitna ng kontrobersiya ang Gutierrez family ng Philippine showbiz dahil sa kakalabas lang na balita na away nina Richard Gutierrez at isa sa dating miyembro ng TGIS na tinilian ko rin noong araw. Si Michael Flores na ngayon ay asawa na ng beauty queen na si Nina Ricci Alagao ay nagkaroon daw ng komprotnasyon sa lead star ng Zorro na si Richard sa parking lot ng Oceana Restaurant na matatagpuan sa Seaside Boulevard sa Pasay City.

Ayon sa report ng PEP, nangyari ang insidente kaninang hatinggabi, 29 March 2009, habang papauwi na ang mga kasangkot mula sa birthday party ng GMA 7 in-house director na si Mark Reyes.

Hindi pa masyado malinaw kung ano ang tunay na nangyari pero ayon sa ulat ay nagkaroon ng palitan ng masasamang salita. Nadamay din daw ang presensiya ng isang baril pero wala pa nakakaalam kung sino sa dalawang artista ang may dala nito.

Si Epi Quizon ay napabalita rin na kasangkot sa dramang ito.

Well, ano pa ba ang masasabi ng Siete Contra Dos kundi mapabuntong-hininga na lamang. Kahit hindi pa malinaw kung kanino nagmula ang away pero bilang unang reaksiyon ay nakaka-umay ang palagi na lang pagkakadawit sa mga ganitong away si Richard.

Mawalang galang na sa mga taga-hanga ng aktor at sa ina niya pero hindi namin mapigilan ang aming sarili sa aming komento. Anak nga ni Annabel Rama si Richard! Walang duda.

Tatlong beses nang nabalitaan ang away na ganito kung saan kasama si Richard. Hindi pa kasali dyan yung mga maliliit na away na naging laman  ng mga blind items.

Kung tama ang aking memorya, 2 years ago, ay nambugbog si Richard sa The Fort ng dalawang lalaki sa bar kung saan ginanap ang kanyang birthday party. Tapos noong nakaraang taon ay nabalitaan din natin ang paniniko niya kay Aljur Abrenica sa isang bar naman sa Makati. Kailan naman kaya sa Pasig, Mandaluyong o Quezon City, huh? Mukhang nililibot na ata ni Richard ang mga siyudad sa Kamaynilaan.

Ang simpatiya ng Siete Contra Dos sa ngayon ay nasa  panig ni Michael Flores (Well, pwede magbago ito kung malaman na namin ang tunay na dahilan.) Paanong hindi namin isipin na posibleng kay Richard nagsimula ang gulo, eh, may pattern na tayong nakikita. Sabihin natin na walang kasalanan si Richard, eh, bakit tatlo ng away ang sangkot siya? Kasalanan man ng binata o hindi, ang malinaw dito ay may mali kay Richard. Hindi man namin sinasabi na siya ang nanggugulo pero posibleng may problema siya sa pakikisalamuha sa tao.

Ito ba ay dahil sa hydrocephalus syndrome (read it as yumabang o lumaki ang ulo)? O nasa genes na ba ito? Hindi kaya ako awayin ni Annabel dito? Sabagay sinuman naman kami para pag-aksayahan niya ng oras? Kaya nga naniniwala ako sa sinabi na namin dito sa aming blog na ang katangian o ugaling nakikita ng isang bata sa mga taong nasa paligid niya noong siya ay lumalaki ay napupulot niya ito hanggang sa paglaki niya. Kahit turuan mo pa yung batang iyan ng tamang asal, mahirap mawala sa kanyang sistema kung ano ang kanyang kinamulatan. 

Hindi talaga magbubunga ng santol ang puno ng mangga.

Ang tinutukoy namin dito ay nakuha nga ni Richard ang palabang ugali ni Annabel dahil kung hindi siya palaban siguro naman ay pwedeng isa o dalawang gulong ganito lang natin siya mababalitaan. Sabi nga, once is enough, twice is too much, thrice is .....(nakalimutan na namin). Over ba o uber? LOL

Sana bigyan itong si Richard ng disciplinary action ng GMA management bilang talent nila na nagdadala ng imahe ng network. Kapuso pa mandin. Pero sa palagay ba ninyo ay kayang ibigay ito sa kanya, hindi man si Wilma Galvante, ay nina Felipe Gozon, Jimmy Duavit o Annette Abrogar?

Ano kaya ang masasabi rin ng mga babaing nali-link sa binata at ilan sa mga ito ay galing sa mga pamilya na pwede natin sabihin na talagang may breeding?

Georgina, Anne, KC and Jewel? Any comments?

Well, inaasahan namin na marinig ang tunay na dahilan ng kuwentong ito dahil gusto rin namin  na itama ang aming sarili kung sakaling mali kami sa panghuhusga.

Get free website for your blog

READ MORE >>