Mga Artistang Naglalaro ng Seesaw sa ating Botohan, Kilalanin Kung sino na ang mga Nominated sa Adonis Award

Poll Updates: Iba ang ipinapakitang determinasyon ng mga Kapamilya loyalists sa kanilang mga brightest stars sa Second Face Off ng ating search for Goddess of Philippine TV. Kung sa First Face Off ay hindi sila masyadong nakitaan ng aggresiveness kumpara sa mga fans ng Kapuso, ibahin natin sila ngayon dahil mukhang desidido silang mailagay lahat ng mga Kapamilya artists na nasa kasalukuyang Top 50 sa ating prestigious Top 25.

Noong unang round kung saan pinipili natin ang Top 25 Female Young Stars of the Philippines from 100 artists of both networks, 14 lang na Kapamilya ang nakapasok samantala 36 naman ang sa Kapuso.

Pero batay sa aming nao-obserbahan, determinado sila ngayon na mailagay ang 14 na ito sa Top 25 at kung ganun nga ang mangyayari, kung saka-sakali, 11 lang ang manggagaling sa Siete.

Para sa kaalaman ng bagong dating sa ating site, sa limang sigurado ng nasa Top 25, tatlo ay mula sa Kapamilya at 2 lang sa Kapuso. Sina Laarni Lozada, Bea Alonzo at Shaina Magdayao ang sa Dos. Sina Jackie Rice at Lovi Poe naman ang sa Siete. Napili sila sa eliminasyon noong nakaraang linggo.

Weekly Elimination: Nagsimula noong Lunes ng 7pm (Iyan ang araw at oras lagi ng pagsisimula ng weekly face off.) ang elimination ng second batch. Kasalukuyang nakasalang ngayon ang 3 na artista ng Dos at 7 uli sa Siete.

Ang mga Kapamilya ay sina Kristine Hermosa, Rachell Ann Go at Roxanne Guinoo. Ang mga Kapuso naman ay sina Heart Evangelista, Maricris Garcia, Rich Asuncion, Carla Abellana, Kris Bernal, Glaiza de Castro at Francine Prieto.

Muling rumaragasa ang mga Kapamilyanatics dahil pagkatapos ng dalawang araw ng botohan ay nailuklok na naman nila ang tatlong Kapamilya artists sa 3 top positions. Dahil dito ay 2 lang uli ang Kapuso artists na nasa Top 5.

Ang mga nangnganib na tuluyan ng ma-eliminate sa ating search ay sina Heart Evangelista, Glaiza de Castro, Kris Bernal, Rich Asuncion at si Maricris Garcia.

May limang araw na lang ang natitira pa para maisalba ninyo ang inyong paboritong mga artista. Marami pa ang pwedeng mangyari at naka-antabay kami sa mga twists ng suporta ng mga fans.

Ipinapaalala lang namin na sa botohan sa weekly elimination, pwede kayo pumili ng sampung artista sa isang botohan. One IP address is one vote pa rin ang ating drama.

Poll Daddy Updates: Sa ating separate poll naman sa Poll Daddy (matatagpuan sa right side corner ng ating blog sa baba lamang ng poll ng weekly elimination), may nangyayaring laro ng seesaw sa ating mga artista doon.

Huh, hindi sila literal na naglalaro. LOL. Ang ibig namin sabihin ay hindi napipirmi ang isang artista sa isang position lamang at madalas ang turn over ng nasa number one spot. Katulad na lamang noong nagdaang mga araw, nasa number 1 si Laarni na ninakaw ni Marian Rivera na ninakaw naman ni Rachelle Ann na ninakaw naman ni Jewel na ninakaw uli ni Laarni na ninakaw na naman ni Jewel. And the nakawan of the top spot goes on and on. Mamaya, merry-go-round na ang laro nila. LOL

Pero nagbabadya naman ang hamon na ipinapakita nina Jennylyn Mercado, Jonalyn Viray, Jackie Rice, Iza Calzado, Katrina Halili, Jennica Garcia, Lovi Poe at Aicelle Santos. Anytime ay nakahanda silang manggulat sa mga naglalaro ng seesaw o merry-go-round kapag sila ay nahilo na. Baka bigla na lang sila makipaglaro kapag nagpatuloy ang lumalakas nilang suporta mula sa mga fans.

Muli namin sasabihin na ang botohan na ito ay 15% lamang sa final score ng sinumang mapalad na makakasama sa Final Top 10.  Kung hindi makapasok ang iyong idolo sa Top 10 ay masasayang ang mga boto nila dito. Kaya importante pa rin ang ating weekly elimination kung saan dapat ninyong alagaan.

Adonis Award Updates: Dalawang oras pa lang yata simula ng ilunsad namin ang male counterpart ng Goddess of Philippine TV na Adonis Award kung saan hinahanap natin ang Most Handsome at Sexiest Actors of the Philippines. Sila ang mga most desirable and most popular actors natin sa ngayon.

Ito ay isang survey at ang mga most nominated ang aabante sa laban o kompetisyon pagkatapos ng GPTV.

Sa unang oras ng ating survey ang mga lumitaw na mga pangalan na ay sina Dingdong Dantes, Dennis Trillo, Gerald Anderson, Will Devaughn, Aljur Abrenica, Micky Perz, Richard Gutierrez, Ejay Falcon, Sam Milby, Zanjoe Marudo, John Lloyd Cruz, Manuel Chua, AJ Dee, Jericho Rosales at Piolo Pascual.

Kasama rin sina Paulo Avelino, Rafael Rosell, Marvin Agustin, JC Tiuseco, Mark Anthony Fernandez, Mark Herras at Robi Domingo.

Kasalukuyan Most Nominated sa ngayon si Dingdong Dantes at Dennis Trillo.

Ipagpatuloy po ninyo ang pag-nominate sa inyong mga paboritong artistang lalake.

Maraming salamat sa inyong lahat.

READ MORE >>

NOMINATE NOW: Adonis Award - Philippines' Most Handsome and Sexiest Actors

We are now launching our search for the Most Handsome and Sexiest Philippine Actor. This is what we dubbed as our Adonis Award.

We don't require your votes in this first stage. We just need you to fill up a survey of 10 questions. It will not take much of your time. You can answer this in 1 minute or two.

When you click the link below that says "View Survey", the survey pops out in your screen. Please remember to answer all the questions before you submit. The system won't count incomplete form.

NOMINATE BY CLICKING THE LINK BELOW

NOMINATE BY CLICKING THE LINK ABOVE

This survey ends when the Goddess of Philippine TV is announced. We are definitely looking for the most desirable and popular actors we have today in the Philippines.THE MOST NOMINATED ACTORS MOVE ON TO THE COMPETITION LEVEL.

For the mechanics of the search, please READ IT HERE.

Thank you so much for your time and please check our blog regularly for updates.

READ MORE >>

Bakit ayaw mag-retract ang PEP sa nalathala na kwento ng away nina Richard at Michael?

Kung nahaharap sa isang demanda si Annabel Rama mula kay Wilma Galvante, mukhang this time ay turn naman ni Bisaya ang magdemanda.

Nope, posibleng mali kayo ang iniisip. Ang demanda ni Annabel ay hindi kontra demanda kundi para ito sa writer ng PEP na nagsulat ng away umano nina Richard Gutierrez at Michael Flores.

We are right in our observation when we were reading the apology letter of PEP coming from the editor-in-chief, Ms. Jo-Ann Maglipon. We mentioned here that PEP never retracted their story. Maglipon issued apology JUST for publishing the said article without investigating completely of the leads they have received from their sources.

Hindi nila kinumpirma o pinabulaanan kung may nangyari nga na away at tutukan ng baril.

Ito ngayon ang ikinagagalit ng ina ni Richard kaya itutuloy nila umano ang demanda laban sa writer ng PEP. Hindi pa rin daw sila masaya sa naging public apology.

Pero sa ipinatawag na press conference ng PEP kahapon ng hapon, pagkatapos nilang humingi ng paumanhin sa mga taong involved katulad nina Richard nga at ang kanyang pamilya, Michael, Leo Martinez, Epi Quizon at ang PEP readers, ipinagdiinan nila na ang dahilan daw ng pagkaka-publish ng article ay "inadvertent uploading".

Ano ba ang ibig sabihin nito? Na-publish nila ang article ng hindi sinasadya dahil sa kapabayaan nila. Mag-explain daw, huh? LOL. To give you an idea, posibleng nagawa na kasi ang umpisa o first  paragraphs ng article na iyon at ie-edit na lang sana kapag mayroon ng confirmation o kapag tapos na ang imbestigasyon para mai-publish na agad.. Maaring na save na ito sa file nila at isang pindot na lang ay lalabas na sa homepage ng site. Ang posibleng nangyari ay nang maglabas na sana ang PEP ng bagong article sa oras na iyon, posibleng ang entry na ito ay ang katabi ng article tungkol kay Richard pero dahil sa kapabayaan, iyon na nga ang napindot.Voila! Huh, ang hirap din mag-explain!

Wala pa rin daw retraction from PEP's side dahil hindi pa raw nila nakakausap ang lahat ng mga taong sangkot. Hinihintay pa rin nila na humarap ang mga witnesses or sources kung kinakailangan. Hindi pa rin daw masasabi ni Ms. Maglipon kung imbento ang istorya o hindi.

Ayon pa sa lady editor, naudlot ang imbestigasyon dahil sa nangyari. Naninindigan sila na hindi sila naglalabas ng isang istorya na walang source. Naniniwala din daw sila sa mga sources nila o Pusang Gala dahil wala naman daw silang dahilan para siraan si Richard.

Nilinaw din niya na hindi sila nagbigay ng public apology dahil natatakot sila sa pagka-amasona ni Annabel. Knowing Jo-Ann Maglipon, siguradong palaban din siya basta alam niya na tama siya.

Kaya abangan na lang natin ito. Mukhang marami yata ang demandahan ngayon huh.

READ MORE >>

Wilma Galvante Suportado ng GMA 7 sa Demanda niya Kay Annabel Rama?

Mukhang dalawang malalaking balita lang ang nagpapalitan umeksena sa ating showbiz sa mga nakaraan na araw. Humupa ang away nina Annabel Rama at Wilma Galvante at pumasok naman ang isyu kay Manny Pacquiao. Ngayon na nanahimik na rin pansamantala ang gulo na kinakasangkutan  ni Manny, muli yatang mabubuhay ang Annabel-Wilma dahil sa pagdedemanda ng huli sa una sa halagang 7 milyon na siya rin numero ng kanilang istasyon.

Matagal na rin namin narinig dito sa Siete Contra Dos ang balak nga ni Wilma na magdemanda laban kay Annabel pero hindi namin inakala na itinuloy pala ito ng lady executive noong March 17 habang nasa kasagsagan ang balita.

Pero kung sa tingin ninyo ay ito rin ang unang beses na inyong marinig ang balitang ito, sa totoo lang ay binigyan na tayo ng presidente ng GMA 7 na si Atty. Felipe Gozon ng idea na magdedemanda nga si Wilma.

Matatandaan na noong ihayag ng top honcho ng Kapuso na mananatili si JC de Vera sa kanila, nakalahad sa press release ng istasyon na sinabihan niya si Annabel na kung magdemanda si Wilma laban sa kanya ay walang magagawa ang GMA at si Atty Gozon tungkol dito. Sinabi rin niya na hindi niya mapipigilan si Wilma kung sakali man gawin nga niya ito dahil karapatan daw ng head ng entertainment section ng Siete.

Kung naalala niyo pa rin, pagkatapos mag-usap sina Annabel at Atty. Gozon tungkol sa contract ni JC ay nagpulong lahat ang mga executives ng GMA 7 at ito nga raw ang isa sa naging agenda.

Gumana ang makating dila ng aming Pusang Gala. Ayon sa kanya, suportado daw talaga ng network ang ginawa na paghahain ni Wilma ng demanda. Isa raw ito sa mga hakbang nila para sa damage control sa nangyaring negative implications sa publiko ng ginawa ni Annabel. Aminado daw sila na naging masama ang image ng network dahil sa naging akusasyon ni Annabel.

Pero sa tingin namin, lalo lang magngingitngit sa galit si Annabel dahil na rin sa kanyang ugali. Ayaw na ayaw niya kapag tingin niya ay kinakalaban siya o kapag natatalo siya. Well, what do we expect from a person with a behaviour like Annabel?

Wish lang namin na matuto dito si Annabel pero we doubt.

READ MORE >>

Dingdong Dantes, Gaganap na Fernando Jose ng Rosalinda?

Posibleng ang sikat at lalaking-lalaki ang dating na si Dingdong Dantes ang gaganap na Fernando Jose sa gagawing remake ng GMA 7 sa sikat din na Mexican soap na Rosalinda. Kung magkatotoo man ay si Dingdong ang unang-unang leading man ng gaganap na bida na si Carla Abellana, anak ng dating 80's star na si Rey PJ Abellana.

Ito ang tsika sa amin dito sa Siete Contra Dos ng aming kaibigan na nagsisilbing isa sa aming Pusang Gala. Ayon sa kanya, isa daw si Dingdong sa mga pinagpilian at posibleng sa kanya din daw ipagkakatiwala ang naturang role dahil balak daw muna ng network na pagpahingain pansamantala ang loveteam nina Dingdong at Marian Rivera.

Nabalita na nga na pansamantalang ibabalik si Marian sa isang soap na may temang pambata dahil aminado naman daw ang network na mas marami ang following ng aktres na mga young viewers kaya hwag na raw tayong magtaka kung ibigay din kay Marian ang role na Darna sa gagawin na Captain Barbell Meets Darna. Dahil dito kailangan mai-partner muna si Dingdong sa iba at ang best option nga raw ay ang Rosalinda.

"Kahit noon pa man ay isa naman si Dingdong sa mga male stars ng Siete na nagbinbinyag sa mga bagong alaga nilang babae. Hindi ba si Dingdong ang unang leading man ni Tanya Garcia nang lumipat ang dalaga mula sa Dos? Noong time ni Marian ay si Dingdong din ang kinuha kaya hindi malayo na si siya pa rin ang magiging first leading man ni Carla," sabi sa amin ng aming kausap.

Dahil bulung-bulungan pa lang sa pinagtatrabahuan ng aming Pusang Gala ang posibilidad na ito, tinanong din namin kung sino sa tingin niya ang bagay na Alex, ang lalaking kukupkop kay Rosalinda at ka-love triangle ng dalawang bida.

"Si Dennis Trillo!" Ito ang walang kaabog-abog na tinuran sa amin.

Gusto rin linawin ng aming kausap ang isyu na pilit ipinagkakalat daw ng mga kalaban na flop ang soap nina Marian at Dingdong na Ang Babaeng Hinugot sa Aking Tadyang. Aminado naman daw sila na mas mababa ang rating ng ABSHAT kaysa sa naunang soap ng dalawa na Dyesebel at Marimar pero hindi raw nangangahulugan na flop ito.

Ayon sa kanya, ang flop daw ay yung hindi na kumikita ang isang palabas at mas mataas pa ang expenses kaysa sa pumapasok na pera na never naman daw nangyari sa ABSHAT.

"Pakisabi na rin sa mga readers niyo na hwag masyadong abusuhin ang salitang flop," pagtataray pa niya. "Hindi naman nagkakalayo ang rating ng ABSHAT sa Tayong Dalawa na ibinabandera nilang pinakamalakas nilang soap sa ngayon. Kung halos pantay lang naman ang ratings ng dalawa, paano nila sasabihin na malakas ang sa kanila at ang ABSHAT naman ay flop, eh, parehas naman ang rating? Mas mataas pa nga ang ratings ng ABSHAT kaya hindi raw tama na gamitin itong taktika para ma-promote ang show nila."

Iyan ay hindi galing sa amin, huh, kundi galing sa isang taong nagsisilbi naming Pusang Gala.

Pero mukhang magandang tambalan nga kung gagawin ng Kapuso network ang Carla -Dingdong-Dennis love triangle. Pero hindi kaya sila maubusan din ng leading man dahil nasa iisang show lang ang dalawang pambato ng network kung magkatotoo ito?

Ano sa tingin niyo?

NOTE: Isa rin si Dingdong sa hindi madamot na nagpahayag ng kanyang nalalaman sa naisulat ng PEP na umano'y gulo nina Richard Gutierrez at Michael Flores. Ayon kay Dingdong, imposible daw may mangyaring gulo na sangkot si Richard kasi kasama niya ang bida ng Zorro ng gabing iyon. Nauna daw umuwi sina Michael na naging kasamahan niya sa TGIS at naiwan pa sila nina Richard.

READ MORE >>

Kuya Germs, Pinangaralan ang Dos; Aljur Abrenica, Lilipat na sa Kabila?

Kung loyalty rin lang sa home network ang pag-uusapan, wala ng makakatalo pa kay Kuya German Moreno. Sa ganang amin, the word loyalty is somehow synonymous to Kuya Germs. Ganyan katindi ang ipinapakitang pagmamahal ng mentor ng maraming artista na dumaan sa That's Entertainment sa network na nagbigay sa kanya ng oportunidad. Wish namin na marami ang gumaya sa kanya.

At dahil sa loyalty na ito, nakapagbigay ng isang pangaral ang Master Showman sa ABS CBN at inilathalla niya ito sa kanyang column sa PSN.

Nabalitaan kasi ni Kuya Germs ang balak ng Dos na piratahin si Aljur Abrenica dahil hindi naman natin maipagkakaila na si Aljur na nga ang susunod na pinakamalaking lalaking bituin na meron tayo sa ngayon. Kami rin dito sa Siete Contra Dos ay makikipagpustahan na maaabot ni Aljur ang ang mga naabot na nina Piolo Pascual, Richard Gutierrez, Dingdong Dantes at John Lloyd Cruz. Baka posible pang mahigitan ito ng binatang Kapampangan dahil isa si Aljur sa laging hot topics sa mga discussions and forums. Lalaking-lalaki kasi ang hitsura ng binata na may pagka-astig at suplado.

Nagtatanong si Kuya Germs kung bakit kailangan pang piratahin ng Dos si Aljur dahil marami naman daw ang sikat na lalaking artista sa bakuran nila. Dagdag pa niya na sila na lang ang pagtuunan ng pansin ng management. Naibulalas rin niya na kung kailan napasikat na at na-build up ng Siete ang mga artista ay saka naman aalukin ng kabila para lumipat. Hindi tuloy napigilan ni Kuya Germs na tanungin ang motibo ng kabila. Tanong niya kung kailangan ba talaga ng Dos ang mga artistang ito o talaga lang gusto nilang pilayan ang GMA  sa pamamagitan ng pagkuha sa mga top artists nila.

Ang pangaral niya sa ABS CBN ay lumaban naman daw sila ng patas.

Ang tanong, lilipat na ba si Aljur sa kabilang istasyon?

Sinigurado naman ni Kuya Germs na alam daw ng binata ang magpahalaga ng loyalty at mananatili siya bilang Kapuso.

Sikat ka na talaga Aljur.

Pero hanggang kailan ang katapatan ni Aljur? Masisilaw din kaya siya ng salapi at mga pangako. Iyan ang dapat natin abangan ng susunod na kabanata.

Pero sandali, curious lang kami dito sa Siete Contra Dos. Kung sakaling lumipat nga si Aljur sa Dos, sino naman sa tingin niyo ang pinakabagay na kapareha niya sa mga magagandang Kapamilya young stars natin?

READ MORE >>