Ano na ang Nangyari sa The Echo na Pelikula nina Iza Calzado at Yam Laranas?

Marami ang nagtatanong kung ano na ang nangyari sa The Echo, ang Hollywood movie na remake ng Sigaw, ang horror film nina Angel Locsin at Richard Gutierrez para sa Regal noong 2003. Ginawan ito ng isang remake sa Hollywood at ang original director pa rin na si Yam Laranas ang nagdirek. Kasama pa rin ang original cast na si Iza Calzado.

Matagal nang natapos ang shooting ng pelikula. Sa katunayan noong isang taon pa yata ito. Iisa ang pangamba ng mga nag-aabang na fans nina Iza at Direk Yam. Baka tuluyan nang hindi maipalabas ito sa mga sinehan sa US. Baka tuluyan nang maglaho ang pangarap nina Iza at Yam na ma-penetrate ng tuluyan ang Hollywood.

Nakakalungkot naman kung ganun nga ang mangyari. Sa katunayan very promising naman ang pelikula although puna ng iba na very amateur daw ang cinematography dahil kulang ang special effects ng ginamit. Actually, ang description pa nga ay "halos walang special effects." Ang ginawa ni Yam ay ginamit niya ang kanyang mastery sa lighting o ilaw para magmukhang nakakatakot nga kapag nakita ito sa screen pero talaga naman nakakatakot daw.

Actually maliban sa cinematography, marami ang pumupuri sa pelikula. Marami na akong nabasang magagandang reviews nito. Sabi nga "kung sa tingin niyo raw ay napanood niyo na lahat ng pwedeng makita sa isang horror film, nagkakamali daw kayo kapag mapanood ninyo ang The Echo "

Ang gumawa ng remake nito ay ang film outfit din na gumawa sa The Ring at The Grudge na Vertigo Entertainment.

Nag-try akong mag-research tungkol sa pelikula at nalaman ko na ipinalbas na rin pala ito last year sa mga film festivals like Cannes Film Festival in France noong 25 May 2008. Ipinalabas din ito sa Fantasia Film Festival ng Canada noong 17 July 2008. Nakatakda naman itong ipalabas sa Russia sa 23 April 2009.

Hindi nga lang namin sigurado kung tama ang nabasa namin na sa 19 March 2009 na ito ipapalabas sa mga sinehan sa US.

READ MORE >>

Hot Seat: Richard Gutierrez and Mo Twister

Nagpahayag ng komento si Mo Twister sa naging reaksiyon ni Boy Abunda sa biro ni Vicki Belo. Matatandaan ng nagdayalog ang may-ari ng Belo Group na "if you want to look like Boy, go to Calayan. If you want to look like Dingdong Dantes or Piolo Pascual, come to Belo." Nasabi ito ni Vicki sa programa ni Mo sa GMA na Showbiz Central.

Sabi ni Mo sa kanyang programa, “You’re overreacting with the crying, why are you crying?” Patungkol niya iyan kay Boy na halos umiyak sa programa rin niya sa Dos na Showbiz News Ngayon.

Si Mo na nga ang lalaking Kris Aquino. Taklesa at dere-deretso ang walang prenong bibig. Hindi na dapat pa nagsalita ng ganito si Mo at hinayaan na lang niya sanang mamatay ang isyu. Hindi ito makakatulong para pakalmahin ang loob lalo na si Boy.

Pero kung iisipin mo nga naman ng mabuti, meron naman katotohanan ang sinabi ni Mo. Naging OA talaga si Boy dahil sa pag-aakalang makakatulong ang isyu para paangatin ang ratings ng SNN. Pero dahil siguro nakita niya na wala itong epekto, nagsabi na siya na hinding-hindi na raw siya magsasalita tungkol sa tampuhan nila ni Vicki.

********

Ano naman itong pinag-uusapan tungkol sa pag-iinarte ni Richard Gutierrez sa taping ng Zorro sa Bataan? Masyado na umakyat sa ulo ni Richard ang konting tagumpay at kapag nagpatuloy siya sa ganito ay hindi malayong babagsak na lang siya bigla.

Dinayo daw ng staff ng isang showbiz talk show ang shooting ng aktor para ito ay ma-interview. Meron daw basbas ang naturang interview mula sa mga executives ng programa. Naghintay sila ng ilang oras para lang ma-interview si Richard. Dahil isa raw sa requirement lagi ni Richard na kailangan malaman niya in advance ang lahat ng itatanong sa kanya, ibinigay ng staff ng talk show ang listahan ng katanungan nila. Pero laking gulat na lang daw nila noong ayaw na raw magpa-interview ang anak ni Annabel Rama dahil meron daw katanungan doon na pilit pa rin nag-uugnay sa kanya at kay KC Concepcion.

Ayaw na raw niya pag-usapan pa ang dalaga dahil naipalabas na raw at kumita ang pelikula niyang When I met You.

O di ba, nagtataray ang lolo Richard natin? Maliwanag pa sa sikat ng araw na cheap publicity lang ang mga pinaggagawa nila noon ni KC sa TV. Talagang pinalabas nila na nagkakamabutihan sila at may mga regalo pa sila sa isa't isa. Lahat ng ito ginawa nila para lang panoorin ang kanilang pelikula.

Bakit pa kasi hindi na lang gawing loveteam ang Jewel Mische-Richard? Baka naman ito ang ikakasaya ni Richard. Bakit kasi ayaw ni Bisaya?

READ MORE >>

Paulo Avelino, Pumapatol nga ba sa mga Bading?

Isa sa dapat tutukan ang career o kailangan i-build up para gawing matinee idol ay si Paulo Avelino ng Starstruck Season 4. Kung ganda rin lang naman ng mukha ang pag-uusapan hindi pahuhuli dyan si Paulo na napakadaling mahalin ang mukha. Napaka-gwapo ng kanyang screen registration at marunong din siyang umarte dahil napanood ko noon siya sa Starstruck.

Ano ba ang ginagawa ng GMA at mukhang mabagal sila sa pag-build up ng isang talent. Bakit hindi si Paulo at mga home grown talent ang bigyan ng importansiya at hindi ang mga alaga ng kung sinong mga talent manager na wala namang utang na loob kapag sumikat na nang husto ang kanilang alaga. Sakit lang ng ulo ang mga ganitong manager na pilit hinihila ang imahe ng network dahil sa pakikipag-away lang ang inaatupag. Tama ba ako Annabel Rama?

Napakagandang project para kay Paulo ang Stairway to Heaven kung sakaling gagawin nga ito ng GMA. Malaki pa ang hawig niya kay Cholo, ang pangunahing lalaking character sa Koreanovelang ito. Isang plus factor na iyan.

Pero sa likod ng maamong mukha ni Paulo, hindi pa rin nawawala sa kanyang anino ang intrigang pilit na ikakabit sa kanyang pagkatao. Isa daw kabit si Paulo ng bading o pumatol noon si Paulo sa mga bading bago pa siya nagsimulang makilala sa Starstruck.

Lumalaban palang siya noon sa malawakang talent search nang pinag-uusapan na ang kanyang naging connection sa mga kabadingan. Actually, ang discoverer ni Paulo ay ang namayapang bading na entertainment writer - talent manager ni si Joey Diego.

Sabagay hindi na natin maiaalis ito sa kultura ng mga manonood ng telebisyon. Lagi ikinakabit ang pangalan ng isang aktor sa mga bading sa showbiz lalong-lalo na sa manager nito. Sino na nga ba ang mga aktor natin ngayon na na-tsismis ng ganito? Nandyan si Dingdong Dantes, Richard Gomez, Dennis Trillo at marami pang iba. At sino na nga ba ang mga artistang ito sa ngayon? Sila lang naman ang mga sikat at hinahangaan na.

Hindi malayong maging big name din si Paulo Avelino na tubong Baguio City. Nag-aral siya sa Saint Louis University at kaibigan ng yumaong aktor na si Marky Cielo. Mabigyan lang siya ng tamang break ay sigurado ako malayo ang mararating ng binata.

READ MORE >>

Karen Davila, Suspendido?

Hindi raw ngayon nakikita si Karen Davila sa early evening newscast ng Dos na TV Patrol World. Marami na raw televiewers ang nakaka-miss sa kanya.

Ayon sa tsika, kasalukuyan daw suspendido ang award winning journalist na nakilala sa Siete. She was allegedly reprimanded by the big bosses of ABS-CBN's News and Current Affairs for endorsing a certain product. Mukhang ganito rin ang kaso noon ni Mel Tiangco na naging dahilan ng paglipat niya sa Siete.

Kasalukuyang si Pinky Webb ang pumalit pansamantala kay Karen.

**********

Naiinip na ang mga fans ni Toni Gonzaga sa susunod nitong projects sa Dos at sa Star Cinema. Ang dami na raw e-mails ang natatanggap ng mother studio nito requesting them to do a movie soon for Toni and of course ang gusto nila kapareha nito ay si Sam Milby.

Mukhang binubuhay nga ang issue about Sam and Toni's past pagkatapos umamin in public na wala na ang relasyong Sam-Anne Curtis. Hindi kaya publicity na ito sa gagawin nilang movie?

Pero kasalukuyan naman ang partner ni Sam sa teleserye ay si Angel Locsin. Kasalukuyan naman daw may ginagawang pelikula ang binata at si Bea Alonzo. So, ibig ba sabihin nito ay matatagalan pa bago mapagbigyan ang mga fans dalaga na huling nakita sa isang episode ng Maalaala Mo Kaya?

**********

May isang e-mail from a reader of my blog asking me of my opinions sa latest development ng away ni Annabelle Rama sa GMA network. Sumagot na kasi ang kontrobersyal na talent manager sa isang press confrence noong Biyernes and as usual, nagpakita na naman ng kawalan ng breeding ang nanay nina Ruffa at Richard Gutierrez.

Nabasa ko ang ilan niyang sagot at talagang maawa ka sa line of reasoning ni Bisaya. Nakakapagtaka nga lang na marami siyang kaibigang reporter at natatakot o kumukunsinti dito. Ito ang isa sa mga masamang pangyayari meron tayo sa showbiz entertainment. It's whom you know and it's not what you know ang kalakaran. Pero kung darami pa ang tulad kong bloggers na magpahayag lang ng kanilang opinyon, posibleng malalaman nila na sobrang nega na si Bisaya sa madla.

Pero gagawan ko pa rin ng entry ang mga sagot ni Bisaya at iisa-isahin uli natin ang mga punto niyang nakakatawa. Kinakalap ko pa lang kasi ang mga pinagsasabi niya sa kanyang press conference.

*********

Sa atin namang search for Goddess of Philippine TV, mukhang marami pa rin ang nagmamahal kay Heart Evangelista despite the bad publicity she got last week. Hindi masyado naapektuhan ang dalaga sa isyung pagtanggi sa isang afternoon soap.

Tama rin siguro ang naging desisyon ng GMA na bigyan na si Kris Bernal ng isang palabas na masasabing siya talaga ang bidang babae. Meron na rin malawak na fan base ang dalaga na produkto ng Starstruck. Sana nga ay magtuloy-tuloy na rin ito para dumami pa ang mga big names sa GMA.

Isa pang Strastruck ang may potential na sumikat ay si Rich Asuncion. Marami rin ang nagkakagusto sa dalaga na taga-Bohol. Nakakabilib itong si Rich dahil napagsasabay niya ang kanyang showbiz career at ang pag-aaral. Kasalaukuyang nag-aaral din si Rich sa UP Diliman. Sana lahat ng artista ay katulad ni Rich na marunong magpahalaga sa edukasyon. Siyanga pala, bagay si Rich na gumanap bilang pangunahing bida sa Stairway to Heaven kung sakali nga na gagawan ito ng adaptation ng Channel 7. Siya yung bidang babae na nabulag at namatay sa istorya. Pwedeng sila ni Paolo Avelino.

READ MORE >>

Pandadakma ni Ai Ai de las Alas sa Bukol Ni Piolo Pascual, Sang-ayon ba Kayo?

Sang-ayon ba kayo si ginawang pandadakma ni Ai Ai de las Alas sa harapan ng aktor na si Piolo Pascual?

Pinag-uusapan na naman ang ginawang pagdaklot ni Ai Ai de las Alas sa crotch ni Piolo Pascual sa stage ng Araneta Coliseum noong nakaraang Linggo habang ginagawa nila ang Pop Icons concert. Nabigla daw daw ang aktor sa ginawa ni Ai Ai pero nagpadala naman daw na ng apology ang komedyana thru SMS or text. Grabe naman si Ai Ai dahil ginawa rin niya uli ito kay Piolo noon, di ba?

Wala akong makitang maganda sa ginawa ni Ai Ai kahit sabihin nating magkaibigan sila. Come to think of the fact na marami ang mga bata o menor de edad na taga-hanga ng aktor ay napakalaswa ang senaryong ito. Ang tanong kung hindi kaya kumikita o sikat si Ai Ai ngayon, magagawa niya kaya ang bagay na ito? O malakas lang ang loob niyang gawin ito kay Piolo dahil pakiramdam niya sikat siya at hindi na lang iimik si Piolo.

Isa itong pagpapatunay sa kasabihang "tell me who your friends are and I will tell you who you are"." Sa ginawa na ito ni Ai Ai parang nakikita ko noon yung mga publicities ni Rosanna Roces lalo na noon sa Startalk. Mukhang nagmana na ang komedyana sa dati niyang kaibigan. O baka naman si Rosanna ang nagmana kay Ai Ai?

Napaka-cheap ng publicity na ito at ang mga pangyayaring ganito ang nagpapababa sa imahe ng showbiz sa publiko. Aware naman ang lahat na ang tingin ng mga ilan sa Philippine entertainment industry ay pugad ng kalaswaan, droga, kaplastikan, away-away, agawan, sulutan, etc.

Naku, kailangan na pangaralan si Ai Ai bago siya gumawa ng iba pang "kababuyan." Baka mamaya bigla na lang may ordinaryong taong mandakma din kay Piolo sa mga gigs nito. Maloloka ako kung idadahilan niya sa presinto na kaya niya dinakma ang aktor ay dahil "akala niya ay okay lang iyon dahil ilang beses nang ginawa ni Ai Ai at hindi naman pumalag si Piolo." Baka sabihin pa niya na "akala ko kasi si Piolo ay pwede dakmain na lang ng kahit sino!"

Speaking of Ai Ai, hindi maganda ang response ng mga manonood sa show nila ni Ruffa Gutierrez na Ruffa and Ai. Habang tumatagal ay lalong nakikita ang weakness nila na wala silang team work and chemistry. Nagsasapawan daw sila lagi sa kanilang morning talk show. Baka magkatotoo ang hinala ng marami na hindi ito tatagal sa ere.

READ MORE >>

Sino ang Mga Binibini Candidates na may Dyowang Actors?

Dahil malapit na ang Binibining Pilipinas, I am now finalizing my prediction on who will barge to the prestigious Final 12. Hindi ko alam kung 12 ba ang semi-finalists ngayong taon or 10 lamang pero since there are 24 lovely ladies who are competing, I might just get the top and the bottom halves.

Matinik pala itong si Joross Gamboa na artista ng Dos. Akalain mo naging dyowa niya pala ang isa sa front-runner ng kompetisyon na ito. Ang tinutukoy ko ay ang candidate number 2 na si Carishiela May Kuijpers.

Maganda ang registration ni Carisheila sa camera at mga pictures at meron siyang background sa modelling kaya siya ay napapansin. In fact, sa mga beauty fanatics na hindi Pinoy ay si Carisheila ang napapansin nila at wish nilang manalo bilang Binibining Pilipinas-Universe. Ang magiging problema lang ng dalaga ay ang kanyang height dahil 5'6" lamanng ito. Sabagay, si Pornthip Nakhirunkanok nga ng Thailand ay 5'3"lamang noong manalo siyang Miss Universe noong 1965.

Isa pa si Polo Ravales ang meron nobyang kasali sa kumpetisyon. Siya naman ang candidate number 6 na si Ma. Paula Bianca Paz na kinakatawan ng Baguio City. Lumaki ng US ang dalaga at pumunta lamang dito sa Pilipinas para matupad ang kanyang pangarap na makasali sa paligsahang ito. Siguro halos isang taon na rin siya dito dahil sa patakaran ng Binibining Pilipinas na kailangan tumira ka sa Pilipinas ng 6 months before the registration para hindi questionable ang iyong citizenship. Ito ang naging problema noon nina Anjanette Abayari, Tisha Silang at Janelle Bautista.

Ayon sa mga nakakasaksi sa mga activities ng mga candidates, malakas din daw ang laban ni Ma. Paula Bianca pero kung hindi man siya palarin na hindi manalo sana hwag siyang mawalan ng gana na sumali uli sa susunod na taon. Pero malakas din ang kutob ko na papasukin niya ang mundo ng showbiz kapag maglagi pa siya dito sa Pilipinas.

Speaking of Binibini candidates na may mga dyowang celebrities, of course mawawala ba sa listahan si Abbegail Lesley Cruz na ipinakilala sa soap ni Richard na Lupin? Si Abbegail ang nobya ngayon ng magaling na host ng Philippine Survivor na si Paolo Bediones. Sumali na noon si Abby sa Binibining Pilipinas noong 2007 at siya ang naging second runner up. Noong taon din iyon ay nag-try siya sa showbiz sa pamamagitan nga ng Lupin pero wala ng sumunod na soap after that. Talagang pangarap niya na makasali sa mga international pageants kaya siya sumali uli ngayong taon. Si Abby ang candidate number 24.

Si Richell Angalot naman o Rich Asuncion ay napapabalitang girlfriend pa rin sa ngayon ng isa pang Kapuso artist na si Aljur Abrenica. Hindi pa raw naghihiwalay ang dalawa pero hindi nila inaamin ito sa mga press dahil pinoprotektahan nila ang loveteam nina Aljur at Kris Bernal na ipinapakilala sa bagong pang-hapong soap ng Siete na Dapat Ka Bang Mahalin? Malakas din ang laban ni Rich at namamangha talaga ang mga taong nakasubaybay sa kanya simula Starstruck dahil ibang-iba na raw ngayon si Rich. Ang laki raw ng ipinagbago niya. Siya ang candidate number 3.

READ MORE >>