Nangangamoy Gimik ang Pag-amin ni Aubrey Miles sa Kanyang Anak

Ang pag-amin ni Aubrey Miles sa matagal niyang lihim ang naisip niyang pinakamabuting paraan para manumbalik ang matamlay na niyang career pagkatapos manganak sa unang baby nila ng hunk na si Troy Montero. Ang tanong, makakatulong kaya ito?

Nangangamoy gimik ang pag-amin ng magandang sexy actress na nagkaroon siya ng anak bago pa siya inilunsad na sexy star ng Regal Films. Totoong nagkaroon siya ng anak sa isang starlet na kasamahan niya dati sa Best Friends na pumalit sa That's Entertainment ni Kuya German Moreno. Ang ama ng bata ay si JP Obligacion. Inamin mismo ito ni Aubrey sa beteranong host na si Boy Abunda.

Karamihan na sa showbiz ay alam ang sekretong ito bago pa man nagkaroon noon ng sagutan sa ere sina Aubrey at Cristy Fermin. Naalala pa namin kung paano umiyak at dumepensa si Aubrey kapag tinitira siya ni Cristy sa mga shows nito at columns sa mga tabloids. Deretsang pinabulaanan ito ng dalaga.

Pero hindi namin masisisi si Aubrey dahil gusto niyang alagaan ang kanyang career noong mga panahong iyon. Dito nga naman siya kumukuha ng pera para mabuhay ang anak na lalake na ngayon ay 8 years old na. Pero hindi rin namin, gino-glorify ang ginawa ni Cristy. Masyado kasing agresibo noon ang kolumnista at wala naman siyang dahilan para ibunyag ang lihim ng actress.

May karapatan si Aubrey kung ano ang gusto niyang ilihim lalo na at wala naman siyang inapakang tao sa panahong iyon. Kagustuhan naman ng lahat ng partidong sangkot ang kanyang ginawang denial kaya wala tayo sa posisyon na nakawan siya ng bagay na ayaw niyang maisa-publiko. Ito ang hindi naunawaan noon ni Cristy.

Pero ang malaking katanungan ay makakatulong ba ang pag-amin na ito ni Aubrey para bumango muli ang kanyang pangalan? Kakamuhian ba siya ng mga fans na naniwala noon sa kanya. Isipin kaya ng mga fans na sila ay naloko?

Sinabi ni Boy na si Aubrey mismo ang tumawag sa kanya upang ipaalam na sa publiko ang matagal na niyang lihim. Pagkukusa daw ito ng dalaga na naging representative ng Pilipinas sa first edition ng Amazing Race Asia.

Pero bago pa lumabas ang balitang ito, usap-usapan na rin sa showbiz ang kanyang pagbabalik-telebisyon at pelikula. Marahil lumabas ito para magkaroon ng ingay ang kanyang muling pagpasok sa showbiz.

READ MORE >>

Amazing Race Asia Alumna Paula Taylor Will do a Movie with Vic Sotto?

Sino sa inyo ang sumusubaybay sa sikat na Amazing Race Asia? I bet marami sa inyo ang katulad ko ang naaadik sa show na ito dahil ayon sa statistics, sa lahat ng bansa sa South East Asia, ang Pilipinas ang may pinakamaraming fans ng show na ito at sumusunod lamang ang Malaysia.

Kung napanood ninyo ang Season 2 ng programang ito, maaaring kilalang-kilala niyo na ang naging representative ng Thailand na balitang kasintahan ngayon ni Marc Nelson na siyang kumatawan naman sa atin kasama si Rovilson Fernandez. Si Paula Taylor ang aming tinutukoy na unti-unti na rin ginagalugad ang lahat ng opportunities meron sa Pilipinas.Naku, bawas trabaho ito sa mga authentic Pinoy. LOL

Interesado pala ang Eat Bulaga na kunin si Paula bilang isa sa mga hosts pero hindi ito natuloy dahil hindi marunong ang dalaga na magsalita ng Tagalog. Pero mukhang makikita natin siya sa big screen one of these days kung itutuloy ni Vic Sotto ang pelikulang pagtatambalan nila dahil mukhang nabighani rin ang ating Bossing sa dalagang Thai-Aussie-English.

Si Paula ay isinilang sa Thailand pero lumaki siya sa Australia. Ang nanay niya ay isang Thai pero ang ama niya ay British-Australian. Naging VJ siya ng MTV Asia at kilalang-kilala sa Thailand.

Pero alam ba ninyo na noong 14 years old pa lang siya ay in-offeran na pala siya na maging modelo dito sa Pilipinas pero tinanggihan niya dahil nag-aaral pa rin daw siya noon sa high school.

Sa Amazing Race Asia 2, tumapos sila ng partner niyang si Natasha Monks bilang panglima.

Hindi man inaamin nina Paula at Marc, ayon sa aming Pusang Gala, secretly dating daw ang dalawa at matagal na silang mag-on. Lagi nga raw sa bansa si Paula at ganun din daw si Marc sa Thailand.

Kasalukuyan nakikita si Paula sa Pilipinas sa pamamagitan ng kanyang mga commercials na Pantene, Myra-E, Nesvita at Folded 'n Hung. Nakita na rin natin siya sa Sports Unlimited bilang co-host nina Dyan Castillejos at Marc.

READ MORE >>