Ruffa Mae Quinto, Nakitaan ng Boobs sa Dubai; Wendell Ramos, Ninakawan ng Halik
Follow up ito sa nangyaring live show ng Bubble Gang sa Dubai, UAE. May isa na namang Pusang Gala (Salamat, Kuh. Mas maganda nga ito kaysa sa Palakang Kokak) ang nagbalita sa amin tungkol sa mga nangyari. Kung yung una Pusang Gala ay isa sa mga nag-walk out, itong Pusang Gala natin ay tiniis ang oras at pagod matapos lamang ang palabas."Masaya," bungad sa amin nang tanungin namin siya tungkol sa palabas. "Nakakatawa at nag-enjoy talaga kami."
Kinumpirma niya na marami nga ang nagsipag-alisan pagkatapos i-anunsiyo na ititigil muna ang show para bigyan daan ang pagdarasal ng mga Muslim. "Marami na kasi ang pagod sa oras na iyon at gutom na rin. Mag-aalas dos pa lang kasi ng hapon ay napakarami na ang nasa park na naghihintay, kaya siguro hindi nila natiis kasi ubos na rin yung mga pagkain na itinitinda sa loob ng venue. Overprice talaga ang mga paninda sa loob pero naubos pa rin. Tapos kung gagamit ka ng CR, ang lalayo at hahaba ng mga pila para sa babae at lalaki kaya marami ang nainip at halos kalahati nga ang umalis."
Pero hindi mapapansin na marami ang nagsipag-alisan dahil marami pa rin ang mga taong naiwan.
Hindi rin daw totoo na libre ang ticket dahil libre lamang yung mga subcribers ng GMA Pinoy TV sa Orbit. Kung subscriber daw kasi ay may 3 free tickets na siya. At dahil sponsor din ang Western Union, kapag nagpadala ka ng pera sa kanila ay may katumbas ng ticket. Pero ayon sa kanya, meron din mga ticket na ibinenta sa halagang 50 AED o UAE Dirhams.
Sinabi ng aming Pusang Gala na sobrang wild din daw yung mga tao at parang walang mga disiplina. Sigaw sila ng sigaw kahit pinapakiusapan. Isinisigaw daw nila ang pangalan ni Michael V na hindi nakasama dahil nanganak ang kanyang misis.
Pero hindi sina Ruffa Mae o Ogie Alcasid daw ang tinilian kasi si Diego ang may pinakamalakas at may pinakamaraming fans. "Gusto ako ng mga tao dito kasi nakikita nila ako araw-araw. Kamukha ko kasi ang mga camel," biro daw ni Diego na ikinatuwa ng mga nanood.
Sabi namin sa una naming report na isang oras at kalahati lang siguro ang itinagal ng palabas pero ayon sa aming Pusang Gala , mas matagal pa daw kasi nagsimula ito ng 7 pm at nagtapos ng halos alas-dose na ng madaling-araw. Sa makatuwid, halos limang oras ito dahil na rin daw sa dalawang beses na break. Yung pinakamatagal ay 40 minutes.
May isa pang ibinuking ang aming Pusang Gala dahil nag-hello daw ang dibdib ni Ruffa Mae na ikinagulat nito. Nagulat daw sila ng marinig si Ruffa Mae na nagsisigaw ng "Ang boobs ko! Nakikitaan na ako ng boobs!" True enough ay sumilip nga raw ang kanyang malusog na dibdib na ikinatuwa at ikinagulat ng mga manonood. Buti na lang daw at hindi ito nakaabot sa kapulisan dahil baka nahuli daw sila.
Isang eksena rin daw ang nangyari kay Wendell Ramos. Nagulat sila ng may magtangkang humalik sa kanya. Sa katunayan ay nahalikan na raw ang gwapong aktor at narinig na lang nila na nagpoprotesta ang ito. Sinasabi raw niya na hindi pwede siyang humalik dahil bawal nga raw sa public places ng Dubai.
Salamat sa iyo Ms. H dahil ikaw ang aming Pusang Gala.
