Rumesbak naman si Annabel Rama kay Wilma Galvante

Nagpahayag na naman si Annabel Rama ng mga masasakit na salita laban sa Vice-President ng Entertainment ng GMA network na Siete. Sa mga ipinahayag ni Annabel mahahalata mo talaga na kulang na kulang siya sa breeding o kagandahang loob. Kailan kaya matitikman ni Annabel ang matinding karma sa mga pinaggagawa niya?

Ang hindi nalalaman ni Annabel na epekto ng ginagawa niya ay sinisiraan niya ang credibilidad na pinaghirapan kunin ng Kapuso network. Dahil sa kagaspangan ng ugali niya ay napi-picture ng publiko na ang GMA ay istasyon ng mga palaaway at walang respeto sa mga opisyal ng istasyon. Nakakatawa na ipinagmamalaki ni Annabel na kaibigan niya ang mga Gozon pero bakit hindi niya pinoprotektahan ang negosyo ng mga Gozon?

Maraming mga bata ang loyal sa kapuso dahilsa mga fantaserye nito, pero ang ipinapakitang ugali ni Annabel ay nakakasira sa kanilang paghanga.

Marami akong kaibigan na loyal sa Siete pero nag-iiba na ang ihip ng hangin kapag nagsasalita na sila pagkatapos nang pang-aaway ni Bisaya. Kung dati solid ang kanilang pananampalataya, ngayon makakakita ka na ng puwang na kung sundutin mo lang ay tuluyan na silang mawawalan ng gana sa Kapuso.

Ang tanong ko, alam din kaya ito nina Felipe Gozon at ang anak niyang si Annette? Bakit hindi nila pagbawalan o itikom ang bibig ni Annabel? Bakit nila hinahayaan si Annabel na siraan ang pangalan ng Siete na pinaghirapan nilang buuin?

Kung sakali mabasa niyo ito Atty. Gozon at Annette, sana masagot niyo ito dahil ang tanong na ito ang malimit na nasa isip ng mga Kapuso viewers.

Kung bakit unti-unti nang lumalapit ang ratings ng Kapamilya sa ratings ng Kapuso sa Greater Manila Area ay dahil sa pang-aaway na ito ni Bisaya. Aminin man natin o hindi ay apektado talaga ang network dahil sa kabastusan ng talent manager na ito.

Isa pa sa gusto ko malaman ay kung gaano nahihiya na ngayon ang mga anak at asawa ni Annabel? Ano kaya ang reaksiyon nina Eddie Gutierrez, Ruffa, Richard, Raymond at kung sino pa na ang nanay o asawa nila ay kinakakitaan ng kawalan ng pinag-aralan sa mga press releases niya o interviews niya? Sigurado akong hiyang-hiya sila at nagiging paranoid kapag tinitignan sila ng iba pang mga artista dahil sa halimbawang ipinapakita ni Annabel. Pero natural lang na magsinungaling pa rin sila on TV at sabihin na ang nanay nila ay mabait. Sino namang anak ang hindi magsasabi niyan? Example ito nung kasabihan na "she has the face only a mother can love".

Sabi nga nila, you learn your values, behaviours and actions sa bahay mo kung saan ka lumaki. Malaki ang influence ng parents sa paglaki ng isang tao. Ang tanong, kung ganito kawalan ng breeding si Annabel, hindi kaya totoo ang mga napapabalitang nambumbog o naniko si Richard, naging rebelde at maldita si Ruffa at naging maharot na bakla si Raymond sa California? Hindi natin masisisi kung mag-isip ngayon ang mga tao na ang mga balitang ito ay totoo dahil nakikita nila sa ugat kung ano ang ugali ng naging pundasyon nila sa paglaki.

Sabi nga nila walang usok kung walang sunog!

Ugali ito ni Annabel na hindi dapat idamay ang mga anak at asawa. Pero hindi natin mako-control ang iniisip ng mga tao. Napatunayan ko ito dahil sa mga nakausap ko ay ito rin ang tinatanong nila which I think universal.

Sa sitwasyon na ito, nasa panig ako ni Wilma Galvante. Natural lang na sumagot si Wilma sa mga interviews dahil binanatan siya ni Annabel sa TV. Dapat lang na ipagtanggol niya ang sarili niya dahil kung tahimik lang siya, lalo lang siya kinakaya ni Annabel.

Narito ang huling text ni Annabel kay Wilma na very proud ba ipinasa sa mga reporters. Ipinagmamalaki pa ni Annabel na minumura niya si Wilma sa text. Ang tanong ng Siete Contra Dos, ugali ba ito ng isang taong may bait sa sarili at may pinag-aralan?

Kayo ang humusga at basahin dito:

"Napanood ko na rin ang interview mo. Ang kapal talaga ng mukha mong pangit. Talagang duwag ka, puro GMA network ang mga sinasabi mo. Nagmalinis ka pa, 5 years mo na akong kinukutungan. Ngayon ka pa nagrereklamo dahil may mas mataas pang nagbibigay sa iyo kaysa sa akin. Ikaw ang luka-luka.

Kaya ka naman galit sa akin dahil wala ako ibinigay sa iyo ni piso last time na nasa States tayo para manood ng Pacquiao fight. Na-shocked ang lahat sa airport bigla mo na lang akong binati. Alam ko na ang ibig sabihin nun. Datung ang kailangan mo, dollar. Pero sori na lang, wala ka na maaasahan sa akin, maski ipitin mo pa mga talents ko. Doon ka humingi sa mga alaga mo.

Bakit di mo ma-explain ng mabuti tungkol sa bigayan ng pera? Bakit ka parang nabubulol? PAti pautang binanggit mo, wala namang ako pinapautang sa GMA or sa mga EP. Pag ako ang nagbigay, wala ng singilan.

Sabi mo abusada na ako,a ng dami ko demands. Siyempre, ang laki ng investment ko. Minsan lang kita di binigyan, iniipit mo kaagad mga talents ko. Sinusubukan lang kita kung hanggang saan ang pagiging mukha mong pera. Suwapang, sugapa sa limelight. Feeling mo ikaw si Mrs. Gozon o Mrs. Duavit. Grabe ang pagiging ilusyanada mo, ang pangit mo naman sa TV. Pwe, wag kang mangarap.

Wala ka respeto sa akin, mas wala ako respeto sa iyo.Ilalabas ko unti-unti ang mga baho mo. Tingnan ko lang di ba mandidiri ang mga GMA employees at mga boss sa iyo. Dapat sa iyo itali ka na dyan sa gitna ng parking lot. Nagkamali ka na ako pa ang kinakalaban mo. Di kita uurungan, wag mo ako takutin sa lawyer. Dahil maski sino iharap mo, lalabanan kita.

Malaki na talaga ang sira sa ulo ni Annabel. Masyado siya naniniwala sa sarili niya na maganda siya. Di ba kahawig nga raw niya si Mura? Sino naman ang maniniwala sa mga sinasabi niya kung sa text pa lang na ito ay marami na ang inconsistency. Sabi niya na "kapag nagbigay na siya ng pera ay wala na singilan" pero "inamin rin niya na abusada siya at maraming demands dahil malaki ang kanyang investment". Nakakahiya Ruffa, Eddie, Richard at Raymond. Sobra!

So natatakot pala siya sa mga lawyers dahil sinasabihan niya si Wilma na wag siyang takutin sa mga lawyer, walang masama kung magdemanda na si Wilma Galvante. Kung mapatunayan si Annabel na isang foul mouth ay manunumbalik ang credibilidad ng Siete sa publiko na dinungisan ni Annabel.

Wag lang mangyari ang napanood kong pelikulang banyaga na ang isang tao ay pinatay ng isang ordinaryong tao na loyal sa isang negosyo na lagi niya sinisiraan.

Ganun yung pelikulang napanood ko at grabe naman kung talagang mangyari sa totoong buhay. nakakatakot! Pero wag na wag niyo gagawin yun ha!

Ulitin ko lang na may petition to boycott Zorro para ipakita kay Annabel na hindi siya kawalan sa GMA. Layunin ng petition huminto si Annabel sa paninira sa GMA 7.

You can sign your name here http://www.thepetitionsite.com/1/boycot

READ MORE >>

Heart Evangelista, Nag-iinarte

Nasa gitna ngayon ng kontrobersiya si Heart Evangelista dahil na rin sa kanyang manager na may masamang ugali, si Annabel Rama. Tinanggihan nila ang isang panghapong soap opera in the last minute kung kailan naayos na ang casting. Ito ay ang remake ng Muling Buksan ang Puso.

Annabel pulled her out in that project for some reasons. Una, ay makakasira daw sa wholesome image ni Heart ang gumanap bilang nanay o manganganak sa soap. Pangalawa, bawal daw sa kontrata ni Heart para sa isang advertisement nito ang role na gagampanan. Pangatlo, ayaw ni Annabel na ilagay si Heart sa isang panghapong show dahil nasa primetime na nga raw ang Luna Mystica na kasalukuyang show ni Heart.

Kung tutuusin, napakabago ni Heart sa GMA 7 para mag-inarte. Talo pa niya ang mga homegrown talents na walang projects pero heto siya na nagmamaasim considering na binuhay ng GMA ang kanyang naghihingalong career pagkatapos maging matigas ang kanyang ulo sa ABS-CBN kung saan siya galing.

Hindi ko lang maintindihan ang kanyang rason na makakasira ang show sa kanyang wholesome image dahil nagawa na niya ito lalo na noong makipag-live in siya kay Jericho Rosales. Ano pa ba ang gusto niya patunayan?

Kung inyong natatandaan, nagkaroon ng issue si Heart noon sa ABS-CBN kung kaya't nawalan siya ng projects sa Kapamilya. Dumami ang kanyang mga requests and demands katulad ng bawal pagsusuot ng mga damit na kita ang kanyang cleavage or mga kissing scenes. Ngayon ba ay gagawin uli niya ito sa bago niyang tahanan na kumupkop sa kanya?

Pero naniniwala ako na kagagawan lahat ng ito ni Annabel pero hindi natin maiiwasang mag-back fire ito kay Heart lalo na at ganun ang mga nakasaad na rason nila. Masyado nagpo-power trip si Bisaya dahil ang akala niya ay mga alaga niya ang nagdadala sa GMA. Dapat nga magpasalamat siya dahil halos lahat na yata ng alaga niya ay may show dito. Paano na lang kung tuloy-tuloy na ang pagkamuhi ng mga loyal sa GMA at tuluyan nang i-boycott ang mga show ng mga anak niya at mga alaga?

READ MORE >>

Sakit sa Ulo ng GMA 7 si Annabel Rama

Bago kayo magulat kung sino ang nasa picture, iyan ay ang kontrobersyal ngayon na manager na si Annabel Rama.

Isa ako sa mga naniniwala na sakit ng pamunuan ng Channel 7 itong nanay na ito nina Ruffa at Richard Gutierrez. Para sa akin isa siyang anay na unti-unti sumisira sa reputasyon ng Kapuso network.

Nasa gitna na naman nang kontobersiya si Annabel dahil sa mga alaga niya sa showbiz. She pulled out Heart Evangelista sa isa sanang telenobela nito kasama si Dennis Trillo. Ang kanyang rason ay dapat primetime lang ang show nito.

Ngayon naman ay si JC de Vera ang nasasangkot sa isyu dahil gusto siyang ilipat sa ABS-CBN para maka-partner ni Judy Ann Santos sa kanyang gagawing soap sa Kapamilya. Ayaw ni JC ang lumipat sa kabila dahil masaya siya sa Kapuso. Ilang beses na ito sinabi ni JC sa kanyang mga nakaraang interviews. Pero ayaw siyang pakinggan ni Annabel.

Ngayon minura-mura daw ni Annabel ang Vice-President for Entertainment ng Siyete na si Wilma Galvante sa pamamagitan ng text dahil sa isyung ito. Muli na naman ipinapakita ni Annabel ang kanyang kawalan ng breeding. Masyado na malaki ang sungay ng manager na ito. Masyado na malaki ang kanyang ulo at kailangan na siyang bigyan ng leksiyon para matuto siya sa diplomasyang paraan ng pakikipag-usap.

Lagi na lang idinadahilan ni Annabel sa mga interviews niya na siya ay palaban, matapang at ayaw inaapi ang kanyang mga alaga. Pero lumalampas na siya sa pedestal at ang kanyang sinasabing pagkamatapang o pagiging palaban ay pagpapakita na ng pagkaagresibo at kawalan ng tamang asal.

Ang tanong kailangan matuto si Annabel ng leksiyon? Kailan liliit ang kanyang malaking ulo at kailan mawawala ang kanyang pangil at sungay?

Kung ako ang presidente ng GMA network, sisimulan ko nang i-develop ang mga home grown talents at sila ang bigyan ko ng mga projects hanggang sa makilala na sila ng tuluyan. Sisimulan ko na rin limitahan ang mga projects ng alaga niya upang sa ganun ay matuto siya ng kanyang leksiyon.

Alisin natin ang mga alaga ni Annabel na sina Richard, Raymond, JC, Heart at iba pa. Palitan natin sila nina Jewel Mische, Aljur Abrenica, Kris Bernal, Paulo Avelino, Steff Prescott, Vivo Ouano, etc. Hindi ba pwede?

GMA, napakaraming pwedeng i-develop sa inyong kwadra. Mabigyan lang ang mga batang ito ng mabibigat na projects ay siguradong mawawala sa anino ninyo ang mga alaga ni Annabel Rama. Darating agad ang araw na hindi niyo na kailangan pang kunin ang serbisyo ni Annabel na obvious naman walang utang na loob at walang modo.

Si Annabel ang problema ninyo sa ngayon at siya rin ang unti-unting sumisira sa inyong reputasyon.

Ang masamang ugali na ito ni Annabel ang unti-unting nagpapabagsak sa kanyang anak na si Richard Gutierrez. Hindi kaya niya napansin na bumababa na ang popularidad ng kanyang anak na masyado niyang ipinagmamalaki? Isang example na lang itong poll namin dito sa third column ng aming blog. Sa lahat ng sumagot sa tanong na kung sino ang pinaka-mainit na actor sa ngayon, 9% lamang ang may gusto sa anak niya. Ito ay 79 na boto lamang kumpara sa 474 na boto para sa nangungunang si Dingdong Dantes.

READ MORE >>