Nagtapos din ang Pinoy Fear Factor

Nagtapos na rin ang palabas na Pinoy Fear Factor pagkatapos itong "piliting" maipalabas sa loob ng halos tatlong buwan at kalahati. Bakit ko binanggit ang salitang "pilitin"? Kasi naman, halatang pinahaba talaga ito at binitin-bitin ang mga manonood magtagal lamang ito ng one season o katumbas ng tatlong buwan. Kung tutuusin ay pwede mapanood lang ng isang buwan ang naturang reality show kung tatanggalin ang mga unnecessary spiels and footage na isinaksak nila sa show.

Hindi lang ang paulit-ulit na spiels ng host na si Ryan Agoncillo ang nakakairita kundi ang advertisement pa bawat linggo tungkol sa mga ordinaryong tao na hinahamon din sa isang nakakadiring task. Ito yung hosted by the those eliminated contestants. Isama mo na rin iyan yung mga interview sa mga tao ng kung anu-anong katanungan.

Naiba na talaga ang concept ng Fear Factor version na ito kumpara sa original na show. Masyado madaldal kumbaga ang Pinoy Fear Factor. Yung 30-45 minutes nitong show araw-araw ay kasya lang sa loob ng limang minuto kung ito ay edited ng maayos. Masyadong ginawang commercialized.

Sigurado hindi nalugi ang Kapamilya sa mga advertisement na pumasok dahil sa tagal nito sa ere kahit nagmukha na itong cheap.

Siya nga pala, hindi totoo yung naisulat ko dito na si Janna Dominguez ang nanalo. Siya ang tinanghal na runner up ni Jommy Teotico, isang model at kinainisan ng mga babae noong nagsisimula sila sa Argentina dahil sa pagiging alaskador nito at pagiging matabil. Isang publicity lang pala iyon.

Ano kaya ang masasabi ni Phoemela Baranda na halatang kinamuhian ang binata dahil ang tingin niya dito ay isang maingay na tao pero wala naman napapatunayan? Kumbaga ay isang latang maingay sa labas dahil wala namang laman.

Ngayong si Jommy nga ang nanalo, nagbago kaya ang pananaw ni Phoemela na dating pinaka-in demand na female model some 5 years ago?

Kumusta na rin kaya iyong kumakalat na petisyon dati to stop this show dahil sa hindi makatarungang pagtrato sa mga hayop na ginamit sa show? Batid ko na marami ang nagalit dahil binalatan nila yung mga daga at iba pang hayop para lang ipakain sa mga contestants. Isa iyan noon sa mga punto ng mga animal rights groups na ginamit para makalikom ng boto around the world to stop Pinoy Fear Factor. Ang tanong, meron pa kaya itong Season 2?

Pero in fairness sa show, maganda naman ito kung naging fast-faced lang katulad noon sa US version nito. At hanga ako kay Ryan Agoncillo sa galing niyang mag-host. Mukhang natural siya sa kanyang hosting style dito although medyo nangapa pa siya noong una. Ayaw ko lang yung naging treatment nila sa mga animals at ang mga alyas ng bawat contestant na ginawa nilang publicity like Supermanuel or El Gato de Parola, etc.

READ MORE >>

Janna Dominguez is Pinoy Fear factor First Winner?

Kasabay ng pag-uso ng mga realities shows ang mga iba't ibang websites na nagbibigay rin ng mga spoilers o paglalantad sa mga future events sa isang reality show. Itong mga spoilers na ito ay meron mga basis kaya kadalasan ay tama sila. Meron din mga sinasabing "spoilers" ngunit itoý mga haka-haka lamang at walang batayan. Gawa-gawa lang ng mga fans na pinik-up ng marami.

Noong nagsisimula pa lamang ang Survivor Philippines, kumalat sa mga websites na ang winner ay si JC Tiuseco at nagkataong tama nga naman. Nalaman daw ito sa mga empleyado ng GMA na nag-uusap sa isang coffe shop.

Ngayon naman, ang dating katapat ng reality show ng Siyete na Pinoy Fear Factor ang may kumakalat na spoilers. Si Janna Dominguez daw ang siyang nanalo at hindi ang inaasahan na si Manuel Chua ng Cabanatuan City.

Nalaman daw ito nang madulas si Cristine Reyes na kasamahan ni Janna sa teleseryeng Eva Fonda. Nasabi daw ni Cristine na dapat si Janna ang manlibre dahil sa pagkakapanalo niya sa Fear Factor. Ngumiti na lamang daw ang dalagang may makinis na balat sa insidenteng iyon habang binibiro daw ng press si Cristine na manlibre.

Si Janna na lang nag natitirang babae na lumalaban para sa 2 milyon pesos na premyo kasama ang house and lot. Kung tutuusin ay hindi mo iisiping tatagal pa si Janna dahil lubhang malalakas ang mga kalaban nitong mga lalake gaya na lang ni Manuel na ilang beses na rin naka-break ng Fear Factor records. Isama mo na rin dyan si Jommy Teotico na humahabol din kay Manuel.

Pero hwag natin maliitin ang kakayahan ni Janna dahil minsan kung sino yung mga hindi natin inaasahang mananalo ay ang mga ipinuproklamang winner. Depende rin kasi iyan sa swerte pagdating sa uri ng challenge na susuungin ng mga participants pagdating ng finals. Since meron pang babae sa final 4, si Janna nga, asahan natin gagawin nila ang challenge na may equal opportunity for both sexes na manguna. Dahil dito, hindi nga imposibleng baka si Janna ang tatanghaling First Pinoy Fear Factor winner.

Si Janna ay dating Wowowee girl o yung mga back up dancers sa noontime show na Wowowee. Ang kanyang ama nag nagtattrabaho sa Japan ang dahilang ni Janna sa pagsali sa reality show na ito. Gusto na raw niyang pauwiin ang ama kung sakaling siya ang manalo.

Ang isa pa sa final 4 ay ang binatang lumaki sa Austria, si Marion dela Cruz.

READ MORE >>