Dos, Malapit na Uli Mag-Number 1 sa Rating?

Naku, dapat lang na matakot ang GMA network sa huling kaganapan sa ratings ng mga television shows in Metro Manila. Nanganganib na ang kanilang supremacy. Nabalitaan kasi namin na sa latest AGB ratings result naka-ungos ang dalawang programa ng Dos na dati-rati naman ay hindi nangyayari since the last quarter of 2004 when Kapuso managed to be on top of the ratings game.

Isang gabi na ang Tayong Dalawa nina Jake Cuenca, Kim Chiu at Gerald Anderson at ang Only You nina Angel Locsin, Sam Milby at Diether Ocampo ay naungusan ang lahat ng primetime shows ng Siete. Ang nakakatawa pa dito ay parehas na programa ay may mga artistang originally ay contract stars ng Siete mismo. Kaya parang ang mga talent na sinimulan i-build up ng Kapuso ang siya ring dahilan ng kanilang pagkatalo. Ang tinutukoy namin ay sina Jake at Angel.

Dapat lang na seryosohin ito ng GMA kung ayaw nilang maagaw muli ng Dos ang pagiging number one sa Metro Manila. Hindi maikakaila na dumidikit na talaga ang mga programa ng Dos sa mga programa naman ng Siete. Sooner or later, magugulat na lang tayo na Dos uli ang number one na TV station sa Pilipinas in terms of advertising.

Natatandaan tuloy namin na noong 2004 pagkatapos manguna ang GMA sa ratings game, may isang manghuhula na napanood namin sa Kapamilya na nagsabi na ang pagiging number one ng Kapuso ay pansamantala lamang. Sabi pa niya na hanggang third quarter lang  ng susunod na taon sila maghahari (so mga 2005 dapat iyon). Hindi naman nangyari ang kanyang hula pero mukhang nakakabahala (kung ikaw ay isang GMA fan) ang sinabi niya na pansamantala lamang ang pagiging number one ng Siete. Ibig sabihin ay darating ang araw na Dos uli ang hari sa ratings.

Pero may isa rin kaming  na-obserbahan sa mga fans ng dalawang network na nag-aaway sa internet. Noong kulelat ang Dos sa ratings, ang lagi nilang depensa ay hindi raw sila naniniwala sa ratings dahil may daya daw. Pero mukhang nag-iba ang ihip ng hangin dahil tuwang-tuwa naman sila noong maging number one ang Tayong Dalawa at Only You. Ano ba?

Ang mga fans naman ng Siete ay maingay sa pagkondena noon kay Annabel Rama na siyang sumisira sa imahe ng Kapuso kaya maraming na-turn off dito at naglipatan sa Dos. Kailangan daw maalis na si Annabel para hindi maapektuhan ang mga shows ng Siete by boycotting the shows of her alaga. Pero heto sila ngayon na mega suporta naman sa Zorro na kung saan bida ang anak ni Bisaya na si Richard Gutierrez.

Ang mga fans nga naman. Ang daming drama. Parang soap opera din.

READ MORE >>

Some Loopholes on Tayong Dalawa Series

Sa kuwentuhan namin ng aking kaibigan na die-hard fan ng Dos, nalaman ko ang ilang mga loopholes ng pambato ng Kapamilya network sa primetime soap opera block na Tayong Dalawa nina Gerald Anderson, Jake Cuenca at Kim Chiu.

Wala kasi akong masyadong tinututukan lately na mga soap opera dahil na rin sa problema sa oras at kawalan ng medium para panoorin ito pero paminsan-minsan naman ay nakakapanood ako online.

Gusto lang iparating ng aming kaibigan na nagsisilbing Pusang Gala rin namin na imposible daw  na nakalusot sa video editor ng Tayong Dalawa ang isang eksena na kung saan tinawag ng tatay ni Kim o Audrey sa programa si Gerald sa tunay niyang pangalan at hindi yung character niya bilang JR (David Garcia, Jr.)

Ang eksena ay kinakausap o kinukompronta ng Chinese father ni Kim si Agot Isidro bilang nanay. Ang dialogue daw ng gumanap na father ay "G**** ang GERALD na iyan!"

Ang pangalan na Gerald ang kanyang sinabi at hindi JR na siyang pangalan ni Gerald sa series. Nagtataka siya kung paano nakalusot sa editor at direktor ang scene na ito.

Naghihimutok din siya na hindi na raw niya nakakayanan ang akting ni Gerald sa series. Ayon sa kanya, "fanatic siya sa Tayong Dalawa at walang araw na hindi niya ito pinapanood pero kapag si Gerald na daw ang nasa screen ay nagpa-fastword na lang siya." Dagdag din niya na magaling daw si Jake.

Sagot ko naman na in fairness to Gerald ay sobrang nai-inlove ako sa facial features niya lalo na ang kanyang mga mata na parang nang-aakit. Siguro, with more workshops hindi mahirap mahalin si Gerald. Sa ganyan din namang paraan nagsimula karamihan ng mga artista natin na kinikilala nating magagaling sa ngayon.

As for Jake, hindi ko pa kasi masyado nakikitaan ng matitinding eksena pero may potensyal din naman siya. Kaya hindi pa ako maka-agree sa kanya kung magaling na nga siya.

Sa ngayon ay hinihintay ko ang kanyang kasagutan kung tinanggap na ba ng consul ng US ang suhol o bribe na ibinibigay sa kanya ng pamilya ni Kim o Audrey. Tungkol pa rin ito sa show, huh.

Sabi niya kasi na mawawalan daw siya ng tiwala sa writers ng Tayong Dalawa kung sakali man na tinanggap nga ng Amerikano ang bribe. Ang banat niya, conscious at may effort daw ang American government na palabasin sa mga movies and TV shows na hindi nasusuhulan ang kanilang mga government officials. Kaya imposible raw na masuhulan sila sa halagang 10 million pesos.

Hindi kaya mas mahal lang ng aming kaibigan ang Amerika kaysa sa lupang kanyang sinilangan?

Tama ba ako Sibwakle? Tignan natin ang susunod na kabanata.

READ MORE >>