Third Party sa Mart Escudero at Jennica Garcia Break Up

Nawalan ng ingay ang mga pangalan ng magkasintahang (real and reel life) Mart Escudero at Jennica Garcia nitong nakaraang taon pero unti-unti sila nagkakaroon ng media mileage dahil sa napapabalitang break up nilang dalawa.

Third party raw ang dahilan ng hiwalayan at ito'y sa panig ni Mart. Chickboy talaga yata ang mga Escudero. Nahuli daw ni Jennica ang lahat dahil sa cellphone na naiwan ni Mart. Isang babae ang tumawag at dahil wala ang binata ay napilitan itong sagutin ng anak ni Jean Garcia at Jigo Garcia. Nalaman daw ng pobreng Jennica na kasintahan din ni Mart ang babae sa telepono. Pero nang kumprontahin ni Jennica si Mart ay nag-deny daw ang Kapuso talent na produkto ng Starstruck: The Next Level.

Dahil dito ay napilitan daw si Jennica na tanungin ang babaing caller at dito nga raw niya nalaman na sila ay pinagsabay. Si Jennica na raw mismo ang nakipaghiwalay.

Napakalungkot naman kung ito nga ang tunay na nangyari dahil halatang mas nagmahal si Jennica. Ano na lang kaya ang masasabi ng ina ni Jennica na si Jean Garcia na hayagan noon ang pagkagusto sa binata para sa kanyang anak.

Pero kung sakali man na ito'y ginawa nga ni Mart ay hindi na nakakagulat. Bata pa kasi ang aktor at marami pang alam na kalokohan. Isa sa naalala ko sa kanya ay ang kwentong kapilyuhan na kanyang ginawa sa isang bakla sa loob ng toilet. Umiihi daw ang nasabing bakla nang ito ay video-han ng aktor gamit ang kanyang cellphone.

Meron talaga pagkatuso itong si Mart pero para sa akin ay natural lang iyan sa kanyang edad. Nasa stage kasi siya na hyper at laging curious sa lahat ng bagay. Ganyan din ako noong nasa ganyan akong age. Sige lang ng sige tapos magsisisi sa bandang huli kapag may pagkakamali.

Sana nga maging mature na agad si Mart na Mart Enrico Cruz Escudero sa totoong buhay. Actually, Mark Butler siya dahil ang ama niya ay isang Amerikano at ang ina naman ay isang Filipina.

Kung nakakatawa naman ang paksa, naalala ko ang minsang puna ni Alfie Lorenzo. Si Mark daw ay lumalaki ang butas ng ilong habang nagdadrama bagay na hindi ko naman pa napapansin.

Mapapanood si Mart sa kasalukuyang umaaribang pangatlong tambalan ng pinakamainit na love team sa ngayon - ang Ang Babaeng Hinugot sa Aking Tadyang nina Marian Rivera at Dingdong Dantes.