Anong Meron sa Cellphone na Ninakaw kay Marian Rivera?

Nakatanggap ako ng isang e-mail mula sa isang kaibigan at die hard fan na rin ng sikat na aktres ngayon na si Marian Rivera. Nabasa daw niya ang isang pangyayari sa shooting ng teleserye nila ni Dingdong Dantes na Ang Babaeng Hinugot sa Aking Tadyang. Ito raw ay isinulat ng isang identified sa Channel 2 na si Ogie Diaz. Pinik-up ito ng isa pang fan ng aktres and the person posted the article on a popular forum.

Ayon sa balita, nag-iiyak daw si Marian Rivera dahil nawawala daw ang kanyang cellphone sa shooting ng kanilang teleserye sa Tagaytay. Hindi raw mapatigil sa pag-iyak ang aktres dahil more than an hour na raw sila naghahanap pero hindi pa rin makita. Lahat na raw ng staff sa nasabing show ay tumulong na rin pero hindi pa rin daw sapat para matagpuan ito.

More than a hundred thousand pesos na rin daw ang ibibigay sa kung sino man ang makakapagpabalik sa cellphone. Sobra namang mahal ang value ng cellphone na ito kung sakali man totoo.

Ang agad na naisip ko ay una nang ibinalita ito ng isang taong identified sa Channel 2. Hindi na nakakagulat.

Meron siguro mga iniingatang mahahalagang impormasyon na nakatago sa cellphone ni Marian dahil hindi naman siguro mag-iiyak ang magandang dalaga ng todo-todo kung nawala lang ang cellphone dahil kayang-kaya naman niyang bumili ng kapalit. Ang balitang pabuya na isandaang libong piso ay maaring exaggeration lamang. Pero nakakakaba nga naman kung sakali man may mahahalagang impormasyong anytime ay pwede gawing issue against sa dalaga.

Isa lang ang naiisip ko. Hindi ko maiiwasang isipin na may intensiyong nakawin ang naturang cellphone dahil lamang sa kagustuhan ng ilan na mapabagsak ang isang tao. Sinasabi ko ito dahil ito ay realidad sa ating entertainment industry. Marami ang gumagawa ng lahat ng paraan dahil sa kagustuhan sila ang manguna or magtagumpay. Speaking here of crab mentality.

Hindi ko pinaparatangan ang sinuman na galit kay Marian na ito nga ang mismong nangyari pero posible. Sa isang imbestigasyon, isa-isahin mo ang lahat ng mga anggulo ng isang kaso o subject at saka mag-undergo ng process of elimination. Ang anggulong aking nabanggit ay isa sa pwede ng tutukan lalo na at realidad ito na nangyari na sa mga sikat at papasikat ng mga artista natin simula pa 1970's or mas matagal pa.

Kaya kung maglitawan na ang mga masasamang press releases against Marian Rivera, huwag na tayo magulat. Posibleng naplano na ang lahat. Sino ngayon ang hindi mag-aakalang walang demolition job laban sa isang magandang dalaga na wala naman inaapakang tao kundi may hangarin lang matupad ang kanyang pangarap?

Ang pagnanakaw ng mga personal na bagay ng isang tao at gamitin ito laban sa kanya ay isang gawaing barbarian. Lagi natin tandaan na ang karma ay nandyan lang, nakaantabay, handang maningil kapag oras na ng singilan.

Isa pala si Marian Rivera sa mga unang 20 Top Female Young Stars ng Pilipinas na maglalaban-laban sa pamamagitan ng boto ng publiko para sa titulong Goddess of Philippine TV na ipoproklama sa August ng taong ito. Ito ay proyekto ng site na ito at inaasahan naming susuportahan ninyo.

Si Marian at ang 19 pang kasama niya ay kailangan makapasok sa Top 10 sa linggong ito simula bukas para makapagpatuloy sa contest. Ang lowest 10 ay tuluyan nang mai-eliminate.

Magsisimula na bukas ang botohan at meron lang kayo hanggang February 20 para masalba ang mga paborito ninyong artista. Sa February 21 naman hanggang 28 ay iba namang set ang maglalaban-laban.

Ang mga kasama ni Marian sa linggong ito ay sina Anne Curtis, Sunshine Dizon, Karylle, Pauleen Luna, Kim Chiu, Carlene Aguilar, Mariel Rodriguez, Cristine Reyes, Jackie Rice, Gaby dela Merced, Chynna Ortaleza, Sheryn Regis, Melissa Ricks, Jonalyn Viray, Aicelle Santos, Krissa Mae Arrieta, Laarni Lozada at Cathy Gonzaga.