Away nina Cristy at Nadia, Posibleng Mabuhay dahil kay Aubrey Miles

Posibleng sa mga susunod na araw ay mabubuhay muli ang isyu nina Cristy Fermin at Nadia Montenegro dahil na rin sa pag-amin ni Aubrey Miles na totoo nga ang matagal ng tsismis na siya ay may anak na itinago sa publiko. O hindi man ang isyu ang mabubuhay, baka magiging mainit na paksa sa mga entertainment sections ng mga diyaryo ang mga pangalan na nabanggit.

Natawa kami dito sa Seite Contra Dos sa narinig naming comment mula sa isang Pusang Gala. Ngayon daw kasi na umamin na si Aubrey, naglulundag na raw siya sa tuwa at nag-celebrate ng bonggang-bongga hanggang malasing. Of course, exaggeration laman iyan pero balita nga raw na napa-smile ng pagkatamis-tamis ang kontrobersiyal na manunulat dahil pakiramdam niya ay vindicated siya sa nangyaring aminan.

Sa mga hindi pa masyadong pamilyar sa showbiz, nagkaroon ng away at sagutan sa ere noon habang pilit na pinaninindigan ni Cristy na may anak si Aubrey at JP Obligacion. Take note of that, pinangalanan din ni Cristy na ang ama ng bata ay si JP nga. Sa kabilang banda, pinanindigan din ni Aubrey na siya ay dalagang-dalaga.

Sundot pa ng aming Pusang Gala, baka sobrang nerbiyos na raw ngayon ni Nadia. Posible daw kasing magbago ang judgement ng mga tao tungkol sa pinasabog ni Cristy na may anak din siya sa labas.

Pati ang aming Pusang Gala ay kasalukuyan daw nagtatalo ang kanyang isip kung sino na ngayon ang kanyang paniniwalaan kina Cristy at Nadia. Ginulo daw kasi ni Aubrey ang kanyang tahimik na pag-iisip kaya ngayon daw ay sobra siyang nahihirapan. LOL.

Anyways, ang mali kasi kay Cristy, sa mga away niya sa ilang mga celebrities, ginagawa niya kasi itong personal. Wala siyang pakiaalam kung mandamay na siya ng mga inosenteng tao matira lamang ang kalaban. Ang lagi style niya ay atakihin ang pagkatao ng kalaban kahit hindi naman ito ang ugat ng away.

Well, sana lang let bygones be bygones.

READ MORE >>

Nangangamoy Gimik ang Pag-amin ni Aubrey Miles sa Kanyang Anak

Ang pag-amin ni Aubrey Miles sa matagal niyang lihim ang naisip niyang pinakamabuting paraan para manumbalik ang matamlay na niyang career pagkatapos manganak sa unang baby nila ng hunk na si Troy Montero. Ang tanong, makakatulong kaya ito?

Nangangamoy gimik ang pag-amin ng magandang sexy actress na nagkaroon siya ng anak bago pa siya inilunsad na sexy star ng Regal Films. Totoong nagkaroon siya ng anak sa isang starlet na kasamahan niya dati sa Best Friends na pumalit sa That's Entertainment ni Kuya German Moreno. Ang ama ng bata ay si JP Obligacion. Inamin mismo ito ni Aubrey sa beteranong host na si Boy Abunda.

Karamihan na sa showbiz ay alam ang sekretong ito bago pa man nagkaroon noon ng sagutan sa ere sina Aubrey at Cristy Fermin. Naalala pa namin kung paano umiyak at dumepensa si Aubrey kapag tinitira siya ni Cristy sa mga shows nito at columns sa mga tabloids. Deretsang pinabulaanan ito ng dalaga.

Pero hindi namin masisisi si Aubrey dahil gusto niyang alagaan ang kanyang career noong mga panahong iyon. Dito nga naman siya kumukuha ng pera para mabuhay ang anak na lalake na ngayon ay 8 years old na. Pero hindi rin namin, gino-glorify ang ginawa ni Cristy. Masyado kasing agresibo noon ang kolumnista at wala naman siyang dahilan para ibunyag ang lihim ng actress.

May karapatan si Aubrey kung ano ang gusto niyang ilihim lalo na at wala naman siyang inapakang tao sa panahong iyon. Kagustuhan naman ng lahat ng partidong sangkot ang kanyang ginawang denial kaya wala tayo sa posisyon na nakawan siya ng bagay na ayaw niyang maisa-publiko. Ito ang hindi naunawaan noon ni Cristy.

Pero ang malaking katanungan ay makakatulong ba ang pag-amin na ito ni Aubrey para bumango muli ang kanyang pangalan? Kakamuhian ba siya ng mga fans na naniwala noon sa kanya. Isipin kaya ng mga fans na sila ay naloko?

Sinabi ni Boy na si Aubrey mismo ang tumawag sa kanya upang ipaalam na sa publiko ang matagal na niyang lihim. Pagkukusa daw ito ng dalaga na naging representative ng Pilipinas sa first edition ng Amazing Race Asia.

Pero bago pa lumabas ang balitang ito, usap-usapan na rin sa showbiz ang kanyang pagbabalik-telebisyon at pelikula. Marahil lumabas ito para magkaroon ng ingay ang kanyang muling pagpasok sa showbiz.

READ MORE >>