Angel Locsin Now Leads Weekly Elimination of Goddess of Philippine TV

GPTV Update: May bago tayong leader sa nangyayaring weekly elimination para sa Goddess of Philippine TV search. Pagkatapos pag-reynahan ni Gee Ann Abraham ang naturang eliminasyon ng ilang araw, naagaw na ito ni Angel Locsin na nagtala ng botong 20,278. Mayroong siyang 2,368 na lamang kay Gee Ann na may kabuuang botong 17,910.

Magtatapos ang botohan bukas ng gabi, 20 April 2008. Isang katanungan kung muling mapanatili ni Angel ang number one spot. Maraming posibleng mangyari sa loob ng isang araw lalo na at pursigido rin ang mga Gee Ann fanatics na ilagay siya sa unahan.

Maliban kina Angel at Gee Ann ang tatlo pa na nasa unofficial Top 5 sa linggong ito ay ang tatlong Kapuso stars na sina Jennica Garcia, Nadine Samonte at Maxene Magalona. Consistent na nasa Top 3-5 positions ang mga nabanggit na artista simula sa unang araw ng botohang ito.

Pero humahabol sina Julia Clarete at Yasmin Kurdi sa Top 5. Kung magpapatuloy ang rally ng kanilang fans para sila ay madala sa Top 5, posibleng dalawa o isa kina Jennica, Nadine at Maxene ang malalaglag.

Marami ang mga posibilidad at abangan natin iyan bukas.

Maliban kina Julia at Yasmin, ang tatlo pa na wala pa sa Top 5 ay sina Nikki Leona Dacullo, Aicelle Santos at Carlene Aguilar.

Ang mga nasa Top 5 sa pagtatapos ng weekly elimination na ito ang makakapasok at aabante sa Final Top 25 ng ating 100 Top Female Young Stars of the Philippines kung saan manggagaling ang sole winner na Goddess of Philippine TV.

Samantala, tuluyan ng mae-eliminate ang sinuman na makakasama sa Bottom 5.

Bukas ng gabi ay magsisimula rin ang weekly elimination para sa last batch ng Second Face-off ng ating search. Ito ay kinabibilangan nina Angelu de Leon, Angelica Panganiban, Bianca King, Chynna Ortaleza, Isabel Oli, Jonalyn Viray, Riza Santos, Rhian Ramos, Sarah Geronimo at Sheena Halili.